WALEWI 10:15 - Bibilia Kui Mdedie fo Kimochi

¹⁵ Isasio lyeiria na kidari kekuchakucha wechishiende hamu na shidaso shekesembeṟio modonyi sha mafudaho, kundu shikuchakucho shiwe kidaso kekuchakucha oshangunyi lo Mndumii; numa shechiwa nyi shapfo iyo, na sha wana wapfo hamu na iyo, nyi wusumhanyi wonu mlungana, chandu Mndumii alewawasa.”

WALEWI 10:15 ပူးပေါင်းရင်းမြစ်များ

MAWOOKIONYI 13:15

kyamba orukalu uluwonyi njechikuinenga iyo na luwa lyapfo tane mlungana.

MAWOOKIONYI 17:13

Msa amfee ipfo kanyi kopfo na msa amhuṟe kui pesa tsapfo, kimbaṟi nadino; na mkundana foko fochikaa mbihunyi yanu, fuwe mkundana fo mlungana.

MAWOOKIONYI 17:17

Nalyo Abrahamu kaho wanda na kyamu kaseka, kahamba mrimenyi foke, “Aka, Mndu o maaka ihana ipfo koke kochefeo se mana? Nao Sara o maaka makumi kenda nechefee se mana?”

MAWOOKIONYI 17:8

Na Inyi njechikuinenga iyo na oshari lopfo lochiituma numa yapfo orukalu ukeri wuhenunyi, oruka lose lo Kanaanyi, noluitoṟie mlungana; na inyi njechiwa Ruwa owo.”

IWUKA 29:27

Na iyo kiheṟemtse kidarikyo kya kidaso kekucha kucha, na owaa lulya lo kidaso keiria, lukuchekuche, na luluirie huye, sha isuwa lilya lya iṟunda liele, ilyo liweliteseherie Aroni, na ilyo liwei kipfa kya wana wake,

IWUKA 29:28

nasho shechiwa sha Aroni na wana wake kelya kyawo kiwawaṟi mkonu yose kiwukie ko wana wa Waisraeli; kipfa nyi kidaso keiria huye, nakyo kechiwa nyi kidaso keiria kiwukie ko wanawo wa Waisraeli; kiidi kya njodambiko tsawo na shidaso sha ofoṟo, nyi kidaso kyawo keiria kipfa kya Mndumii-Ruwa.

WALEWI 2:3

Na ifo fotsuhaaho fo kidaso kya mso fochiwa fo Anoni na wana wake nyi kindo kiele mnu nakamu kiidi kya shidaso shileseheṟio ko Mndumii-Ruwa kui modo.

WALEWI 3:17

Idedolyi lechiwa iwawaso lya mlungana, ipfo shisharinyi shanu shose, kiidi kya mba tsanu tsose, ke mochilya mafuda manya samu manyalepfo.

WALEWI 7:34

Kyamba, kidarikyo kesingitsa, na kudendeko koiria, njileshiira ko wana wa Waisraeli ipfo mwanonyi yawo ya shidaso sha ofoṟo na Inyi ngainengya Aroni mkohanyi na wana wake, luwe ohawi lowo lo mlungana kuwuka ko wana wa Waisraeli.

MAITALA 5:9

Orio mwano fo kindo kyose kiele kya Waisraeli, wechiinenga Mndumii-Ruwa. Wechiendie mkohanyi, fochiwa foke.