WAKOLOSE 1:10 - Bibilia Kui Mdedie fo Kimochi

¹⁰ Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

WAKOLOSE 1:10 ပူးပေါင်းရင်းမြစ်များ

MFANANO 16:7

Njia tsa mndu tsikachihiṟa Mndumii, Ma wakituwa wake wechisanza nao.

YESAYA 53:11

Nechiwona kilimu kya wukiwa woke nachihiyo. Kui wuṟango wo mṟundi oko ai na wusumhanyi. Nawehaluo wafoi wenyi wusumhanyi, Nao naweduo mawicho hawo.

DANIELI 12:4

Kyaindi iyo Danieli, pfunga madedoha, nohawike kiṟingishiyo kitapunyi; nopfunge kitapu kyo mṟasa kiheri kya ifurumia; wafoi wechihenda ipfo na ipfo na wuṟango wochiengeṟeka.”

MIKA 4:5

Wandu wa mkambo ingi yekeosha njia tsawo, wechikusiria maruwa hawo, indi so luiosha njia tsadu lochikusiria Mndumii-Ruwa, Ruwa odu, mlungana na mlungana.

HABAKUKI 2:14

Kipfa wuyana wochiichuṟo wulaanyi wo wuitoṟi wo Mndumii chando mṟinga foichuo ipalyipalyinyi.

YOHANE 15:16

Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

YOHANE 15:8

Wande oko naing'anyisho kokoya mokumbia ndunda tsifoi na iwa wa kiloshionyi kyako.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

WAROMA 1:13

Indi njikundi mumanye, wanawawama, ke njiwelangie kafoi icha na ipfo konu cha ipfo mkambonyi iya ingi, kya indi ngaimo shika inu.

WAROMA 4:12

Nawewa na mku o wa-wadine iwa walai wadine wadi kya indi na wekyeosha njia iya iya ya njayo tsa wuidiki ndeyadu Abrahamu awewuwode lyandi alawemdino.

WAROMA 6:4

Kikawa kido nyi lui-waṟike kimu nao opfunyi kulya kui wupatiso kundu chando Kristo aleweṟutso wapfunyi kui wuitoṟi wo Wande na wudo so lukae-ho lochihendekya luirie moo mhya.

2 WAKORINTO 2:14

Indi Ruwa nakae echiwikyo mwaano ili ailuenenga iwinza lyi lya kui Kristo kitsitsi echipfamiṟa orio kundu kose mtambahalukye foke ai naso.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

2 WAKORINTO 5:9

Nkyo kimaduma imchihiṟa o ma lui na kikaya ma lulai na kikaya lyo lulikutanya kiṟumi.

2 WAKORINTO 9:8

Nao Ruwa ai na pfinya yemfeṟya shanu sha mweena kya orio kindo mkonu yose mochihelukya orio ngata njicha yose.

WAEFESO 1:17

Kundu Ruwa chu o Mndumii odu Yesu Kristo nao nyio Wande menyi wuitoṟi ili molanga immanya namwenenge Mumuyo motambahalwo nawe momṟangusha.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAEFESO 4:1

Na wulalu inyi ili njii mpfunge kipfa kya iṟundia Mndumii ngamwikimba ke muchumie mchumie fusumhanye ndaho i mui walahye.

WAEFESO 4:13

itane loshika ikoya so lose wukimu wo wuidiki na wo imanya Mana chu o Ruwa; luwe wasoṟo wasanze wechia wose msanze mochia ose watoṟikye welu ya wusuṟi wo Kristo.

WAEFESO 5:10

Mochitambahanya kilya kichihianyi na Mndumii.

WAEFESO 5:15

Muambuye mnu nekuṟisa chando mochumia cha ili mui waṟango. Mulawe cha ili muwuṟye wuṟango.

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

WAFILIPI 1:11

Muwe mui-wasuṟie owiko lo msumhanzie fuu-mbike nyi. Yesu Kristo fowikya Ruwa wuitoṟi na kiṟumi.

WAFILIPI 1:27

Maṟi muhende kuachia kui chile tsa mkambo tsisumhanye ndumi ya sia yehamba Kristo, kundu na ilindi ngacha ngambona ma ilindi njii kuleshe ngawio kyanu njikoye muhoṟoki mhoṟoki fo mumuyo fumu mochikapanya mwidikye fo ndumi ya sia ya okiio mupfunganyi mui mrima fumu.

WAFILIPI 4:18

Na ngambona shose shamba sha mfeṟa. Nyi njilemsuṟyo njido iliindi ngamwambya osano lonu lomendo nyi Epafrodito. Lo opuo lopfama mnu necha, nyilo odambiko lukundikye luchihiana na Ruwa.

WAKOLOSE 2:19

Nakuletsana na Kristo ma alakuwada na mdo fu. Kiidi ya Kristo mpfo kundo mbihu fokehawio pfinya na owanzo fose folungo kui mapayano na mapfungano foching'ana mng'ano chando Ruwa akundi.

WAKOLOSE 2:6

Na wulalu chando muleambya Kristo Yesu Mndumii muhendeke mukuwode nao.

WAKOLOSE 3:20

Nyo wana idikyenyi wafee wanu kya shindo shose, kipfa iki kichihianyi na Mndumii.

WAKOLOSE 4:5

Chumienyi mochikaya walya walaidikie kui wuṟango muikurohya na orio mwaanya muwode.

1WATESALONYIKYE 2:12

Na imkarisha nyo na imtutuma cha mndu wande ekewutya mana, kundu muchumie mchumie isumhanye Ruwa ichu alemulahya nyo wumangi wulya woke na wuitoṟi.

1WATESALONYIKYE 4:1

Iki kyamsia, wanawawama, luimterewa na imwikimba kui Mndumii Yesu kundu muitike ichumia mochihenda mbele chando muleambya kiwewukye kodu kiimtutumya mchumie ichihianyi na Ruwa, nanyo na muichumia mudo.

2TIMOTEO 2:4

Mohenda shidenyi nekekuṟisa na mbonyi tseluya moo, kundu nachihiane na msongoru o shida.

TITO 3:1

Uwatamuṟye ke wakae wakuwike shi ya wanene wai wenyi-menge wechiwaidikya. Wakae wakuteseheṟye orio ṟunda icha lyose.

TITO 3:14

Na iwa wai wadu wakupfunde iwika-ho maṟunda mecha hewinya-ho shilya shilechiwa iwuṟo kundu walakae-ho wawake ikidi ilaikumbia.

WAEBRANIA 11:5

Nyi wuidiki wuleenenga Enoki ametakuwo alawona opfu. Nyi alekiwonose ma handopfo kipfa nyi Ruwa alemtakuo. Kyamba mandi itakuo lilya lilandehenda iwa kashika iwikyo kiṟinghishyo ke nyi awechihianyi na Ruwa.

WAEBRANIA 13:16

Indi mulahadime ilekia na ihawya wengi, kyamba njodambiko tsa mbaṟi ii tsichihiṟye Ruwa.

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.

2PETRO 1:8

Kyamba kokoya ishi shikeri konu shechiengeṟeka, shechimwinenga muwe watanyii na iwonaho kiira kya imanya Mndumii odu Yesu Kristo.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.

1YOHANE 3:22

Na kokoya luimterewa kindo lochikiambya ipfo koke, kipfa luihendelya mawawaso hake na iwuta shilya shichihianyi nao.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.

3YOHANE 1:6

Wo waleṟingishya mkundye fopfo oshangunyi lo siṟi ya iya. Kyawo ochiwuta kicha ili owasama chando kichihiṟie Ruwa.