WALEWI 1:13 - Bibilia Kui Mdedie fo Kimochi

¹³ Kyaindi maula hakyo, na madende hakyo, nechisanja na mṟinga; na mkohanyicho nechishiseheṟia shose ishirumatsia rasionyi; nyi kidaso kemaya modonyi; nyi kidaso keseheṟia kui modo kya opfamo luchihiṟie Mndumii-Ruwa.

WALEWI 1:13 ပူးပေါင်းရင်းမြစ်များ

MAWOOKIONYI 8:21

Mndumii-Ruwa kaicho opfamo lumchihiṟie, kahamba mrimenyi, “Njechisesa-se oruka numa ya ishi kipfa kya mndu o wandu-pfo kipfa mahio ha mrimenyi fo mndu o wandu, nyi hamawicho wokia wurika woke, manya njechikapa-se numa ya ishi orio kindo kii na moo chando njilewuta-pfo.

2MBONYI TSA MAHERI 4:6

Nalesungusia se makaṟai (10) hesanjia, kawika hatanu oralu lo kulyo, na hatanu oralu lo kumoso. Makaṟai ho hawei hewika mṟinga fosanja shuma shilya sha shidaso shemaya modonyi. Na wakohanyi walesanjia mowoko hawo kulya mboṟikonyi ya ipalyipalyi.

EZEKIELI 40:38

Kuwewodepfo kiṟiha kilunganyi na kiṟiha kilya king'anyi kya kyamba ora lo huye, ipfo kiṟihenyi nyipfo kundu wawekesanjia shidaso shilya sha shiuma shemaya modonyi.

WALEWI 1:9

Kyaindi maula hayo, na masasio hayo nechishisanja na mṟinga; na mkohanyicho nechishikoṟa shose huye ya rasio, kundu shiwe kidaso kemaya modonyi, kidaso keseheṟia kui modo, kya opfamo luchihiṟie Mndumii-Ruwa.

WALEWI 2:11

Mwano fo mso ifo fose fochiseheṟio Mndumii-Ruwa ilawiko mtarang'ao manyale; kyamba manya mochikoṟa mtarang'ao, maa wuki wo wosepfo kyamba nyi kidaso keseheṟia ko Mndumii-Ruwa kui modo.

WALEWI 2:2

numa nafuendie wana wa Aroni wakohanyiwo; nao naireho ohi lumu lo mso mmamiri na mafudaho hafo na ubani wo wose; nahong'u mkohanyi nafurumatse modonyi kiwe nyiyo ngumbuo yake rasionyi, nyi kidaso keseheṟia modonyi, kya opfamo luchihiṟie Mndumii-Ruwa.

WALEWI 3:5

Na wana wa Aroni wechishirumatsia modonyi huya rasio na modo, huye ya kidaso kemaya modonyi, kii huya ngu tsii modonyi; nyi odambiko losembeṟia kui njia ya modo opfaamo luchihiṟie Mndumii-Ruwa.

WALEWI 4:31

Numa naire mafuda hakyo hose, chandu mafuda halya halewuto kiidi kya shidaso shilya sha ofoṟo; numa mkohanyi naharumatsie alya rasionyi, kiwe opfamo luchihiṟie Mndumii; na mkohanyi nawike kisanza kipfa kyake nao nechihooṟio.

WALEWI 6:14

“Na iwawaso lya mwanofo fo mso nyi ili. Wana wa Aroni wechiisembeṟia oshangunyi lo Mndumii oo rasionyi.

WALEWI 8:21

Numa kasanja maula halya na masasio halyo na mṟinga; na Mose kakoṟia isuwalyo lyose alya rasionyi; lyiwei nyi kidaso kekoṟa kiwe opfamo luchihiṟie; kiwei nyi kidaso kiwekisembeṟie Mndumii kui modo; chando Mndumii alewawasia Mose.

MAITALA 15:3

mkanjiinenga mwano inyi Mndumii-Ruwa fuwuka mfiṟihenyi yanu ya shuma, kidaso kekoṟa ang'u mwano, kundu mndu naawutsie kyasa kyake aleteṟia, ang'u ilekia mwano fo nnga ang'u mwano fo kiheri kya mfiri mnene yanu injiteṟie, na isungusia opfaamo lucha lunjichihiṟie inyi Mndumii-Ruwa,

MAITALA 15:4

kyasia, ichu molekia mwanofo foke, nechiendiese Mndumii-Ruwa mwano fo mso fo kilo kimu kya mso mmamiri fumruwike fukalongolongo na mafuda lita imu;

MAITALA 28:11

“Mawookyonyi ha orio meri, mochiinenga Mndumii-Ruwa mwano fokoṟa modonyi: shipung'a shitutu shiwi, isuwa limu; masuwa matutu mfungade ha maka fumu, halawode tewe.

MAITALA 28:8

Kiheri kya kyukanyi nochiende ichondi lilya lyingi cha lilya lya ngamenyi lyemaya modonyi; mwano fo mso na cha mwano fo mvinyo; fuwode opfaamo lucha luchihiṟie Mndumii-Ruwa.”

NGUMBUO YA MAWAWASO 12:27

Nyihondo mochiduo shidaso shemaya modonyi, nyama na samu, rasionyi lya Mndumii-Ruwa onu; samu ya indolyo mochiiolya rasionyi lya Mndumii-Ruwa, Ruwa onu, kyaindi muwode momu folya nyamayo.