WAEFESO 6:12 - Bibilia Kui Mdedie fo Kimochi

¹² Kipfa ngapano iya ikeri yadu ilai yekapana na wawode samu na nyama, indi nyi yekapana na waapfinya na weduo shida na waitoṟi weitoṟya wuyana wo meema ifu na mumuyo ya wumbafu ikeri shi ya ruwehu.

WAEFESO 6:12 ပူးပေါင်းရင်းမြစ်များ

YOBU 2:2

Mndumii-Ruwa kawesa Satana, “Iyo nyi ku owuka?” Satana kahaluo Mndumii-Ruwa, “Ngawuka ichumia chumia na itengeta ipfo na ipfo wuyanenyi.”

MATAYO 16:17

Kyasia Yesu kahaluo kambia, “Ungusu iyo Simon Petro, kipfa manya chi nyama ma samu shakudambuya ishipfo chila na Wande o ipfo ruwehu.”

MARIKO 4:19

Kukaida-ho mawina ha kunu orukenyi na wulembi wolembo nyi masaa na lango tsa shindo shingi shikapfumba idedo lyo lilakumbye ndunda.

LUKA 13:24

Kawawia, “Tambahanenyi ikuchuruwuya kichuminyi kii kisise; kipfa nyi ngamuwia; nyi kuipfo sa wechikunda ikuidia-pfo, indi walechiidima.

LUKA 22:53

Orio mkonu nyi njiwekeri nanyo ipfo hekalunyi ma mulanjileshie mawoko; kyaindi ii nyiyo sa yanu, nyihondo meema fuwodie pfinya.”

YOHANE 12:31

Wulalu wuyana wu wohenda iwonyo mdumbuye. Wulalu mnene o wuyana wu echifunyo kulya nja.

YOHANE 14:30

Njikideda-se nanyo shindo shifoipfo kyamba mangi ii ya wuyana wu naicha. Koko inyi echiiidima kindopfo.

YOHANE 16:11

Kya mwanduye nyi ili mangi ii ya wuyana wu ammaa iwonyo owingo.”

MAWUTO HA WASU 26:18

Nowaambuṟe meso hawo, waindukye sa, wawuke wuitoṟinyi wo Satan wahalukye Ruwa, waambye mhoṟye fo manyamaṟo na iwada kyoṟa, kii kya walya wai wailishe kui mwidikye fonjiidikya inyi.’”

WAROMA 8:38

Kyamba njikusihye ke ma opfu ma moo ma wamalaika ma waitoṟi ma isho shiiho wulalu ma isho shekaa shiwe ili numa ma maapfinya mawe.

1 WAKORINTO 15:50

Kindo ngahamba le wanawawama, nyi iki, ke shi-nyama na samu sho shaidima yoṟa wumangi wo Ruwapfo. Ma kipuo kyaoṟa kilechipuopfo.

2 WAKORINTO 11:14

Nakyo chi ṟihopfo. Kyamba Satan amonyi nyi nekekuhaluo mfano fo malaika o sa.

2 WAKORINTO 4:4

Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa.

WAGALATIA 1:16

Nao nyio matika na halya kiwemchihiṟye echimbonesya Mana oke kundu njidung'tsye mkambo ya wandu ndumi ya sia yake. Oweṟe na lulya inyi njilekuwada-ho njilawesongwo iwesana na wa-kimbihu na wa-kisamu.

WAEFESO 1:21

Kidembo kyake kisongoe orio wuwee na wusuṟi na wuidimi na wuchili wose na orio wunene wo orio rina lyechiwa isendo maheri ha kiiwulalu ang'uhalya hechiitumana naho.

WAEFESO 1:3

Nawikyo kiṟumi Ruwa ichu Nde o Mndumii odu Yesu Kristo ameluonyisha na ona lo kimumuyo lose lurie shisumbo sha ruwehu shii na Kristo.

WAEFESO 2:2

Muwehendekye mukuwode naho kui wuitiki wo wuyana wo kiiwulalu kya wuyana wu na wo moapfinya aiapfinya mumuyonyi, nyio moweṟu ulya echikupaya na wandu walaidikye na wulalu da.

WAEFESO 3:10

Kundu wuṟango wo Ruwa iwu wufoi mbaṟi wumanyishio wasongoru na waapfinya wa ipfo ruwehu, nyi yo siṟi.

WAKOLOSE 1:13

Nyio aleluletsa eluwuta wuaapfinyienyi wo meema kyechiluteteṟa kaweluwika wumanginyi wo Mana oke mkunde.

WAKOLOSE 2:15

Kristo Kahenda yatuo waitoṟi nao waapfinya no Waṟufu kewaloṟa na pata echiwamanyisha wai wawinze ewaduo wapfungo amonyi.

2TIMOTEO 2:5

Manya mndu oose mokapa mamtangi echiidama iwinga na iinengo kiṟumi kya wowinza ya mafuo apfungyo oṟo ya shila eheshana nawo kui sungusihupfo.

WAEBRANIA 12:1

Nkyo kimaduma naso ili lui na ipuchi lya waṟingishi lilutengetie lidi luleṟye wanda orio wulami na wunyamaṟi wu wokiṟa iluoṟowya owinyi, lochiengeṟa ihenda ira ngapano iii njiwawasye yadu lukuhode-ho necha.

WAEBRANIA 12:4

Ipfo ngapanonyi yelehana na wunyamaṟi mulemekuhode itane moewa samupfo.

1PETRO 3:22

Nyio akukerye ipfo owokonyi lo kulyo lo Ruwa ili amaa idoya ruwehu ipfondo amshika ilaṟyo wasu wa ruwehu na waitoṟi na waapfinya.