WAEFESO 6:9 - Bibilia Kui Mdedie fo Kimochi

⁹ Nanyo mui wanene na wudo mwe mochikaya mudumbue kya ipoma lilya, ili muichi ke Mndumii owo na onu nyi kulya ruwehu ai. Na kulya koke kwipfo iindya mndu oshangunyipfo.

WAEFESO 6:9 ပူးပေါင်းရင်းမြစ်များ

NEHEMIA 5:5

Kekusaṟewo, mbihu yadu nyi ifananyi na mbihu ya wana wa wama wadu, na wana wadu nyi wawefananyi na wana wawo da, kyaindi lomemaa ihaluo wana wadu masinga. Wana wadu wa kika nyi masinga wulalu. Kuwode chandu lochiidima iwihiṟa kindo ki numa pfo, kyamba madema hadu na msabibu yadu ilemmaa idao nyi wandu wengi ko pfinya.”

YOBU 34:19

O ekekundia wanene isaṟa kya wasuṟi kota wakiwa-pfo kipfa wose nyi iṟunda lya mawoko hake.

SHIIMBO SHA DAWIDI 140:12

Njiichi ke Mndumii nechiinenga mfafa mdumbuye, na wawuṟie kilya kiwawaṟi.

KOHELETI 5:8

Ma chando uwonyi mkiwa aiwonyio, na mwanduye na wulohi ifurunjo kui kinyala kya kihongo, kulaṟihisho nyi isho kipfa, Ai huye kota wai huye naambuya, Kuwode sa wai huye kota iwo.

YESAYA 47:6

Njiwesuuye wandu wako, ngafanyitsa ngafu kyoṟa kyako ngawawika mawokonyi hapfo; iyo ulewasaṟia-pfo; noledika wameekuṟio lyapfo, lilemeri mnu.

DANIELI 3:15

Wulalu munjiwie kokoya mukusungusie wokia wulalu muteṟie ke mukaicho iranda na mtoṟiṟo na shinada na njonyi tsikapo mochiho wanda na kyaamu na iindia ruwa oko na sanamu yako ya sahabu ndeihoṟotsa. Kokoya mulateṟia ikyo na iwuta mudo, mukaengeṟa iumiṟa ngoo tsanu, nyi kya lohi mochikumbo kulya ṟungunyi lya modo foaka a nyi Ruwa uhya icho echimukiṟa na owoko loko na modo fo?”

DANIELI 3:6

Kokoya kuwode ma mndu umu tupu echitehya wuwawaso wu kyake nyi ikumbo kulya ṟungunyi lya modo.”

WALEWI 19:13

“Kulalembe wamṟasa opfo manya imiiwia. Wueri wo mndu ambike kiṟundionyi wulakae kopfo kio taṟaṟaa tane ngamenyi.

MALAKI 3:5

“Njechicha njimuanduye; njechiwa mṟingishi mwaangu kipfa kya wasawi, na waṟuhui, na welya nyamu tsa wongo, na ichu mowonyia ichu amdambikie iṟunda lya wueri wuliwe, kipfa kya wueri woke, na walya wekewonyia wangoeda na idetsa lohi ya mndu mhenu, manya walanjiowuo inyi Mndumii menyi.” Matoṟito ahamba.

MATAYO 22:10

Na masinga halya hakahenda kulya njiehu hakaende napfo wandu wawona wose. Na ichu mbicho na ichu mcha. Mba iya yelia wali ikaichuo wahenu.

MATAYO 22:8

Nalyo kawia masinga halya hake, ‘Wali na wuwemewa, kyaindi nyi ili wandu wa walaheho walasumuhanyi-ho.

MATAYO 24:48

Kyaindi isinga lilya liwicho kokoya nyi lyechideda mrimenyi kolyo likahamba, ‘Mndumii nyi akeleo.’

MATAYO 24:51

Na ipaṟa nawempaṟa makiidi hawi na ohawi loke nawemnenga namsanze na wandu wo wai makulembetseṟe. Napfo nyi kochikaa-pfo ifihiṟa na imadya ngamru.”

MATAYO 7:12

Kyasia orio kindo kyose chando mukundi muwutio nyi wandu, nanyo kewewutienyi mudo, cha kifa nyiho mapfundo ha wuwawaso na waikimbi.”

LUKA 6:31

Nanyo chando mukundi muwutio nyi wandu, nanyo kewewutenyi mudo.

YOHANE 13:13

Nyi mochekembia, ‘Njii Maarya na Mndumii, na kya lohi mokehamba kyamba na mbekukerye kudo.

MAWUTO HA WASU 10:34

Nahong'u Petro katambaṟuo dumbu lyake kahamba, “Nyi kya lohi ngatawuka imanya ke Ruwa ekeambuya wandu fanapfo.

WAROMA 2:11

Kyamba Ruwa ekeambuya fana ya mndu-pfo.

1 WAKORINTO 1:2

Loiṟikiṟa siṟi ya Ruwa ikeri ipfo Korinto luweiṟikiṟa iwa wai-waheṟemtse kui Kristo Yesu, wai wa kikale wasambuṟe wo na wengi wose welaha rina lya Mndumii odu Yesu Kristo orio handu ha kowo na kodu.

1 WAKORINTO 7:22

Kyamba ichu amhenda ilahyo Mndumii ai isinga nyi amba mtalae o Mndumii. Na wudo ichu amelaho ai makuachia nyi awewiia Kristo isinga.

NGUMBUO YA MAWAWASO 10:17

Kyamba Mndumii-Ruwa, Ruwa onu, nyio Ruwa o maruwa na Mndumii o wandumii. O nyi Ruwa mnene na menyipfinya, naoweshie; ekekundiapfo, manya ekeambia kitsutsumopfo.

WAKOLOSE 3:25

Cha kipfa ichu anyamaṟa echitao kya kilya awenyamaṟie. Ruwa ekyekundia-pfo.

WAKOLOSE 4:1

Nyo wanene, muwonye masinga kilya kisumhanyi na wuleheṟi mochimanya ke nanyo mui na Mndumii ipfo ruwehu.

YAKOBO 2:13

Kyamba mndu alekesaṟya, mdumbuye ii yechimhoya inletsane na isaṟia. Isaṟia lyashika iwikyo kiṟumi na ipfo mdumbuyenyi.

YAKOBO 2:8

E-wo kokoya moawutsia necha iwawaso lilya lya kiwumangi lii-iṟehye bibilienyi lyehamba, “Kunda odoo cha ili okukunda kumonyi,” nyihondo mowuta kya wusumhanyi.

YAKOBO 5:4

Ambuya, wuṟundi wo waṟundi walya walemnyo nyiwo wuifuha, na shifuha sha wawehi walya shamaa ishika henda madunyi ha Mndumii menyi matorito.

1SAMWELI 15:17

Samweli kambia, “Manya chandu ukuwonyi ke iyo chi mndu uwode kiṟumipfo, ngesa iyo ui msongoru o shishari sha Waisraeli Mndumii-Ruwa nalekushimbuo na mafuda nowe mangi ya Waisraeli.