WALEWI 12:6 - Bibilia Kui Mdedie fo Kimochi

⁶ “Numa mfiri ya isanjika lyake ikamesia; kipfa kya mana o kisoṟo, ang'u mana o kika nechiende huṟuwi lya maka fumu lyiwe kidaso kekoṟa, na ialea lya mbeta, ang'u mbuna lyi kidaso kya wunyamaṟi nashiende na oo mongo fo ihema lyesanzia, nainengie mkohanyi;

WALEWI 12:6 ပူးပေါင်းရင်းမြစ်များ

MAWOOKIONYI 15:9

Mndumii-Ruwa kambia, “Njiendie taho ya maaka iṟaṟu na suwana ya maaka iṟaṟu, na suwa ya maaka iṟaṟu, na mbeta, na ialea lya mbuna.”

WALEWI 12:2

“Deda na wanawo wa Israeli, nowawie, Mndu mka kakupfunga, kafee mana o kisoṟo, nechikaa akuteṟefukie mfiri mfungade; cha mfiri iya ya kiheri ai merinyi, nyi wudo echikaa ateṟefukie.

WALEWI 12:5

Indi kokoya nafee mana o kika, nechikaa ateṟefukie mfungade iwi, cha mfiri yake ya meri; nao nechikaa kiidi kya samu ya isanjika lyake mfiri makumi haṟandaṟu na iṟandaṟu (66).

WALEWI 12:7

nao mkohanyi nashisembeṟie oshanguny lo Mndumii na iwika kisanza kipfa kyake; nao nechiheṟemka. Ilyi nlyo iwawaso lya icho afee, kiwe nyi mana o kisoṟo ang'u nyi o kika.

WALEWI 14:22

Naende mbuna tsiwi angu malea hawi ha mbeta chandu aidima ihawona; ilyo lyimu lyechiwa mwano fo wunyamaṟi na ilyo lya kawi lyiwe kidaso kekoṟa.

WALEWI 15:14

Nao mfiri fo nyanya nawone mbuna tsiwi, ang'u maalea hawi ha mbeta, nahende oshangunyi lo Mndumii mongonyi fo ihema lyesanzia, nainengie mkohanyi shilehesho,

WALEWI 15:29

Mkonu fo nyanya naende mbeta tsiwi, ang'u maalea hawi ha mbeta, naendie mkohanyi, oo mongo fo ihema lyesanzia.

MAITALA 6:10

Mkonu fo nyanya nechiduo mbuna tsiwi ang'u malea hawi ha mbeta ko mkohanyi alya mongo fo ihema lyesanzia.

LUKA 2:22

Kyasia wekimarisa mfiri iya yekuheṟemtsa, iya isumhanyi, chando kiwekiteṟie ipfo wuwawasonyi wo Mose, naalyo wakamduo kulya Yerusalemu wahende imloṟa Mndumii.

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

WAEBRANIA 7:26

Na mkohanyi mnene ai ado nyio alusumhanye kawa menyi wuindi mkeha ose, alawode huya maruwehu.