WALEWI 1:5 - Bibilia Kui Mdedie fo Kimochi

⁵ Nao nashinje mmbeyo oshangunyi lo Mndumii-Ruwa; numa wana wa Aroni wakohanyiwo wechiende samuyo hafui, na iolyia samuyo mbai ya rasio lii o mongo fo ihema lyesanzia.

WALEWI 1:5 ပူးပေါင်းရင်းမြစ်များ

2MBONYI TSA MAHERI 35:11

Wakashinja shidahina sha machondi na shisuwana sha Pasaka, Walewi wakawuta njonyi yasho, na wakohanyi wakananatsa samu yatso huye ya rasio.

IWUKA 29:11

Kiidima noshinje ipung'alyo oshangunyi lo Mndumii-Ruwa mongo fo ihema lyekusanzia.

IWUKA 29:16

Numa noshinje isuwa, noire samu yalyo noinanatsie rasionyi noitengetie mbai-mbai.

IWUKA 40:6

Numa nowike rasio lya kidaso kemaya modonyi sumhana na mongo fo handu hekaa ihema lyesanzia.

YESAYA 52:15

nyi wudo echiṟihisha mamiingi; wamangi wechitsia sau; kipfa shindo walawawie wechishiwona; na mbonyi walalemetsiicho wechitsimanya.”

EZEKIELI 36:25

Ambuyenyi njikeri ihenda iwaletsia mṟinga sa mharami, fuhende imusanja oko lonu lose hamu na sanamu tsanu tsose.

EZEKIELI 43:18

Nalyo Mndumii-Ruwa kanjiwia, “Iyo mndu! Inyi Mndumii-Ruwa ngahamba njidi: Ambuya rasio lyo likamemaa iwiko nyi ochiheda ilishimbuo, nyi ochihenda idasiaho shidaso shemaya modonyi, nuweletsiaho samu ya shiuma sho shidaso.

WALEWI 1:11

Nao nechishinjia o ora lo rasionyi luambuye mtsudu oshangunyi lo Mndumii-Ruwa; na wana wa Aroni, wakohanyiwo, wechiolyia samu yakyo huya rasio njora tsose.

WALEWI 1:15

Numa mkohanyi nechikiende kufui na rasionyi, nao nechikiochohuo mdofo, na irumatsa na modo rasionyi, na samu yakyo yechiletsekia mbai ya rasio;

WALEWI 16:15

Numa nechishinja mburu iya ya mwano fohoṟio wunyamaṟi, ii kipfa kya wandu, na iende samu yake na isulienyi, nawewuta nayo chandu alewuta na samu iya ya ipung'a, naiolie huya kidi kya osaṟio, na oshangunyi lo kidi kya osaṟio,

WALEWI 17:11

Kyamba moo fo mbihu nyi ipfo samunyi fui, na Inyi ngamuinenga nyo samuyo rasionyi, kundu muwike kisanza kipfa kya mrima yanu; kipfa nyi samuyo yekewika kisanza kipfa kya mrima yanu.

WALEWI 3:13

Nao nechihekia owoko loke mdohu foyo, na imshinjia oo osehu lo ihema lyesanzia; na wana wa Aroni wechiolya samu yayo rasionyi njora tsose.

WALEWI 3:2

Nao nechihekia owoko loke o mdohu fo mmbe yo aiilekia, na imshinjia o mongo fo ihema lyesanzia; na wana wa Aroni, Wakohanyi wo, wechiolia samu yakyo alya rasionyi njora tsose.

WALEWI 3:8

nao nechihekia owoko loke huya mdo folyo ilyo lyaendo, na ilishinjia oo mongo fo ihema lesanzia. Na wana wa Aroni wechiolia samu yalyo alya rasionyi njora tsose.

WALEWI 4:29

Nao nahekie owoko loke mdohu fo mwanofo fo wunyamaṟi na ishinja kidasokyo kya wunyamaṟi oo handu ha kidaso kemaya modonyi.

WALEWI 4:33

Nao nahekie owoko loke mdohu fo kidasokyo kya wunyamaṟi, numa namshinje nawe kidaso kya wunyamaṟi, oo handu wekeshinjia kidaso kemaya modonyi.

WALEWI 4:7

Numa mkohanyi nawike samu njiangu huya ndumba tsa rasio ledutsia uvumba wucha oshangunyi lo Mndumii, likeri ihemenyi lyekusanzia; numa samu yo ingi yose ya ipung'alyo nechiipusuya wanda o shi ya rasio ya kidaso kemaya modonyi, likeri mongonyi fo ihema lekusanzia.

MIKA 6:6

“Njihendie Mndumii-Ruwa na kiki, kundu njiindie Ruwa ai huyako? Ngesa, njimhendie na kiano kemaya modonyi, njimnenge ihache lya maka fumu?

MAITALA 18:17

“Kyaindi mashao ha kuwoka ha mmbe, machondi ang'u mburu shilatalao; isho nyi shishiele. Samu yasho nochiiletsia rasionyi na mafuda hasho nochihakoṟa hawe kidaso kemaya modonyi hai opfaamo lucha lunjichihiṟie inyi Mndumii-Ruwa.

WAEBRANIA 10:11

Na orio mkohanyi ekehoṟoka-ho mkonu kawa mowika wuindi echidambikya-ho shidaso shilya shimu kafoi na kafoi, nasho shilai na pfinya yewutaho wunyamaṟi.

WAEBRANIA 12:24

Na Yesu moende owiko lulya luhya na samu iya ya maolya ikeri ideda kuichyo kota iya ya Abeli.

1PETRO 1:2

Kui kyama kya Ruwa Wande kiwesongoe kilemnenga kamusambuṟa moilisho nyi Mumuyo Mwele kyemwidikishya Yesu Kristo na imwolya samu yake. Wutonga na ofoṟo shimuwelukie welu.

1SAMWELI 1:25

Wamemarisa ishinja ipung'a Iyilya, waleduo mana ko mkohanyi Eli.