WAKOLOSE 2:2 - Bibilia Kui Mdedie fo Kimochi

² Njiiṟunda njidi kundu ngoo tsawo tsihendekarisho tsilungana kikundenyi tsiwefeṟyo mfeeṟa fo welu ya wutiichi wose wo imanya kyama kikoome kya Ruwa nkyo Kristo amonyi.

WAKOLOSE 2:2 ပူးပေါင်းရင်းမြစ်များ

1WAMANGI 3:28

Waisraeli wose wekiicho mbonyi i na chandu aledumbuo mondufu, wakaowuo Mangi; kipfa walewona ke wuṟango wo Ruwa wuwei kiidi kyake kundu naanduye wandu.

SHIIMBO SHA DAWIDI 133:1

Keambuya, chandu kii kicha, na kichihiṟie, washari wakae handu hamu, kui wumu.

YESAYA 32:17

Na iṟunda lya wulohi lyechiwa ofoṟo; na shilimu sha wulohi shechiwa nyi olele na mkusirie kitsitsi.

YESAYA 40:1

Wihiṟienyi wandu moo, wihiṟienyi wandu moo, wandu wako, Ruwa onu ahamba.

YESAYA 53:11

Nechiwona kilimu kya wukiwa woke nachihiyo. Kui wuṟango wo mṟundi oko ai na wusumhanyi. Nawehaluo wafoi wenyi wusumhanyi, Nao naweduo mawicho hawo.

YEREMIA 9:24

Indi ulya mokushela nakushele kipfa nanjiichi inyi ke. Nyi Mndumii njekewuta mecha, njiwode wulohi na wusumhanyi, njekewuta shindo sha lohi na wusumuhanyi wuyanenyi. Wandu wa mbaṟi yo nyi wo wekenjichihiṟa.

MATAYO 11:25

Kyasia mandi na halya Yesu kahaluo kahamba, “Ngakuana, hoi Wande, kui mnene o ruwehu na oruka, kipfa ili mbonyi tsi utsiṟikye iwo waṟango na iwo waamtsu kowuya idambuya shikoku.

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

MATAYO 13:11

Nao kawavia, “Wandu wa wainengye imanya mbonyi tsa wumangi wo ruvehu tsii njiṟike nyiwo nyo, kya indi walya wa wanengyepfo.

LUKA 1:1

Kyamba wandu wafoi walewika mawoko hawo iṟehiya, mbonyi tsilya tsilewutika kunu kodu;

YOHANE 10:30

Inyi na wande lui wamu.”

YOHANE 10:38

Indi kokoya ngawa mohawuta nahong'u mulanjiidikye inyi modeda, keidikyanenyi na maṟunda ho hako mukuwutye-ho imanya kya kisimirya ke o Wande ai na inyi na inyi njii na Wande.”

YOHANE 16:15

Shindo shose Wande awode nyi shako. Nkyo kyannenga ngamuwia, ‘Mbonyi tso Mumuyo Mwele echimwongoya nyi kunu koko echitsiwuta.’”

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

YOHANE 5:17

Nao kawahalwo, “Ndeyako nyi aiṟunda kiheri kyose na inyi daa njiṟunda.”

YOHANE 5:23

Kundu wandu waindye Mana chando wekeindya Nde. Ichu ada alaindya Mana nyi ada iindya na Nde alemduma.”

YOHANE 6:69

Naso lomekuwutya-ho ikuidikya lukakumanya ke iyo nyi ukeri Mwele chu o Ruwa.”

MAWUTO HA WASU 4:32

Na mfoheṟa ya waidiki walya wawei ngoo imu na mrima fumu. Nawo kulakae-ho ma umu kehamba shindo shilya awode nyi shake amonyi, kya indi wawewode shindo shose kyando.

WAROMA 15:13

Nao Ruwa-chu mokusihyo adi nawe mombonya nyo mfeṟa fo orio msiha fose na ofoṟo shirianyi na mwidikye fomwidikya kundu mukusuṟye necha mui na mkusihye kui pfinya ya Mumuyo Mwele.

WAROMA 16:25

Ruwa nyio aidima imukapya owanzo kechimteteṟa na Ndumi ya Sia ya Okiio yehamba Yesu Kristo nyiyo ii njikeri iiongoya na otambahaluo lo kyaama kilya kiwekaa kiweikikoome maheri halya halunganyi.

WAROMA 2:4

Ang'u ngesa upiṟye wuwongoya woke na wutsitsa na wuleeli wufoi wudi kulamanye ke wucha wu wo Ruwa wokuitika udumbuye umhalukie kui mrima?

1 WAKORINTO 14:31

Kyamba nyi moidima iikimba nyo mose umu umu wawuteho ikulosha wose na ihenda wihiṟyo moo wose.

1 WAKORINTO 2:12

Natso lulaleambya mumuyo fo wuyana, kya indi nyi Mumuyo awukye ko Ruwa kundu lukuwutye-ho imanya shilya luiwasumbe nyi Ruwa chando shii.

WAGALATIA 3:28

Nkwipfo-se kohambo, ichu m Myuda na ichu m Mgrikipfo, ma isinga na isumba, ma msoṟo ma mkapfo. Kyamba nyo mui wamu mose mulunganyi na Kristo.

WAEFESO 1:7

Nyio lukuwode nao ai ndalai kui samu yake awewa mhoṟye fo mafurunjo fuidikyanyi na mfeṟa fo wutonga woke.

WAEFESO 3:16

Kundu kui kisumbyonyi kya wuitoṟi woke namwenenge muhende iṟamtsyo pfinya ipfo wumndunyi wo kya mba kui Mumuyo oke.

WAEFESO 3:3

Ngammanyisho kyama kikoome kui kilya mawonesyo chando njilewooka ihamba (Ngaṟehia ko kifui.

WAEFESO 6:22

Na kimaduma ngamduma konu nyi kundu mumanye oloho lo kodu lose nawekarisha ngoo tsanu.

WAFILIPI 2:1

Itutumo kui Kristo na yanjaṟyo kui ikunda na ipfungana kui Mumuyo na ililia mndu na imwichio wukiwa kokoya ho hakuwode-se nanyo.

WAFILIPI 3:8

Ee-da na shindo shose ngashihamba shii sha mawuṟa sumuhana na imanya Kristo Yesu Mndumii oko lisuṟye lidi. Nao nyio annengye ngatanyo shindo shose mawuṟa ngashihamba mbosha kundu njihende iwada Kristo.

WAKOLOSE 1:26

Kyo kyama kikoome kiwei kiowishe wandu wokia kacha, indi kikawewonesio wandu wake wulalu.

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

WAKOLOSE 1:9

Nkyo kitewe wokia mkonu luleicho naso luimterewya kitsitsi lochiomba kundu Ruwa namuinenge wuṟango wose wo kilya akundi, namuichuṟe osaṟe na wuṟango wo Mumuyo foke.

WAKOLOSE 2:19

Nakuletsana na Kristo ma alakuwada na mdo fu. Kiidi ya Kristo mpfo kundo mbihu fokehawio pfinya na owanzo fose folungo kui mapayano na mapfungano foching'ana mng'ano chando Ruwa akundi.

WAKOLOSE 3:14

Indi mwengeṟia fo isho shose nyi kikunda, kipfa kikunda nkyo kilunga kya orio mbika ikawa imu itoṟikye.

WAKOLOSE 4:3

Muweluterewya naso kundu Ruwa naluṟuhuye kichumi kyeonguo dedo lyake li lyehamba kirikye kya Kristo kipfa njiipfunge kimaduma kyalyo.

WAKOLOSE 4:8

Kitewe ngamduma konu, nyi kundu mumanye oloho loko nawekarisha ngoo tsanu.

1WATESALONYIKYE 1:5

Ili ndumi yo yadu ya sia ya okiio ilawembiia nyo kui dedo liyenyi indi na kui pfinya na kui Mumuyo Mwele na kui wutichi wose. Nanyo mwichi chando lulekukaya konu kipfa kyanu.

1WATESALONYIKYE 3:2

Lukaaweduma Timoteo manowama odu mṟundi o Ruwa mopfuṟukanya ndumi ya Kristo kundu nambanze nyo nawemkarishia wuidiki.

1WATESALONYIKYE 5:14

Indi lomwitika nyo, wanawawama, ke mututume walakaa kambenyi, mukahaṟe wenyi mrima mfafa, walya walawode muwatarame shilya wahuṟi, muwikye wandu wose tirisi.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

WAEBRANIA 10:22

Luhendetikiria-ho luwode ngoo nlalutsu lui na welu ya mwidikye lui-waolye ngo tsa mrima tsilakikae makufaṟe lui-wasanje mbihu na mṟinga mharami.

WAEBRANIA 6:11

Na lulalakye mnu ke orio mndu onu ose nawe momanyishya-ho wuitiki wu wumu wo mfeṟa fo owedo lulya shika mawutsyonyi.

2PETRO 1:10

Ili nyi wudo kii, nyo wanawawama, kimwamtse kawi muitike iwanza nandaho na msambuṟye iya mulelahio nyi Ruwa iwe ya kiheri kyose. Kyamba kokoya mochiwa wewuta shilya shilya mochiho ma indi-pfo.

2PETRO 1:3

Chando pfinya yake ya ki-Ruwa, Ruwa ammaa iluwonya shiende moo na wupfudi shose kui imanya ichu alelulaha na mweke fo wuitoṟi na wucha woke o amonyi.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.

1YOHANE 3:19

Na hondo lochikuwutya-ho imanya ke lukeri wandu wa kii-lohi. Na ipfo oshangunyi lo Ruwa nyi lochikarishya-ho ngoo tsadu.

1YOHANE 5:7

Waṟingishi wai-ho nyi waṟaṟu.