WALEWI 11:44 - Bibilia Kui Mdedie fo Kimochi

⁴⁴ Kipfa kya ili Inyi njii Mndumii-Ruwa onu njimuele; heṟemtsenyi mrima yanu, muwe waele. Manya mulafanyitse mrima yanu kui kindo kya mbaṟi yose kekeafuo, kekechumia orukenyi.

WALEWI 11:44 ပူးပေါင်းရင်းမြစ်များ

SHIIMBO SHA DAWIDI 99:5

Ichimbiṟenyi Mndumii, Ruwa odu; aramenyi kidinyi kya madende hake; nyio ai mwele.

SHIIMBO SHA DAWIDI 99:9

Ichimbiṟenyi Mndumii, Ruwa odu; aramenyi mochiambuya fumvunyi lyake liele; kyamba Mndumii, Ruwa odu nyio ai mwele.

IWUKA 16:12

“Njileicho mnunuwo fo wana wa Waisraeli; dedang'u nawo, nowawie, ‘Kiheri kya kyukanyi mochilya nyama, na kiheri kya ngamenyi mochiihuda mkate; nanyo mochimanya ke Inyi njii Mndumii-Ruwa onu.’”

IWUKA 19:10

Mndumii-Ruwa kawia Mose, “Kehenda ko wanduwa, nowaheṟemtse inu na ngama; wasanje na maṟao hawo,

IWUKA 19:6

nanyo mochiwa koko wumangi wo wakohanyi, na mkambo mwele. Iho nyiho madedo ochiwia wana wa Waisraeli.”

IWUKA 20:2

“Inyi nyi Mndumii-Ruwa, Ruwa opfo njilekuwuta orukenyi lo Misri, mmbenyi ya wusinga.

IWUKA 22:30

Nawudo ochiwuta ko wuwee wo mmbe tsapfo, na machondi hapfo, kyaindi nochishileka shionge ko mayawo ko mkonu mfungade na mkonu fo nyanya nonjiendie.

IWUKA 22:31

Nanyo nyi wandu wako wasambuṟe, koikyo manyamulalye nyama injiwahe nyi mando ha ngeṟenyi, kyaindi nyamayo mochikumbia mashite.

IWUKA 23:25

Nanyo mochiṟundia Mndumii-Ruwa onu, nao nechiwikia mboṟa kelya kyanu na mṟinga fonu; na inyi njechiwuta ndaaṟe ipfo kopfo.

IWUKA 6:7

na inyi njechimuira muwe wandu wako, njechiwa Ruwa konu, nanyo mochimanya ke inyi nyi Mndumii-Ruwa, Ruwa onu, njimuwutie mkure kiidi kya maṟio ha Wamisri.

YESAYA 43:3

Kipfa inyi nyi Mndumii-Ruwa opfo; njii Mwele kopfo iyo Israeli, mkiṟa opfo, ngawuta Misri iwe njoko na Kushi hamu na Seba kipfa kyapfo.

YESAYA 51:15

Kipfa inyi nyi Mndumii-Ruwa opfo, njekefoha ipalyipalyi, masinanu halyo hakaṟuṟuma.

WALEWI 10:3

Nahong'u Mose kawia Aroni, “Kindoki nyi kilya Mndumii adedie, kehamba, ‘Inyi njechiheṟemtso kiidi kya iwo waitikiria koko, na Inyi njechiichiko oshangunyi lo wanduwo wose.’” Aroni katsia sau.

WALEWI 11:43

Koikyo manya mlakuteṟepfuse koilya shindosho shekeafuo orukenyi.

WALEWI 18:2

“Deda na wana wa Waisraeli, nowawie, Inyi nyi Mndumii-Ruwa, Ruwa onu.

WALEWI 19:10

Mulawuye isanyia orio kindo demenyi lya msabibu, ang'u kuladoduo ndunda tsiolokie wanda; nochideeya wakiwa na wahenu. Inyi nyi Ruwa Mndumii-Ruwa onu.

WALEWI 19:2

“Wia mkambo fose fo Waisraeli kudi: Nkimuwaṟi muwe waele kipfa Inyi Ruwa Menyipfinya, Ruwa onu njii mwele.

WALEWI 19:3

Orio umu onu kimbaṟi naindie mae na ndeye, na iindia mfiri yako ya Ruwa, Inyi nyio Ruwa Menyipfinya, Ruwa onu.

WALEWI 19:4

Mulahalukie mfanano ya maruwa, manya mulakusungusie mfanano ya ruwa lyesalaṟa lya menya. Inyi nyio Ruwa Menyipfinya, Ruwa onu.

WALEWI 20:26

Kyamba Inyi Mndumii-Ruwa, Ruwa njii mwele, na Inyi njilemusahuo nyo kiidi kya mkambo ingi kundu muwe saa lyako, mochiwa waele.

WALEWI 20:7

Ko ikyo kudambikienyi ko Mndumii-Ruwa Ruwa muwe waele; kyamba Inyi njii Mndumii-Ruwa, Ruwa onu.

WALEWI 21:8

Nochimanya mkohanyi ke namshimbuo, kyamba nyio ekeambia mwano fo mkate fo Ruwa opfo, nochimmanya ke namwele, kyamba Inyi Mndumii-Ruwa, Ruwa njikushimbuo iyo njii mwele;

AMOSI 3:3

Ngesa wandu wawi wechiidima ihenda kimu walaidikyanyi?

MAITALA 15:40

Mambotso tsechimukumbuṟa mawawaso hako hose, na mochihaosha necha, nanyo mochiwa waele wako.

MATAYO 5:48

Kyasia, wenyi wandu waholokie wucha, chando na Nde-anuo ipfo ruwehu aholokie wucha!”

NGUMBUO YA MAWAWASO 14:2

Cha kipfa nyo mui waele wa Mndumii-Ruwa, Ruwa onu; Mndumii-Ruwa amemusambuṟa nyo muwe wake kiidi kya wandu wose wa wuyanenyi kose.”

1WATESALONYIKYE 4:7

Kyamba Ruwa alelulahia ngafupfo kya indi kawelulaha kui wuilishi.

YOSHUA 24:19

Kyaindi Yoshua kawawia, “Ambuyenyi, nyo mochiidima iṟundia Mndumii-Ruwapfo, kyamba oo nyi ai mwele. Kyamba oo nyi Ruwa awode wunyenyi, elechiidima iwahoṟia madeko na njonyamaṟo tsanu.

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.

OTAMBAHALUO LO YOHANE 22:11

Mokoṟa wumbafu nakwengeṟye ikoṟa wumbafu, menyi-ngafu nawekuengeṟya ikuterefutsa. Menyi-wusumhanyi nakuitike iwuta kya wusumhanyi na menyi kikale nawekuitika ikuwada na kikale kilya.

1SAMWELI 2:2

Kuwode msa ai mwele cha Mndumii-Ruwapfo; kuwode oose ai chaopfo; kuwode ai Iṟaṟa cha Ruwa odupfo.

1SAMWELI 6:20

Kiidima, wandu wa mṟifo Beth-shemeshi wakahamba, “Nyiu eidima ihoṟoka oshangunyi lo Mndumii-Ruwa, Ruwachu mwele? Nyiku lochimduo nawuke kiidi kyadu?”