WALEWI 12:8 - Bibilia Kui Mdedie fo Kimochi

⁸ “Kokoya masaa ha mndu mkacho halashikie wuhuru, wo ihuṟuwi, o nlyondi echiende mbeta tsiwi, ang'u malea hawi ha mbuna; limu lya kidaso kekoṟa, na lya kawi lya kidaso kya wunyamaṟi; nao mkohanyi nechiwika kisanza kipfa kyake, nao nechiheṟemka.”

WALEWI 12:8 ပူးပေါင်းရင်းမြစ်များ

WALEWI 1:14

“Shiinengo shake echiinenga Mndumii-Ruwa, shiwe shidaso shemaya modonyi, ko koya nyi shilehe, nlyondi echiende mwano foke kui mbeta ang'u malea ha mbeta.

WALEWI 12:7

nao mkohanyi nashisembeṟie oshanguny lo Mndumii na iwika kisanza kipfa kyake; nao nechiheṟemka. Ilyi nlyo iwawaso lya icho afee, kiwe nyi mana o kisoṟo ang'u nyi o kika.

WALEWI 13:1

Kiidima Ruwa menyi wuitoṟi kadeda na Mose na Aroni, na iwawia,

WALEWI 14:21

“Kyaindi kokoya nai mkiwa, na elechiidama iwona kiheokyo, nlyondi echiira kidahina kya kisuwa, kiwe mwano fo madeko fo kuchakucha, kundu nawike kisanza kipfa kyake, na kienga kya ikumi kya efa ya mso mmamiri, fumlongelonge na mafuda shiwe mwano fo mso na sheenga shiṟaṟu sha mafuda.

WALEWI 14:22

Naende mbuna tsiwi angu malea hawi ha mbeta chandu aidima ihawona; ilyo lyimu lyechiwa mwano fo wunyamaṟi na ilyo lya kawi lyiwe kidaso kekoṟa.

WALEWI 15:14

Nao mfiri fo nyanya nawone mbuna tsiwi, ang'u maalea hawi ha mbeta, nahende oshangunyi lo Mndumii mongonyi fo ihema lyesanzia, nainengie mkohanyi shilehesho,

WALEWI 15:15

na mkohanyi nashisembeṟie, kimu kiwe nyi mwano fo wunyamaṟi, na kya kawi nyi kidaso kekoṟa; nao mkohanyi nechiwika kisanza oshangunyi lo Mndumii kipfa kya odelyo kyake.

WALEWI 15:29

Mkonu fo nyanya naende mbeta tsiwi, ang'u maalea hawi ha mbeta, naendie mkohanyi, oo mongo fo ihema lyesanzia.

WALEWI 4:26

Na mafuda hakyo hose naharumatsie oo rasionyi, chandu alerumatsa mafuda ha shidasosho sha ofoṟo; nao mkohanyi nechimbikia kisanza kipfa kya wunyamaṟi woke; nao nechihoṟio.

WALEWI 5:11

Kyaindi nalaidime iwonambeta tsiwi, ang'u malea hawi ha mbuna, nlyondi echiende mwano yake kipfa kya idedolyo alelitehia, kienga kya ikumi kya efa ya mso mmamiri, kiwe nyi mwano foke fohoṟio wunyamaṟi; nalawikyoho mafuda huyafo, manya ubani wulahekioho; kyamba, nyi mwano fohoṟio wunyamaṟi.

WALEWI 5:7

Kyaindi kalemo iwuta ihuṟuwi, nlyondi echiendie Mndumii mbeta tsiwi, ang'u malea hawi ha mbuna, kiwe nyi mwano foke fo wunyamaṟi wo woke alewuta; kimuho kya shilehesho nyi mwano fo wunyamaṟi, na kya kawi nyi kidaso kemaya modonyi.

MATAYO 21:12

Na Yesu kaida na ipfo hekalunyi lya Ruwa kafunapfo wekumba na wehuṟa wose wai ipfo hekalunyi. Kapfuluo na shitaṟa sha weilacha pesa na shidi shedamya sha wekumba mbeta.

2 WAKORINTO 8:9

Kyamba muichi ngata ya Mndumii odu Yesu Kristo irie wutonga woke, nyi ili awei msuṟi adi kahenda haluka mkiwa, kundu nyo ipfo wukiwenyi woke mukuwutie-ho iwa wasuṟi.