WAEFESO 5:2 - Bibilia Kui Mdedie fo Kimochi

² Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

WAEFESO 5:2 ပူးပေါင်းရင်းမြစ်များ

MAWOOKIONYI 8:21

Mndumii-Ruwa kaicho opfamo lumchihiṟie, kahamba mrimenyi, “Njechisesa-se oruka numa ya ishi kipfa kya mndu o wandu-pfo kipfa mahio ha mrimenyi fo mndu o wandu, nyi hamawicho wokia wurika woke, manya njechikapa-se numa ya ishi orio kindo kii na moo chando njilewuta-pfo.

IWUKA 29:18

Na iyo nokoṟe ichondilyo lyose huya rasio lyisenekie; nyi kidaso kemaya modonyi kipfa kya Mndumii-Ruwa; nyi opfaamo lucha, kidaso kileinengo Mndumii-Ruwa kui njia ya modo.

IWUKA 29:25

Numa noire shindoshi mawokonyi hawo, noshirumatse rasionyi, huya kidaso kilya kemaya modonyi, shiwe opfamo lucha oshangunyi lo Mndumii-Ruwa; nyi kidaso kikiseheṟe ko Mndumii-Ruwa, kui njia ya modo.

WALEWI 1:13

Kyaindi maula hakyo, na madende hakyo, nechisanja na mṟinga; na mkohanyicho nechishiseheṟia shose ishirumatsia rasionyi; nyi kidaso kemaya modonyi; nyi kidaso keseheṟia kui modo kya opfamo luchihiṟie Mndumii-Ruwa.

WALEWI 1:17

Numa napahuo makungoho hakyo, kyaindi nalamanjuo njohawi tsiwi; numa mkohanyi nairumatse modonyi huya rasio, huya ngu tsii huya modo; nyi kidaso kemaya modonyi, kidaso keseheṟia modonyi kya opfamo luchihiṟie Mndumii-Ruwa.”

WALEWI 1:9

Kyaindi maula hayo, na masasio hayo nechishisanja na mṟinga; na mkohanyicho nechishikoṟa shose huye ya rasio, kundu shiwe kidaso kemaya modonyi, kidaso keseheṟia kui modo, kya opfamo luchihiṟie Mndumii-Ruwa.

WALEWI 3:16

Nao mkohanyi nechishirumatsa modonyi huya rasio; nyi kelya kya odambiko losembeṟia kui njia ya modo, luwe opfaamo luchihiṟie; mafuda hose nyi ha Mndumii.

AMOSI 5:21

Inyi njisuo mkonu yanu inene, njiiminyie, njimchihiṟe nyi shisanzyo sho shanu sha wuindipfo.

MAITALA 7:21

ipung'a limu likoho; isuwa limu, na kisuwa kimu kya maka fumu ko kidaso kemaya modonyi

MATAYO 20:28

Na chando Mana o mndu alalecha kunu kepfuṟukanyo, nyi kundu o napfuṟukane-ho naweinengya-ho na moo foke fuwe ndalai yetalaa wafoi.”

YOHANE 13:34

Nyi iwawaso lihya ngamuinengya ke mochikundana; kundanenyi chando; inyi njilemukunda, nanyo na wudo mbekundana.

YOHANE 6:51

Nyio inyi nji mkate fu fo moo fusokie ruwehu. Mkate fu mndu ailya-ho nechikaa na moo mlungana. Na mkate fo njechimnenga mfo mbihufu foko njifulekia njiwonesye nafo wuyana wu moo.”

WAROMA 15:16

Mumanye ke inyi njii mwongoi o Kristo Yesu a-mdume ko mkambo ya wandu mhenu njiwe mowoongoya Ndumi ya Sia ya Ruwa ya okiio, kundu wa mbaṟi tsingi tsa wandu wawe odambiko luchihianyi na Ruwa lui-uheṟemtse nyi Mumuyo Mwele.

WAROMA 4:25

Nyio icho ammaa ihenda idambiko kimarete kya matahachyo hadu kashika iṟutso kipfa kya wuhoṟotsu wodu.

WAROMA 8:3

Kilya wunyamaṟi wulaweidima ili wuwei-wufafaṟe wudi nyi nyama, nyio Ruwa alekiwuta. Kechiduma Mana-chu oke amonyi, awa mfano fo nyama chaso tsirie wunyamaṟi, na kitewe alemduma na kya wunyamaṟi, kawonya wunyamaṟi-wu wukuwode ipfo nyamehu owingo.

WAROMA 8:37

Kya indi kya shindo sho kose shindo-shi shiluwode nyi lokia-ho lui wawinzi lukuwawie na ichu alukundi adi.

1 WAKORINTO 16:14

Shindo shanu shose shitanjike kui mkundie.

1 WAKORINTO 5:7

Kyasia muahye kitarang'asha kilya kiku na nja kundu muwe mbumba mhya chando mui mulaiwawike kitarang'asha. Cha kipfa na pasaka yadu ilemmaa ishinjo, nyio Kristo.

2 WAKORINTO 2:14

Indi Ruwa nakae echiwikyo mwaano ili ailuenenga iwinza lyi lya kui Kristo kitsitsi echipfamiṟa orio kundu kose mtambahalukye foke ai naso.

2 WAKORINTO 2:15

Kipfa so lowiia Ruwa mpfaamo fo Kristo fuchee iwo wehenda ikiṟo na iwo wehenda ideka.

2 WAKORINTO 8:9

Kyamba muichi ngata ya Mndumii odu Yesu Kristo irie wutonga woke, nyi ili awei msuṟi adi kahenda haluka mkiwa, kundu nyo ipfo wukiwenyi woke mukuwutie-ho iwa wasuṟi.

WAGALATIA 1:4

Nyio ichu alekudambika opfunyi amonyi kya manyamaṟo hadu kundu naluturuchwo iya iwuyana ili liwicho lidi lya kiwulalu ilyo likeri ihenda. Ekiwutye adi kyeidikyana na kiteṟyo kya Ruwa odu Wande.

WAGALATIA 2:20

Wulalu-le chio inyi njikukerye-se na moopfo, kya indi mokaa na moo kui mbikye foko nyio Kristo. Moo fu fo nyamenyi njikikeri-se nafo njifurie njikuwode na Mana o Ruwa nao nyio anjikundi katana akudambikya opfunyi enkaya-pfo inyi.

WAEFESO 1:4

Nakyo kihianyi na kilya kilemnenga alelusambuṟa kimu nao matika halya wuyana wu wulandewiko kundu lukae waele lulawode mti ipfo oshangunyi loke.

WAEFESO 3:17

Kundu Kristo nakape kanyi koke ipfo ngoonyi tsanu kawe kui wuidiki mochikaa mokapya mri ipfo kiwanjenyi kilya kii kikunda.

WAEFESO 3:19

Na imanya ke kikunda kya Kristo king'anye mtichie ya wuṟango yose kundu muwelutso itane mochikaa na welu ya Ruwa yose.

WAEFESO 4:15

Indi ludede kilya kii lohi lui na kikunda lochikualukia kya shindo shose ipfo mndu-hu ichu umu-ho akeri mdo, nyio Kristo.

WAEFESO 4:2

Mchumie fu fuwade ikunyiṟa lyose na woloṟu wose na mununyie fose mochidaṟana muwenyi na wenyi kui kikunda.

WAEFESO 5:15

Muambuye mnu nekuṟisa chando mochumia cha ili mui waṟango. Mulawe cha ili muwuṟye wuṟango.

WAEFESO 5:25

Nyo wamii kundenyi waka wanu chando nao Kristo alekunda siṟi kawekudambikyaho mwano amonyi hando hayo.

NGUMBUO YA MAWAWASO 27:6

Ee-da, rasiolyo lyose mochiwikia Mndumii-Ruwa, Ruwa onu, kimuwaṟi muhawike kui maho halamapache. Mochiwikiaho mwano yekoṟa na modo o huya rasionyi, ko Mndumii-Ruwa, Ruwa onu.

WAFILIPI 4:18

Na ngambona shose shamba sha mfeṟa. Nyi njilemsuṟyo njido iliindi ngamwambya osano lonu lomendo nyi Epafrodito. Lo opuo lopfama mnu necha, nyilo odambiko lukundikye luchihiana na Ruwa.

WAKOLOSE 3:14

Indi mwengeṟia fo isho shose nyi kikunda, kipfa kikunda nkyo kilunga kya orio mbika ikawa imu itoṟikye.

1WATESALONYIKYE 4:9

Indi kilya mulawuṟie muhende iṟehio kyakyo nyi kikundana, cha kipfa nyo muwenyi mui wapfunde nyi Ruwa kya ikundana muwenyi na wenyi.

1TIMOTEO 2:6

Nyio ichu alekudambika-ho amonyi ndalai ya italaa wandu wose ihendeṟingishyo ili indi maheri hayo halemshika ikoyo.

1TIMOTEO 4:12

Kulalekie wukoho wopfo wuhendemino, indi uwe kichano kya waidiki kui idedo, kui ohendo, kui kikundano, kui wuidiki, kui wukeha.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

WAEBRANIA 8:3

Kyamba orio mkohanyi mnene ekewiko kundu nadambikye-ho njodambiko na shidaso. Na ichu nawudo kimbaṟi nakae awode kyedasya-ho.

WAEBRANIA 9:14

Nyi wuda kya ngoseṟa samu ya Kristo ichu alekudambikya Ruwa amonyi ai mkeha kui mumuyo molungana echiilisha sheko shilya sha mrima yanu iletsano na matendo ha opfu, iwe yepfuṟukanya Ruwa menyi mo?

WAEBRANIA 9:23

Nkyo kyaitika ke ili mfano iya ya shindo shii maruwehu yakunda iilisho idi, shilya sha maruwehu shii shenyi shikundi shidaso shiidimikye kota shilya.

WAEBRANIA 9:26

Kima nao na wudo nyi aweitika iwawyo kafoi wokia mandi wuyana wulembiko. Indi wulalu alewoneka-ho limu mainutsyonyi ha maheri nawute-ho wunyamaṟi kui ikudasa amonyi.

1PETRO 4:8

Ngoseṟa ya shingi shose kundanenyi nyo muwenyi na wenyi kui mrima fose. Mukuwade tsee kipfa ikunda li lishikye na mfeṟa fo manyamaṟo.

1YOHANE 3:16

Hando lulekuwutya-ho imanya ikunda, nyi ili o Kristo alereka moo foke kimaduma kyaduso. Naso Kiluwaṟi lureke moo yadu hando ha wanawawama wadu.

1YOHANE 3:23

Na iwawaso lyake nyi lii-le ke luidikye rina lya Manoke Yesu Kristo luwekundana luwenyi na wenyi chando o ameluwawasya.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.

OTAMBAHALUO LO YOHANE 5:9

Nawo wakaimba kiimbo kiihya kehamba, “Iyo usumhanyi yambya kitapu ki na ifunja mhuri yakyo kipfa nyi kuleshinjo kowetalaya Ruwa wandu kui samu yapfo wapaṟikye orio mpaṟikie na mdedye na mbaṟi na mkambo.