WAEFESO 5:6 - Bibilia Kui Mdedie fo Kimochi

⁶ Mulawone mndu echimlemba na madedo ha wulya. Kipfa kya ishi nyashi ya Ruwa ikeri ichea wandu wa oleho.

WAEFESO 5:6 ပူးပေါင်းရင်းမြစ်များ

2WAMANGI 18:20

Ngesa nyi ukusirie madedo ha wulya nyi ho wuṟango na pfinya kiidi kya shida? Nyi ukusirie nau itane onjimina?

SHIIMBO SHA DAWIDI 78:31

Nyashi ya Ruwa ikawachea huye yawo; kawaha walya wawei wanoru; kawaolotsa wanda wanake wa Israeli.

YEREMIA 27:9

Indi kipfa kyanu mulaadanyie, waikimbi wanu, na wahanga wekelodia ma ndodo tsanu, ma walya wekewona, ma wahanga wanu wekemuwia mochiṟundia mangi ya Babeli pfo.

YEREMIA 29:31

“Dikia wandu wose wakeri osamiṟonyi ndumi ii. Inyi Mndumii-Ruwa njihamba njidi kya Shemaya o Mnehelamu: Shemaya nadeda kisuku chi inyi njimdumiepfo, kikatewa mukaidikia wongo tsake.

YEREMIA 37:9

Inyi Mndumii-Ruwa ngahamba mulakulembe muwenyi na ihamba ke wandu wa mbahanyi wa Wakalidayo wechikure, na kya lohi wechikure pfo.

MIKA 3:5

Mndumii-Ruwa nahamba adi, kirianyi na waikimbi wadekesha wandu wako, waikimbi waonguo ofoṟo kokoya wainengo kindo, indi wakaowesha wandu ke kuwode shida kokooya walainengo kindo.

MATAYO 24:24

Nyi kipfa kochikurepfo Wakristo wa wongo na waikimbi wa wongo. Waweloṟa-ho na mawuto manene ha kiṟingishyo na ha kiṟiha. Nyi kundu watewe na iwo wai wasambuṟe nokoe nyi kiwechiwa.

MATAYO 24:4

Na Yesu kahaluo kawawia, “Kekuṟisenyi mulawone mndu kechimlemba.

MARIKO 13:22

Kipfa kochikure-pfo Wakristo wa wongo na waikimbi wa wongo na iwuta mawuto ha kiṟingishyo na ha kiṟiha, kundu watewe na walya Ruwa awasamburie, nokoe nyi kiwechiwa.

MARIKO 13:5

Nao Yesu kawoka iwawia, “Kyekuṟisenyi, mlawone mndu kyemlemba.

WAROMA 1:18

Kyamba tuuke ya Ruwa yahenda imanyisho ichee ruwehu yechiolokya orio wukika wo wandu na wutahachi wowo iwo wekeshingya wukilohi wulya njia kui tewe lya wutahachi.

WAKOLOSE 2:18

Manya mndu oose nalamuwonyie mti echikundya wutindili na wuindi wo mbaṟi ya wasu wa ruwehu aikushela kya shilya amewona echikutimbisha kui mhie ya nyama tsake alawode mweke Mndu o mbari ii amtondoshe nyi wulembi wo wuyanawu.

WAKOLOSE 2:4

Ngahamba iki kundu kulawone mndu echimlemba na mbonyi tsa wongo ma kokoya tsenongowya mdonyi.

WAKOLOSE 2:8

Kuṟisenyi mulawone mndu echimduo wapfunguo kui wulaanyi wulya wo kiwandu na wulembi wo mbonyi tsa wulya tsiduana na ṟungusu tsa wandu, tsa shiwundo sha wuyana wu shiladuanyi na Kristo amonyi.

WAKOLOSE 3:6

Shindo cha isho shatewa nyashi ya Ruwa icheye iwo wose waimleha.

2WATESALONYIKYE 2:3

Kulakaeho echimlemba ma kui njia ii ang'u, ii. Kipfa kwipfo kisonguo nalyo nyi iwuka siṟinyi lilya ling'anyi na ulya mbicho menyi wunyamaṟi nawekuloṟa, nyio mana o orumatso.

WAEBRANIA 13:9

Mulahende patsyo nyi mapfundo maliwe hai ha kihenu. Kyamba kilya kii kicha kyechiwanza ngoo nyi wutonga chi chonga; tso tsiweendie walya wawekekurohya natso mbuchapfo.

WAEBRANIA 3:19

Natso na lowona walalekuidimya yangya-ho kipfa kya wulemi wulya.

1PETRO 2:8

Kiṟehio kyahambase: Nyilyo iho lya mtulia na piita ya yeolotsa wandu.” Nyi wakukapaho kipfa walaidikia idedo lyo. Nakyo nyi kyawo wai-wateṟye wokia mawokioonyi.

1YOHANE 4:1

Wakunde wako, ma mulaidikye orio mndu mohamba nawode mumuyo mliwe, kya indi mutume mnu kokoya mndu-chu nario nyi Mumuyo fo Ruwa ang'u ote. Kyamba waikimbi na wongo wafoi wamecha kunu wuyana.