WAEFESO 5:32 - Bibilia Kui Mdedie fo Kimochi

³² Iki nyi Kyama kikoome king'anyi inyi ngasenda nakyo Kristo na siṟi yake.

WAEFESO 5:32 ပူးပေါင်းရင်းမြစ်များ

YESAYA 54:5

Kipfa ichu alekuumba nyio mii opfo; Mndumii menyi Matoṟito nyilyo rina lyake; na Mwele o Israeli nyio mkiṟa opfo; O nyi echilaho nyi Ruwa o wuyana wose.

YOHANE 3:29

Ichu arie mka moaliko nyio menyi-wali. Indi mbuya ya menyi-wali ichu ahoṟoki oo afui kemwadanya nyi aichihio mnu na sia ing'anyi ili aicho menyi wali kechideda. Nyi wudo sia yako yaichuo pacha.

2 WAKORINTO 11:2

Kyamba njiimlalakya nyo na wulalaki wo Ruwa, kyamba njiweimukosya mii umu njiendie Kristo sambuṟa njikeha.

WAEFESO 5:31

Nkyo kitewe Biblia ihambie, mndu o wandu echida ndee na mae kechiwadana na mka oke, nawo wa wawi wechiwangu mbihu fumu.

WAEFESO 5:33

Nanyo-da kimuwaṟi kui mndu kui mndu orio ose nakunde ado mka oke cha ili akukundi amonyi. Indi mka nahende yowuo mii.

WAEFESO 6:19

Muweterewia na inyi, kundu njenengo idedo njechipfungwo dumbu lyako lya yongoya kui wukahari kyama kilya kikoome kya Ndumi ya Sia ya okiio.

WAKOLOSE 2:2

Njiiṟunda njidi kundu ngoo tsawo tsihendekarisho tsilungana kikundenyi tsiwefeṟyo mfeeṟa fo welu ya wutiichi wose wo imanya kyama kikoome kya Ruwa nkyo Kristo amonyi.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

1TIMOTEO 3:8

Watarami na wudo wawe wandu weindya, walawode olimi lo kuwi walawado nyi olaka walawe wekapa mbucha njipfu.

OTAMBAHALUO LO YOHANE 21:2

Na mṟi mwele fo Yerusalemu fulya mhya ngafuwona fuisoka ruwehu fowuka ko Ruwa. Fui-msungusie cha moaliko amchopie mii oke.