WAKOLOSE 1:5 - Bibilia Kui Mdedie fo Kimochi

⁵ Kimaduma kya kilya muiwedie muiwasuṟumye ipfo ruwehu. Nakyo nyi momsonguo ikiicho kui idedo lya wulohi wurie Ndumi ya Sia ya okiio.

WAKOLOSE 1:5 ပူးပေါင်းရင်းမြစ်များ

SHIIMBO SHA DAWIDI 31:19

Chando osaṟio lopfo lung'anyi, Uwikie walya wakuowoye! Uwutie walya wekudichia. Oshangunyi lo wandu!

LUKA 12:33

Kumbenyi nzohoṟa tsanu muwone shesaṟia wakiwa. Kesungusienyi na shikuchu shilechikuo sheṟika kisa kilechisia ipfo ruwehu, nyiho handu kulechisembelio nyi manyinyi ma ilio nyi kase.

MAWUTO HA WASU 10:36

Aii ndumi aidikye wana wa Israeli wose echionguo ofoṟo luiwiko nyi Yesu Kristo. Nao nyio ai Mndumii o wandu wose.

MAWUTO HA WASU 13:26

“Lanye womi, mui wanawawama, mui wana wa oshari lo Abrahamu na iwo wa ipfo kiidi kyanu mui weowuo Ruwa, pfo konu nyo idedo li lya okiio lu lii idike!

MAWUTO HA WASU 23:6

Naho Paulo kekimanya ke kyenga kimu kya wa chila ii nyi Wafarisayo na kyenga kimu nyi Wasadukayo kairya ṟu lyake chilenyi iya kahamba, “Hoi womi mui wanawawama, inyi nyi Mfarisayo njii mana o Mfarisayo! Njikeri yanduyo kimaduma nyi ili njikusirye na maṟukyonyi ha wapfu.”

MAWUTO HA WASU 24:15

Ili njiwode mkusirye njikusirye nafo Ruwa ke kochikaa-pfo maṟukyonyi ha wapfu wai wa wuhoṟotsu na walai wa wuhoṟotsu, ma koka nyiwo nawo wakeri nafo.

WAROMA 10:8

Madedo Maele hahambye. “Idedo lyo lya Ruwa lii afui, naiyo nyi likukerye ipfo dumbunyi lyapfo na ipfo ngoonyi yapfo.”

1 WAKORINTO 13:13

Na wulalu mwidikye na mukundie na mbedie, isho shiṟaṟu nasho shechikaa. Kya indi mkundie nafo fung'anyi kiidi kyasho.

1 WAKORINTO 15:19

Komkoya lukusihye na Kristo kya moo fu lufurie wulalu tupu nyi luwewa wandu welilia kota wengi wose.

2 WAKORINTO 5:19

Nyi kipfa Ruwa awei na Kristo kechisanza wuyana nao amonyi, nalawaitaya kisanza ki.

2 WAKORINTO 6:7

Lukaukerye na dedo lya wulohi, lutsindye-ho kui pfinya ya Ruwa. Lochikuringa na shisha sha wuhoṟotsu shii sha ora lo pfumu na lo ngao.

WAGALATIA 2:14

Na inyi ili njiwewonyi walakuhoṟotsa na kilya kii-lohi kya ndumi ya sia ya okiio wakukisumhanye ngawia Petro mandi waweiho wose, Kokoya iyo ui Myuda uwekaa mbaṟi ya kihenu kuwoka ilai ya Kiyuda nyi ku okuwutya pfinya yeitika wahenu numa ikaa mbaṟi ya Kiyuda?

WAGALATIA 2:5

Wo lulewasehya ma oweṟe lumu kyekuwika shiawopfo, kundu ndumi ya sia ya okiio iwange konu injenyi iwe ya lohi.

WAGALATIA 5:5

Kipfa so ili lui wawanze nyi Mumuyo nyi luiweda luhedesumhantso nalyo lyechiwa lukuwode na Kristo.

WAEFESO 1:13

Nanyo-da ili muleicho idedo lya kii lohi lya ndumi ya sia ya okiio lonu mlememwidikia na ikuwada nao, na ipfo koke muwepfindihisyo nanyo kui kisumbo kya Mumuyo Mwele ichu awemteṟio.

WAEFESO 4:21

mleicho napata kyake na iloshyo mui nao, ke kilya kii lohi kikeri kiidi kya Yesu.

WAKOLOSE 1:23

Kimuwaṟi nyo ikaa mukuwode tupu wuidikinyi mukuilikie-ho mui na kidembo kiwanzi mulechiwa iteshuo ipfo owedionyi lo Ndumi ya Sia, ii momwicho iwemwongoyo mbika iikeri shi ya ruwehu yose; na inyi Paulo ngamba mṟundi o Ndumi ya Sia.

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

WAKOLOSE 3:16

Dedo lya Kristo likae ipfo konu na mfeṟa folyo fose, Muwe mochifundana na iikimbana wuṟango wose. Mochiimbya Ruwa ipfo ngoo tsanu shiimbo sheterewa na sheṟumisha na shiimbo shi shiamtse nyi Mumuyo shehamba wutonga wu.

1WATESALONYIKYE 2:13

Nakyo nyi kimaduma na so lotsinda lochiana Ruwa cha kipfa dedo lyo lya Ruwa momambya moicho kodu muleliwada chi cha dedo lya wandupfo kya indi chando likeri kya lohi cha dedo lya Ruwa. Nalyo likuwode nanyo mui waidiki lyechiṟunda.

2WATESALONYIKYE 2:16

Nao Mndumii odu Yesu Kristo amonyi na Ruwa Ndeyadu ichu alelukunda na iluenenga kiwihiṟia moo kitsinde mulangana na owedo sa ucha kui wutonga.

1TIMOTEO 1:15

Dedo liṟamtsu lisumuhanyi iindyo nyi wose likeri lile, ke Kristo Yesu amcha wuyana kundu nakiṟe wanyamaṟi, na inyi njii msongoru owo.

2TIMOTEO 4:8

Kitsuhae nyi iṟiko oṟo ya wuchopi wo wuwinzi wuhoṟotsu wo moo njimsuṟumye. Nyiyo Mndumii mletsi mhoṟotsu echinjiimaya nayo mkonu fulya. Indi echinjiimanya nayo inyi njimonyi tupupfo, indi na walya wose wawodo nyi macha ha ikuloṟa lyake.

TITO 1:2

Njikuwode na owedo loiweda moo fo mlungana ifu Ruwa chu alai mowongo alemteseheṟya matsika halya maheri halunganyi halawemche.

WAEBRANIA 7:19

Kukaitso-ho owedo lu ucha kota, lyo lyaluduo oshangunyi lo Ruwa.

1PETRO 2:2

Ili mui cha wanangu wai wafee wulalu mulalakie oseṟi lu lo kimumuyo, lulalulongye wongo, kundu mushike ikoya kui pfinya yalo mkura ya okiio.

1PETRO 3:15

Indi Mndumii Kristo nyio mumtane mwele ipfo ngonyi tsanu. Mukae mochikuṟeheṟya itambahaluya orio mndu mowesana nanyo kya owedi ilu lumbode.

2PETRO 1:12

Nkyo kimaduma njechiwa momkumbuṟa kya shilya shilya mfiri yose ma ili mushiichi mui-waṟihike nyi kii-lohi iki muleambia.

1YOHANE 3:3

Na orio ose akuwode nao kui owedi-lu nyi aikuilisha amonyi naile chando Kristo amwili weṟu.