WALEWI 1:17 - Bibilia Kui Mdedie fo Kimochi

¹⁷ Numa napahuo makungoho hakyo, kyaindi nalamanjuo njohawi tsiwi; numa mkohanyi nairumatse modonyi huya rasio, huya ngu tsii huya modo; nyi kidaso kemaya modonyi, kidaso keseheṟia modonyi kya opfamo luchihiṟie Mndumii-Ruwa.”

WALEWI 1:17 ပူးပေါင်းရင်းမြစ်များ

MAWOOKIONYI 15:10

Nao kamwendie isho shose, kashipaṟa njora tsiwi kashileṟia orio kipeṟengu kikaambuyana na kingi, indi shilehe shilya nalashipaṟe.

MAWOOKIONYI 8:21

Mndumii-Ruwa kaicho opfamo lumchihiṟie, kahamba mrimenyi, “Njechisesa-se oruka numa ya ishi kipfa kya mndu o wandu-pfo kipfa mahio ha mrimenyi fo mndu o wandu, nyi hamawicho wokia wurika woke, manya njechikapa-se numa ya ishi orio kindo kii na moo chando njilewuta-pfo.

SHIIMBO SHA DAWIDI 16:10

Na njiweichi ochinjilekia njideke pfo, Manya ochida mcha opfo nanyamaṟikye pfo.

WALEWI 1:13

Kyaindi maula hakyo, na madende hakyo, nechisanja na mṟinga; na mkohanyicho nechishiseheṟia shose ishirumatsia rasionyi; nyi kidaso kemaya modonyi; nyi kidaso keseheṟia kui modo kya opfamo luchihiṟie Mndumii-Ruwa.

WALEWI 2:2

numa nafuendie wana wa Aroni wakohanyiwo; nao naireho ohi lumu lo mso mmamiri na mafudaho hafo na ubani wo wose; nahong'u mkohanyi nafurumatse modonyi kiwe nyiyo ngumbuo yake rasionyi, nyi kidaso keseheṟia modonyi, kya opfamo luchihiṟie Mndumii-Ruwa.

WALEWI 3:5

Na wana wa Aroni wechishirumatsia modonyi huya rasio na modo, huye ya kidaso kemaya modonyi, kii huya ngu tsii modonyi; nyi odambiko losembeṟia kui njia ya modo opfaamo luchihiṟie Mndumii-Ruwa.

WALEWI 5:8

Nao neshiendie mkohanyi, nawoke isembeṟa iya ya kuwoka ya mwano fo wunyamaṟi, nao nechimfunja nzingo, kyaindi nalamranduo njohawi tsiwi;

WALEWI 6:14

“Na iwawaso lya mwanofo fo mso nyi ili. Wana wa Aroni wechiisembeṟia oshangunyi lo Mndumii oo rasionyi.

WALEWI 8:21

Numa kasanja maula halya na masasio halyo na mṟinga; na Mose kakoṟia isuwalyo lyose alya rasionyi; lyiwei nyi kidaso kekoṟa kiwe opfamo luchihiṟie; kiwei nyi kidaso kiwekisembeṟie Mndumii kui modo; chando Mndumii alewawasia Mose.

WALEWI 9:13

Nawo wakamwendie kidaso kekoṟa ora kui ora, na mdo, nao kashirumatsia huya rasio.

MAITALA 15:3

mkanjiinenga mwano inyi Mndumii-Ruwa fuwuka mfiṟihenyi yanu ya shuma, kidaso kekoṟa ang'u mwano, kundu mndu naawutsie kyasa kyake aleteṟia, ang'u ilekia mwano fo nnga ang'u mwano fo kiheri kya mfiri mnene yanu injiteṟie, na isungusia opfaamo lucha lunjichihiṟie inyi Mndumii-Ruwa,

MAITALA 28:8

Kiheri kya kyukanyi nochiende ichondi lilya lyingi cha lilya lya ngamenyi lyemaya modonyi; mwano fo mso na cha mwano fo mvinyo; fuwode opfaamo lucha luchihiṟie Mndumii-Ruwa.”

MATAYO 27:50

Kyasia Yesu amidima ilaha lya kawi na ṟu ling'anyi-se nalyo kalekya moo.

YOHANE 19:30

Naho Yesu kekififinda mwinyo fulya futarang'ae kahamba, “Kyamekumarisikyang'u.” Kang'odwo mdo kalekya moo.

WAROMA 4:25

Nyio icho ammaa ihenda idambiko kimarete kya matahachyo hadu kashika iṟutso kipfa kya wuhoṟotsu wodu.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.