WAEFESO 6:10 - Bibilia Kui Mdedie fo Kimochi

¹⁰ Kya shingi shose mukuwanzye Mndumii-hu na wunene-hu wo pfinya tsake.

WAEFESO 6:10 ပူးပေါင်းရင်းမြစ်များ

1MBONYI TSA MAHERI 28:10

Ko ikyo ambuya mnu, kyamba Mndumii-Ruwa amekusambuṟa iyo nosungusie mba sa yechiwa handu haele; kuwanze mnu, na iwuta iṟunda lyo.”

1MBONYI TSA MAHERI 28:20

Kyasia, Dawidi kawia mana oke o Solomoni, “Kutumuhaṟe, nowade mrima mtumuhari, nuṟunde kudo; makulaowuo ma ikangaṟika, cha kipfa Mndumii-Ruwa, Ruwa oko, nakeri hamu na iyo. Echikuda kumonyi pfo, nechiwa na iyo mṟasa iṟunda lyose lyesungusia hekalu lya Mndumii-Ruwa lisie.

2MBONYI TSA MAHERI 15:7

Kyaindi nyo kutumuhaṟenyi, mlapfio nyi mdo. Maṟunda ho hanu hechitao.”

SHIIMBO SHA DAWIDI 138:3

Mkonu fulya njilekulaha kulenjiidikia, konjiwihiṟia moo mrimenyi kui injiwika pfinya.

YESAYA 40:28

Ngesa iyo kulemanya? Kuleicho? Oo Ruwa o mlungana, Mndumii, mowumba mtsitsioni fo wuyana, ekeuma, ma ilehela-pfo; wuṟango woke wochiwa isonjokoṟapfo.

YESAYA 40:31

Kyaindi iwa wewedia Mudumii wechiinengo pfinya njihya; wechido huye na makungo cha mbeṟo; wechiwika mteṟa, ma walechilehela; wechichumia na madende, walechiuma.

HAGAI 2:4

Indi wulalu kuwanze tse ukarie, Iyo Zerubabeli, Mndumii akuwia, na iyo Yosua wa mkahari mana o Yehosadaki, mkohanyi ang'anyi nanyo wandu wose wa oruka lu, Mndumii ahamba, muhende iṟunda kipfa inyi njii nanyo Mndumii menyi matorito ahamba;

ZEKARIA 8:13

Numa kechiwa, chando muwekeri oseso kiidi kya wandu wa mkambo, Iyo mba ya Yuda na mba ya Israeli, nyi wudo njechikiṟa, nanyo mochiwa mboṟa; mulaowuo, tumhaṟenyi mawoko hanu.”

ZEKARIA 8:9

Mndumii menyi Matorito nahamba adi, “Mawoko hanu hakarie, nyo mukeri iadanyia madedo ha waikimbi maheri-ha, walya waweipfo kiheri walesuma otende lo mba ii ya Mndumii menyi Matorito, hekalu lyi kundu lyiwiko.

1 WAKORINTO 16:13

Laenyi choowe, hoṟokenyi na wuhoṟotsu wo mwidikye, muwe womi muwewa ngohoda.

2 WAKORINTO 13:11

Kyefurumya, wanawawama, kaenyi-pfo na sia, mukunde iikimbo, muwe mochikumbuo kilya kimu, mukae na ofoṟo, nao Ruwa menyi ikunda na ofoṟo echikaa hamu nanyo.

WAEFESO 1:19

Mumanye na wuidimi woke chando wuikolonye shose ailukaya nawo so luidikye na ikuwada nao, nawo nyi wuwonekye ipfo kundu alekupaya na wuitiki wo pfinya yake chando wui.

WAEFESO 3:16

Kundu kui kisumbyonyi kya wuitoṟi woke namwenenge muhende iṟamtsyo pfinya ipfo wumndunyi wo kya mba kui Mumuyo oke.

NGUMBUO YA MAWAWASO 31:23

Numa Mndumii-Ruwa kawawasa Yosua mana o Nuni, kambia, “Kutumuhaṟe nowe ngohoda kyamba nochisongoya Waisraeli kulya orukenyi njilelya nyamu njechiwainenga, na inyi njechikaa hamu na iyo.”

WAFILIPI 3:1

Lyefurumia, wanawawama wako, ke-chihionyi kui Mndumii. Ili ngamusumutsa njidi lyo lyanjipfulutsa inyipfo kya indi lyamfeṟya nyo owanzo.

WAFILIPI 4:13

Ngakuidimya njido shose njii na ichu monjikapya owanzo.

WAFILIPI 4:8

Lyefurumia, nyo wanawawama, orio kii kya lohi, orio kii na sonu njicha, orio kii kihorotsu, orio ki kiharami, orio kichihianyi orio kisongowia, maa kui-ho kya opfudi na wuhoneri kyasho muhane-hane necha.

WAKOLOSE 1:11

Ruwa namsumbe owanzo lose lusumhanye pfinya ya wuitoṟi woke imwendie itirisia na ikukarishia lyose.

2TIMOTEO 2:1

Na wudo iyo, manoko, ukuwangie wutongenyi iwu wui Kristo-hu Yesu.

2TIMOTEO 4:17

Indi Mndumii alenjikaya-ho kanjikapya owanzo. Iki kileenenga ngaidima ionguo mwongoye fuhende imariso necha wamkambo wakafuicho wose, na inyi ngaashuka ianduyo lya opfu.

YOSHUA 1:9

Ambuya, nyi inyi Mndumii-Ruwa opfo njikeri ikuwawasa uwade ngoo njikari uwewa ngohoda, manya ulaowuo ma ipfiiyo nyi mdo kyamba njikeri handu hamu na iyo handu hose ochiida.”

1PETRO 3:8

Lya inutsya ngahamba, mukae mochihia kimu mose, muwe mochiichio wengi wukiwa mukundane, muwe mosaṟya, mukunyiṟe muwenyi.

1PETRO 4:11

Kuwode modeda lyo liwe lya mbiia tsa Ruwa, kuwode mopfuṟukanya lyo liwe lyechiwutika kui pfinya ii injiende nyi Ruwa, kundu Ruwa nakuwutie-ho iṟumisho na ishi shose kui Yesu Kristo. O ai menyi wuitoṟi na wukolonyi wochikaa mlungana! Amenyi.

1PETRO 5:10

Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.

1YOHANE 2:14

Ngamṟehya nyo mui wana kipfa muichi Wande. Ngamṟehya nyo, mui wandee wa wandu ipfa muichi ichu ai o mawookyonyi. Ngamṟehya nyo mui wanake, kipfa mui na pfinya na idedo lya Ruwa likaananyo mukamaa winza mbicho.

1SAMWELI 23:16

Yonathani mana o Sauli kaosha Dawidi kulya Horeshi kambanza kehamba Ruwa nakeri ikuringa.