WAEFESO 5:4 - Bibilia Kui Mdedie fo Kimochi

⁴ Ma shindo sha wuruhui na wuṟenze; ma sumu tsa wutondo ma piṟisi yepiṟa. Ishi shose shisumhanyipfo, kya indi kisumhanye mnu nyi madedo heindia Ruwa na iana.

WAEFESO 5:4 ပူးပေါင်းရင်းမြစ်များ

SHIIMBO SHA DAWIDI 33:1

Kapyenyi Mndumii ngululu, nyo wenyi wusumhanyi! Iṟumisha liwaṟi wahoṟotsu wa mrima.

SHIIMBO SHA DAWIDI 92:1

Nyi idedo lyicha iana Mndumii; na iimbia rina lyapfo, Hoi Ui huye.

MFANANO 12:23

Mndu menyi wulaanyi nyi awode wuṟango; Indi mrima fo tondo fokeonguo wutondo.

MFANANO 15:2

Olimi lo wuṟango lokededa wulaanyi necha; Indi madumbu ha matondo hekepusuo wutondo.

MFANANO 26:19

Nyi wudo ai molemba manomaye Na ihamba, chi njiletema mṟembu tupu,

KOHELETI 10:13

Mawokioonyi ha madedo hake nyi wutondo; ifurumia lya madedo hake nyi waṟumu warie ndenga.

DANIELI 6:10

Danieli kekimanya ke mṟeho fometeseheṟo na kichano kyamemaa iwiko, kakuidya na ipfo kanyi koke matiṟisha ha mba yake ha kiṟihenyi haweambuyanyi na Yerusalemu. Kapfira ndi kaṟaṟu orio mkonu kechiterewa na iana Ruwa oke, chandu awekewuta wokia mbooko.

MARIKO 7:22

Na iṟuhuya na iṟuhuyo; wununyi na wuwicho; ngeṟo na mpuria; riso linenyi na shirumo na ikushela na wutondo.

YOHANE 6:23

Kyasia kukacha napfo ngalawa tsingi tsiwuka kulya Tiberia tsikashika kufui na alya ndo walelia mkate iya Mndumii ammaa iadapfuma Ruwa.

WAROMA 1:28

Nawo chando wawepiṟye ikaa na Ruwa ipfo kundo akuwatambaṟuye na wudo o Ruwa nyi alewalekia wahende furunjikya mhie yawo wechiwuta shilya ishiwuta.

2 WAKORINTO 1:11

Nanyo nyi mochikaa wetaramana naso mochluterewya kundu shamu sha wandu wafoi shiile kya ngaya iya lulesaṟyo nayo wafeṟe iwika-ho mwaano kimaduma kyadu so.

2 WAKORINTO 9:15

Ruwa nahende wikyo mwaano kya kisumbo kyake king'anye mdedye yose yekihamba.

WAEFESO 1:16

njekeana kitsitsi kimaduma kyanu njechimhamba shiterewonyi shako.

WAEFESO 4:29

Dumbunyi lyanu kulawuke-pfo idedo lyiwicho; indi orio idedo lii licha lyetarama wengi, lilele na walya kowuṟyo, kundu waimwadanya.

WAFILIPI 4:6

Mulakuinadye kya kindo ma kida, indi shilya mushiwuṟye muwe moshisendya Ruwa kui wuindi na kui kifuhyo na kui mwaano.

WAKOLOSE 3:8

Indi wulalu nanyo kimuwaṟi muhendekuatuo isho shose, nyashi, lango wuwicho, mkuchu, wusutsu, madedo ha sheeṟe halawukye dumbunyi lyanu.

1WATESALONYIKYE 3:9

Kipfa mwaano nyi mki loidima itaa Ruwa kipfa kyanu sia yo yose luichihio yanu sumhana na Ruwa chu odu.

1WATESALONYIKYE 5:18

Muwike-ho mwaano kya shindo shose. Kyamba nyi iki Ruwa akundi kiwiko nyo kui Yesu Kristo.

FILEMONYI 1:8

Koikyo ma chandu njiwode ukari kiidi kya Kristo wo ikuwawasa iwuta kilya kikuwari, nyi kinjichihiṟye mnu.

WAEBRANIA 13:15

Lutsinde lochidambikya Ruwa odambiko lo mwano fochiwa lui nao fui momu-hu yechiichika rina lyake.

2PETRO 2:18

Kyamba wo wekyekushela na madedo ha maai; wechituusa na lango njiwicho tsa nyamenyi kui mamelukameluka wandu, walya wamelekana msanzie fo wechumia kipfuṟi.

2PETRO 2:7

Ruwa nalekiṟa na Loti ulya asumhanyi awei-mrohie adi nyi mhendekye fo walemeshi walya fuwei fo melu-melu.

YUDA 1:10

Indi iwa wai wado wo wekeruwa shilya walashiichi; na shilya washimanya shiiwaamkya shii shimu na sha mando halai, na mbia kosho wakuwutya-ho ihenda inyamaṟika.

YUDA 1:13

Wakeri cha masinanu ha ipalyipalyi hechipongika-pongika na idaitsaho shindo shiendie iṟenze. Wai cha nyenyeri tseṟaha-ṟaha, iwo Ruwa alemewateseheṟia ruwe ya meema fulechisia.