WAKOLOSE 3:24 - Bibilia Kui Mdedie fo Kimochi

²⁴ Mochimanya ke mochiambya wueri wuwukie ko Mndumii, nawo nyi kyoṟa kilya. Ṟundienyi Kristo Mndumii!

WAKOLOSE 3:24 ပူးပေါင်းရင်းမြစ်များ

MAWOOKIONYI 15:1

Isho shose shameida, idedo lya Mndumii-Ruwa likachea Abramu ndodonyi, lyehamba, “Manya kulaowuo Abramu! Inyi nyi ngawo yapfo na njechikuinenga mboṟa ing'anyi mnu.”

MFANANO 11:18

Mndu mbicho nechiambya wueri wo wulembi; Mowaaya lohi nawode wueri wokusirya.

MATAYO 10:41

Mndu echiambya mwikimbi kikawa nyi kya rina lya mwikimbi, nyi echiwona kya woṟunda wo waikimbi. Na ichu echiambya mndu o wusumuhanyi, kikawa nyi kya rina lya mndu o wusumuhanyi nyi ewona kya woṟunda wo mndu o wusumuhanyi.

MATAYO 5:12

Kechihiyonyi mbekeseka, kipfa woṟunda wonu nyi wufoi kulya ruwehu, kifa na wudo waleweterengia waikimbi walya wa-wemsongoye.”

MATAYO 5:46

Kipfa kokooya mokunda walya wamkundi, na nyo nyi kiki mochiwona-ho kya woṟunda wonu? A wasanyi wa okamba cha wudo wekewuta?

MATAYO 6:16

“Nanyo mkashika ikuotoya, ma mulakufananyishe na makulembetseṟe-ho hekesuruwanyisha masineeri kipfa nyi wekeshimbiṟa shamu kundu wakuloṟe na wandu. Nyi kya lohi ngambia, wo walemmaa iduo kya woṟunda wowo.

MATAYO 6:5

“Ma iterewa na wudo; ma mlawe cha makulembetseṟe halya! Wo nyi wakundi iterewa wahoṟoki ipfo sinagogenyi na alya kikumbuhananyo kya njia tsa mṟi kundu wakuloṟe na wandu. Nki lohi iki njiimbia wo walemmaa iduo kya woṟunda wowo!

LUKA 14:14

Na iyo, nanga iyo; kipfa wo walawode kekutaa. Kipfa kitaayonyi kyapfo nyi alya maṟutsyonyi ha wecha wasumuhanyi.”

LUKA 6:35

Kyaindi kundenyi wakituwa wanu, muwewawutia na mecha, muakuye mulakundi iwihiṟio-se kindo; mukawuta mudo nlyodo woṟunda wonu wochifo, nanyo nyi mochiwa wana wa ulya ai huye ya shose; kipfa o nyi aololye wandu wechimwana na walya wawicho.

YOHANE 12:26

Kokoya mndu akundi njipfuṟukanya nache injilatya. Na hando inyi njikeri mpfondo na mpfuṟukanyi oko echikaa. Na kokoya mndu anjipfuṟukanya Wande nyi echimng'anyisha.”

MAWUTO HA WASU 20:32

“Kyasiang'u wulalu le ngamudambikyang'u Ruwa mukae wawanze nyi idedo lyo lya wutonga woke. Nyio Ruwa aidima imupfunga muwe mba na imwenenga kyoṟa kimu ipfo kundo wailishe wake wose walṟe.

WAROMA 1:1

Nyio inyi Paulo njii isinga lya Yesu Kristo msu msambuṟe nji-mdahuye Ndumi ya Ruwa ya Sia ya okiio.

WAROMA 14:18

Kyamba ichu akuwode na ikyo awa mopfuṟukanya-ho Kristo nyio sa achihiṟye Ruwa kawekundo nyi wandu.

1 WAKORINTO 11:23

Kyamba nyio Mndumii amenjienenga imanya shilya njilemmaa imudambikya nyo, nasho shii shidi, ke Mndumii odu Yesu kio kilya aleṟingyo nyi alewada mkate.

1 WAKORINTO 3:8

Kya indi mowaya na monosa wahianyi, na orio owo echiwona woṟunda woke wumsumhanye o wuidikyanyi na mawina hake.

1 WAKORINTO 7:22

Kyamba ichu amhenda ilahyo Mndumii ai isinga nyi amba mtalae o Mndumii. Na wudo ichu amelaho ai makuachia nyi awewiia Kristo isinga.

WAGALATIA 1:10

A ngadeda iki kyekulopa na wandu ang'u Ruwa ngesa? Njiwelanga ikukundishya wandu? Kima njiweikukundisha wandu njiwekikaa-se mṟundi o Kristo-pfo.

WAEFESO 6:6

Mulakae na wuindi woringa meso ha mndu cha ili mokunda ichihiana na wandu, indi cha masinga ha Kristo mochiwuta kui mrima kilya Ruwa akundi.

WAEFESO 6:8

Kumbwonyiwo ke orio mndu ose kindo aleuta kiwei kicha, manya awei isinga manya msuṟi, echikitao nyi Mndumii.

WAKOLOSE 2:18

Manya mndu oose nalamuwonyie mti echikundya wutindili na wuindi wo mbaṟi ya wasu wa ruwehu aikushela kya shilya amewona echikutimbisha kui mhie ya nyama tsake alawode mweke Mndu o mbari ii amtondoshe nyi wulembi wo wuyanawu.

WAEBRANIA 10:35

Ma mulawone mokumba wutumbe wu wonu wanda wui na wuṟundi wung'anyi wudi.

WAEBRANIA 11:6

Indi kundo kulawode wuidiki koidima ichihianapfo. Kyamba kiwaṟi mndu motikirya Ruwa nawe mwidiki moidikya ke o aiho na walya waimpfula nyi echiwasumba.

WAEBRANIA 9:15

Ikyo kyanenga ai moitsa-ho owiko luhya kundu walya wai walahe wahendeambya kyoṟa kilya kiweikiteṟye kii kya mlungana, ipfa lilya likamewa lyechiwuta-ho matahachyo haweitano ipfo kiwanjehu kya owiko lo kuwoka.

1PETRO 1:4

Koikyo kuiiwedia iwona mboṟa tsilya Ruwa ateseheṟie wandu wake ipfo Ruwehu tsilesia tsilai na mbaka tsilechiuma tsinjikoome ipfo ruwehu.

2PETRO 1:1

Inyi Simeon Petro njii isinga lya Yesu Kristo na msu oke ngaiṟikiṟa iwa wai-watomoke wuidiki wumu na iwu wodu wuitikisi nawo tichi kui wusumhanyi wo Ruwa chu odu na mkiṟa Yesu Kristo.

YUDA 1:1

Inyi Yuda njii isinga lya Yesu Kristo na manomae o Yakobo ngaiṟikiṟa walahe walya wa Ruwa waiwakunde nyi Ruwa Wande wakaa wai-waringye Yesu Kristo.

RUTI 2:12

Mndumii nakuwikie ona kya maṟunda hapfo, nowone kyooṟa kisumhanyi ko Ruwa, Mndumii-Ruwa o Israeli, ichu kuledichiya shiya makungo hake.”