WAEFESO 5:3 - Bibilia Kui Mdedie fo Kimochi

³ Indi wuṟuhui na wulala wose na wuehi manya wulasendo ipfo konu chando kiwari wana Ruwa.

WAEFESO 5:3 ပူးပေါင်းရင်းမြစ်များ

SHIIMBO SHA DAWIDI 10:3

Mndu mnyamaṟi nyi akuṟumisha ipfo langonyi tsake, Mndu muumu nyi alehanyi na Ruwa na impiṟa.

SHIIMBO SHA DAWIDI 119:36

Noteteṟe mrima foko fuoshe wuṟingishihu wopfo, manya fulaoshe lango.

IWUKA 18:21

Ngoseṟa ya isho nochikuwonyia kiidi kya wanduwa wandu wawode wuidimi; wahendelie Ruwa, wandu wa wukilohi, wasuo mbucha tsa mbaka; wawike wusongorunyi wowo, wawe wasongoru wo wandu shiku, na wasongoru wa wandu mahana, na wasongoru wa wandu makumi hatanu, na wasongoru wa wandu ikumi;

IWUKA 20:17

kulalange mba ya odoo, ulalange mka o odo, manya isinga lyake manya kisinga kyake kika, manya mmbe tsake, manya nzoi tsake, manya orio kindo ki kyake kyose.”

IWUKA 23:13

Ringenyi isho shose ngamuwiya; mulasende manyale marina ha maruwa hengi, manya halaichio hawuka dumbunyi lyapfo.

MFANANO 28:16

Mnene alawode wuṟango, nekewonyia wandu mnu; Indi ulya asuye ilanga nechiengeṟa mkonu yake.

YEREMIA 22:17

Kyaindi meso hapfo na mrima fopfo, fuwode kindo kyosepfo shila nyi lango, na ipusuo samu ilawode mti, na iwonyia na iwuta kui wuminyi.’”

YEREMIA 6:13

Kyamba, wokia ulya ai mtutu itane ulya ang'anyi kiidi kyawo orio umu nyi aichuo lango; na wokia mwikimbi mṟasa Mkohanyi, orio umu nekewuta mbonyi tsa wulembi.

YEREMIA 8:10

Kyasia njechiinenga wandu wengi waka wawo na madema hawo, njechiinenga walya wawaitoṟia, kipfa orio umu owo wokia mtutu itane mku nyi waichuo lango; wokia mwikimbi itane mkohanyi ni wandu wewuta wulembi;

EZEKIELI 33:31

Ambuyang'u wakeri icha oshangunyi lopfo makamba kui makamba cha wandu wako, wakawekuadanyia kilya ukeri iwaongoya, kyaindi wekewuta kilya owawia wawutepfo. Ambuya nyi wekehamba ke nyi wawode ikunda kyaindi nyi wakeri ipfula shilya shechiwainenga kiira kyawo tupu.

WALEWI 15:18

Mndu mkacho nao mndu msoṟo alaa nao kamshia maachi, wo wawawi wechisamba na mṟinga, nawo wechiteṟefuka tane kyukanyi.

MIKA 2:2

Wekelanga madema na ihawada; wakakunda mba wakarakuo, wekesoka na iwonyia wawode mba na wa kanyi kowo, wekesoka wandu masaa hawo.

MAITALA 25:1

Lilya mandi Waisraeli wawei kulya shitimu wasoṟo walewooka iṟuhuya waka wa Moabu.

MATAYO 15:19

Cha kipfa ipfo kiidi kya mrima nyi kokedo-pfo mahio mawicho na wuwahi na mbonyi tsa iṟuhuya na tsa wulala na wuiwi na madedo ha wongo hewonya mndu owingo na shirumo.

LUKA 12:15

Nao kawawia, “Ambuyenyi, mukuṟise lango tsa shindo ma tsida ma tsida, cha kipfa mfeeṟa fo mndu fochiidima imnenga natawulye moo na shindo-sho awodepfo.”

LUKA 16:14

Kwipfo mṟundi echidima ipfuṟukanyia womi wawipfo. Kipfa nyi wudi kechihendeka, “Nyi echisuo ichu o kuwooka, nakunde ulya o kawi, ang'u nakuwade na ichu o kuwoka, naisaluche ichu o kawi; Mochiima iṟundia iwa wawi; Ruwa na Mamonapfo.

MAWUTO HA WASU 15:20

Kya indi luwaṟehye paruo yehamba, ke wakuletsane na isho sha ngafu shii shidambikye mafanano wawekuletsana na waṟuhui na shindo shi shiotsuo na samu.

MAWUTO HA WASU 20:33

Na inyi njilepfula-ho ma fesa ma sahabu ma mṟae ya mndupfo.

WAROMA 1:29

Wakaichuo wutahachi wo orio mbaṟi na wunyenyi na wuwahi na isohuo mondu na yoka mtambo na maupahapaha na maweweda.

WAROMA 16:2

Kundenyi imwambya mui-wasanze na Mndumii chandu kiwaṟi wandu wa Ruwa mumtarame orio hando awuṟie-ho nahende ihoṟokyo; cha kipfa nao nyi awei motarama sa wafoi kawenjitarama na inyi.

WAROMA 6:13

Ma mulawone mochidambikya wunyamaṟi shiwungo shanu shiwe shihia sha wukika, kya indi kudambikenyi nyo muwenyi Ruwa cha wandu warie moo waweṟukie nafo wapfunyi, na shiwungo shanu shiwiie Ruwa shihia sha wuhoṟotsu.

1 WAKORINTO 10:8

Manya lulawe wemeluka chando kowo kuweipfo wemelukye wadi wakaoloka oweṟe lo mkonu fumu wandu washikye shiku makumi hawi na shiṟaṟu.

1 WAKORINTO 5:1

Koichyo kundo kose ke konu kuwode wuṟuhui, na wuṟuhui wu nyi wo mbaṟi ileewa isenda ma ipfo ko wandu walaidikye wai, mndu nakae na mka o ndee.

1 WAKORINTO 6:13

Shindo shelya nyi sha ndewu nayo ndewu nyi ya shindo shelya. Nao Ruwa echishikombetsa shi shiwi, ndewu na shelya. Indi mbihu fo mndu fuu-mbike fuwe fo wuṟuhuipfo kya indi nyi fo Mndumii, nao Mndumii nyi menyi mbihu fu.

1 WAKORINTO 6:18

Dichenyi wuṟuhui. Orio wunyamaṟi mndu awuta na wukeri kya nja ya mbihu foke. Kya indi ichu aṟuhuya nyi atanya mbihu foke amonyi wunyamaṟi.

2 WAKORINTO 12:21

Kulawone Ruwa oko echinjinyiṟa ipfo konu ili njechicha-se lingi njishike ililia wafoi wanyamaṟie kacha manya walamhenda shika yeweṟo kya mkuteṟefutsye na kya mameluka na kya wulala waweshitanye.

WAEFESO 5:12

Kipfa shilya shekewuto nyiwo kiṟika shiendye mndu naṟenze na ishihamba.

WAEFESO 5:5

Nakyo nyikyo mukiichi mukamanya ke kwipfo mṟuhui oose ang'u o wulala ang'u mwehi nao moindya maruwa ha wongo awode kyoṟa ipfo wumanginyi wo Kristo na wo Ruwapfo.

WAFILIPI 1:27

Maṟi muhende kuachia kui chile tsa mkambo tsisumhanye ndumi ya sia yehamba Kristo, kundu na ilindi ngacha ngambona ma ilindi njii kuleshe ngawio kyanu njikoye muhoṟoki mhoṟoki fo mumuyo fumu mochikapanya mwidikye fo ndumi ya sia ya okiio mupfunganyi mui mrima fumu.

WAKOLOSE 3:5

Kyo kimwitike muhende iwaha mamlungia halya hanu hai ha wuyana: wuṟuhui, wungafu; wukuwu; wulanga wuwicho, sanza-ho na wuehi ili wukeri wuindi woindya maruwa ha wongo.

1WATESALONYIKYE 4:3

Kipfa kilya Ruwa akundi nyi wuilishi wonu, mudiche wuṟuhui.

1WATESALONYIKYE 4:7

Kyamba Ruwa alelulahia ngafupfo kya indi kawelulaha kui wuilishi.

1TIMOTEO 2:10

Indi liwe lya kilya kisumhanye waka wakuhambie na wuowu woowuo Ruwa lii lya mawuto mecha.

1TIMOTEO 3:3

Nalawe mkuwi, nalasohuo mondu, indi nawe mwoloṟu alalang'a, alai mweehi.

1TIMOTEO 6:10

Ipfo kundo, mawicho haṟukie hose nyi ipfo wukuwunyi wokuwa fesa. Kuweepfo waleiwingya wakawedekio-ho wuidiki wakawekutochio m mawawio hafoi.

2TIMOTEO 3:2

Kyamba wandu wechikukunda wawenyii wai wa kiṟaṟi wakuwi wekuwa fesa, waṟahiṟahi, wai na tumbe, weruma Ruwa; wemiina wafee, wala fanyi, wai wambafu.

TITO 1:11

Kyawo na kikaki wahende ifunjo olimi. Nyiwo wandu wekepihisa nja tsa wandu tsii nsanze ili wailosha shindo shilasumhanyi wai watewe nyi ngula tsawo.

TITO 1:7

Kyamba moambuya siṟi kimbari nawe mndu mteechi akerye Ruwa cha mwiṟichi alawode tumbe, alai mlang'a ma makinango ma manzina ma mongula.

TITO 2:3

Na wudo wakeku wakae na orie lusumhanye waele, walahende iduo mndu sumu, walahende iṟahishyo nyi wukuwu wo wari, wawe wechilosha shindo shii shicha.

WAEBRANIA 12:16

Kulakae-pfo ai mndu o melumelu ang'u mndu mtaicho cha Esau alekumba wuwee woke kya kilayo kimu.

YOSHUA 7:21

Kiheri njilewona nguo njicha iwukie Shinani kiidi kya shindo shilya shilewado shidenyi na shekeli mahana (200) hawi ha fesa na mnaṟa fo sahabu fulemeri cha shekeli makumi hatanu (50), nalyo ngashilanga ngashiduo, ambuya nyi njishiṟikie, ngashisumia terinyi ipfo ihemenyi lyako, na fesa yo ngaiṟika wanda ya shindo sho.”

1PETRO 5:2

Ngawatutuma, ke lisiṟenyi poo lilya lya Ruwa lii konu chi cha ili mui-waitike-pfo kya indi kui macha ha Ruwa, mulapfule-ho mbucha indi muliwade na kuimbeṟe.

2PETRO 2:10

Ngoseṟa mnu nyi walya wewingya seko tsa mbihu wawodo nyi wulangi wuterefutsie wakapiṟa wunene. Wo wandu waami, wakahakaha walaowuo iruma waapfinya wa ipfo huye na iwaisalucha.

2PETRO 2:14

Meso hawo haichuo wuṟuhui, walaida wunyamaṟi. Wekyetuusa mrima ya wafafa ilai-mdamiṟe. Mrima yawo iichwo lango tsa masaa, wai wana wa oseso lo Ruwa.

2PETRO 2:3

Ili wawodo nyi wuehi wechikapa nanyo mbucha kui sumu tsawo tsa wongo. Indi kui kiheri kileshe Moanduya owo nakuṟeheṟie, na Morumatsa owo nawonyi.

OTAMBAHALUO LO YOHANE 2:14

Indi njikuwodie mondu kya shindo shiwe, kyamba ipfo konyu uwode wandu wawode njopfundo tsa Bileamu awekelosha Balaki iduo wana wa Israeli wutahachinyi wahende ilya nyama ndasye maruwa ha wongo na wuṟuhuinyi na wulala.

OTAMBAHALUO LO YOHANE 2:21

Na inyi njilemnengya mwaanya fodumbuya wunyamari woke ma alakundi idumbuya kya wulala woke.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

OTAMBAHALUO LO YOHANE 22:15

Kulya nja kukae kushingilie mashite na wamaruwya wuṟoi na wamameluka-meluka na wamawaha na weindia maruwa ha wongo na orio ose akundi shii wongo na ishiwuta.

OTAMBAHALUO LO YOHANE 9:21

Nawo waledumbuya ma kya wuwaahi wowo ma kya wulongi wowo wolonga uṟoi ma kya wuṟuhui wowo ma kya wuiwi wowopfo.

1SAMWELI 8:3

Kyaindi wanawo waleosha mchumie fo ndeawopfo. Indi walewooka ikushihia kiira. Walewoka iambia kitsutsumo wakapfuluo kiilohi.