WALEWI 11:8 - Bibilia Kui Mdedie fo Kimochi

⁸ Mulalye nyama yatso manya mulapaye mnying'a yatso; isho nyi shindo shiteṟefutsie mrima konu.

WALEWI 11:8 ပူးပေါင်းရင်းမြစ်များ

YESAYA 52:11

“Hendenyi konu, hendenyi konu, wukenyi ipfo, mulapaaye kindo kifanyi; wukenyi kiidi kyake; muwe waele nyo mukeri iduo shihia sha Mndumii.

HOSEA 9:3

Ambuya wechikaa orukenyi lo Mndumii-Ruwapfo, Ee wana wa Efraimu nyi wechiwuya wusingenyi kulya Misri, wechihenda ilya shelya sha ngafu kulya Ashuru.

WALEWI 11:7

Na nguwe, kipfa yo iwode mbahachu, iwode madende hahawanyikie o makidi hawi, indi yekelya ngamrupfo, yo nyi kindo kiteṟefutsie mrima konu.

WALEWI 11:9

“Kiidi kya mandoho hose ha ipfo mṟingenyi na mochikuliia, orio kiwode makungo na mawala sha ipfo mṟingenyi na ipfo ipalyipalyinyi, na ipfo medenyi mochishikuliia.

WALEWI 5:2

ang'u kokoya mndu apaya kindo kiterefukie, cha mnying'a fo indo lya ngeṟenyi lii kindo kiteṟefukie; ang'u kokoya nyi mnying'a fo indo lya mba lyiteṟefukie; ang'u kokoyanyi mnying'a fo ishinu lyiteṟefukie, nao kindokyo kikamdekia nalakikimanye, katerefuka, nlyondi echikudika wunyamaṟi woke o amonyi.

MATAYO 15:11

Kiteṟefutsie mndu wuwicho chi iki kehenda dumbunyipfo, nyi iki kyawuka dumbunyi nkyo kindo keterefutsa mndu wuwicho!”

MATAYO 15:20

Nyi sho-ng'u shindo shewikya mndu wuwicho. Kya indi kolya kulasambie mawoko chikyo kyawikya mndu wuwichopfo.”

MARIKO 7:15

Kuwode kindo kii ipfo nja ya mndu kyechiida na ipfo kiidi kyake kechiidima imterefutsapfo. Kyaindi shilya shawuka ipfo kiidi kya mndu nyisho shii sheterefutsa.” [

MARIKO 7:18

Nao kawawia, “Nanyo na wudo-ng'u mlamanya kindo? A mlaichi, ke shose sha nja sheida na ipfo kiidi kya mndu shechiidima imterefutsapfo.

MARIKO 7:2

Wakawona wa kiloshyonyi kyake maata wechilya mkate na mawoko haterefukye, nakyo nyi ili walawesanjie mawoko.

MAWUTO HA WASU 10:28

Kawawia, “Nawo muichi ke mndu Myuda awode momu fowadana na mndu o mbaṟi ingi ma ihenda kokepfo. Kya indi Ruwa nyio alenjiloṟa ke njilatane mndu ma kawa wu ke nyi ai o ngafu ang'u nyi alai mharami.

MAWUTO HA WASU 15:29

Mukae mochilehana na shindo shii shidasye mfanano na samu na shindo shii shiotsuo na wuṟuhui. Mukakuima isho le nyi mowuta necha. Kekaeny na kipwo.”

WAROMA 14:21

Kiwe kicha-ho nyi koda kulalya nyama; ma inyo mpfinyo; ma ilya kelya kingi kyekeendye manomayo ikapya-ho mtuulya.

1 WAKORINTO 8:8

Kya indi kando kaa na wucha wolusanza na Ruwapfo. Lukaalya lui na wo mwengeṟyapfo, lukada lulalya lohenda iwunyiṟyopfo.

2 WAKORINTO 6:17

Nkyo kimwitike muwuke ipfo kiidi kyawo mulekane nawo, lyo nyilyo Mndumii ahambye. Na kindo kifanyi ngafu ma mulakuwashe nakyo; na inyi njechimuambya koko.

WAEFESO 5:11

Ma mulakusanze na wewuta mawuto halai mecha, halya ha meema, kya indi muwadedye.

WAEFESO 5:7

Ma mulawe wodoyawo wa njia ii.

WAKOLOSE 2:16

Wulalu manya mndu nalamdedye kya kindo kelya ang'u kyenyo ang'u kya mkonu mnene mweri fudeṟkye ang'u kya msabato.

WAEBRANIA 9:10

Shiwekuwode na shelya na shenyo shiishenyi na maolyo ha mbaṟi ii na ii, sha sungusihu tsa shinyama tsiweindikye tseringa kiheri kya wusumhanzo itane kishike iwoneka.