WAKOLOSE 1:27 - Bibilia Kui Mdedie fo Kimochi

²⁷ Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

WAKOLOSE 1:27 ပူးပေါင်းရင်းမြစ်များ

MATAYO 13:11

Nao kawavia, “Wandu wa wainengye imanya mbonyi tsa wumangi wo ruvehu tsii njiṟike nyiwo nyo, kya indi walya wa wanengyepfo.

LUKA 17:21

Manya wechihamba, aiwu iya, ang'u awulya kulyapfo; kipfa wumangi wo Ruwa nyi ipfo kidi kyanu wui!”

YOHANE 14:17

Nyio Mumuyo o wukilohi, ichu wuyana wu wulaidima imbada kipfa wulawode meso hembona ma wuṟango wommanya. Nyo nyi mommanya kipfa nyi aimukaya kechitsinda mrimenyi yanu.

YOHANE 14:20

Mkonu fulya ili fochishika ni mochimanya ke inyi njii-mlunge na Wande oko nanyo muiwalunge na inyi, na inyi njii-mlunge nanyo.

YOHANE 14:23

Yesu kahalwo kambia “Mndu kakaa-ho anjikundi nyi idedo lyo lyako echiliringa, nawo Wande chu oko echimkunda naso nyi lochicha ikaa koke.

YOHANE 17:26

Inyi njilewamanyishia rina lyi lyapfo na njechikaa njechiwuta njido, kundu ikunda lyapfo uliwode koko fuwakaye ipfo mrimenyi yawo, na inyi njikae njimlunge nawo.’”

YOHANE 6:56

Na mndu kalya nyama tsako kawenyo samu yako nyio akaa kiidi kyako na inyi njikaa kiidi kyake.

WAROMA 11:33

Apa wuleshe wo wusuṟi wo Ruwa na wo wuṟango woke na wulaanyi. Mdumbuye yake yedumbwo mondu chando shilechiwa isonjokoṟa chando tsilechiwa ihesho chandu kuikuṟehie.

WAROMA 2:4

Ang'u ngesa upiṟye wuwongoya woke na wutsitsa na wuleeli wufoi wudi kulamanye ke wucha wu wo Ruwa wokuitika udumbuye umhalukie kui mrima?

WAROMA 5:2

Nao nyio aluinengye mtengele fulya foluduo ipfo kundo kuwode wutonga-wu wo Ruwa lukuilikishye nawo na ikuṟumisha kui owedi lowedya wuitoṟi wo Ruwa.

WAROMA 8:10

Indi komkoya Kristo akuwode nanyo, mbihu-i yanu yechipfa kipfa kya wunyamaṟi, indi Mumuyo fui moo fuimbike ipfo konu kundo momtano wahoṟotsu.

WAROMA 9:23

Nyi kundu nawemanyishya-ho mfoe fo wuitoṟi woke alya shihie-hu shirio nyi wutonga woke isho alesonguo ishiteseheṟya wuitoṟi wulya.

1 WAKORINTO 3:16

Mulaichi ke, nyo nyi hekalu lya Ruwa na ke, Mumuyo mwele ai mokaa nanyo sho?

2 WAKORINTO 2:14

Indi Ruwa nakae echiwikyo mwaano ili ailuenenga iwinza lyi lya kui Kristo kitsitsi echipfamiṟa orio kundu kose mtambahalukye foke ai naso.

2 WAKORINTO 4:17

Kyamba iṟiyo lyo lyangu lya wukiwa wodu lyekaa oweṟe lo kidempfu, lyo lyalutanya wuitoṟi wo mlungana wuwode onu luiwonyo mwengeṟia na mwengeṟia.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

2 WAKORINTO 6:16

Na maidikyano m maki ha hekalu lya Ruwa na mfano ya maruwa ha wongo? Kyamba so lui hekalu lya Ruwa menyi moo; chando Ruwa ahambye, ke ipfo kowo njechitana kanyi koko njehendekyaho, inyi njechiwawiia Ruwa owo nawo wechinjiwiia mkambo foko.

WAGALATIA 2:20

Wulalu-le chio inyi njikukerye-se na moopfo, kya indi mokaa na moo kui mbikye foko nyio Kristo. Moo fu fo nyamenyi njikikeri-se nafo njifurie njikuwode na Mana o Ruwa nao nyio anjikundi katana akudambikya opfunyi enkaya-pfo inyi.

WAGALATIA 4:19

Nyo mui wana wako, njikeri iwawyo lingi kya mafeonyi hanu ha kawi itane Kristo akumanyisha nanyo mui ofano loke.

WAEFESO 1:7

Nyio lukuwode nao ai ndalai kui samu yake awewa mhoṟye fo mafurunjo fuidikyanyi na mfeṟa fo wutonga woke.

WAEFESO 2:22

Kui ikulunga nao, nanyo da mochiengeṟyo-ho napfo ipfo mbikenyi muwe kanyi ko Ruwa kui Mumuyo.

WAFILIPI 4:19

Na Ruwa chu oko echimsumba nyo ishi muwuṟye shose kui wusuṟi woke womanyisha wuitoṟi wu wui na Kristo Yesu.

WAKOLOSE 1:5

Kimaduma kya kilya muiwedie muiwasuṟumye ipfo ruwehu. Nakyo nyi momsonguo ikiicho kui idedo lya wulohi wurie Ndumi ya Sia ya okiio.

WAKOLOSE 2:3

Ipfo koke shisa sha wuṟango na wulaanyi shii shiṟike-pfo shose.

WAKOLOSE 3:11

Mpfondo kulawode ai Mgriki na Myuda, mdine na alamdine, o mtsudu na o nuka, isinga na isumba, indi shose nyi Kristo, o akuwode nasho shose.

1TIMOTEO 1:1

Inyi Paulo njii msu o Kristo Yesu kui iwawaso lya Ruwa mkiṟi odu na lya Kristo Yesu mowedo nyiso.

WAEBRANIA 6:19

Lo lulukerye kipfunga mrima kiwangi kitumuhaa kikeri ikuhendya ora lo kya mba ipfo kundu kiṟikishya kilya kiishingya-ho.

1YOHANE 4:4

Nyo, wana, mupaṟikye ko Ruwa mulemmaa iwinza waikimbi. Kipfa ichu akeri nanyo nyi ang'anyi kota ichu ai kunu wuyana mulemmaa iwinza waikimbi-wo wa wongo.

OTAMBAHALUO LO YOHANE 3:20

Ambuya, ngahahoṟoka aa mongo njiikapakapa mongo. Mndu kaicho ṟu lyako kapengeluo mlango, nyi ipfo koke njechiida naapfo njechilya kimu nao, nao nechilya kimu na inyi.”