WAEFESO 5:14 - Bibilia Kui Mdedie fo Kimochi

¹⁴ Kyamba shose shawutio kundo kuwode sa. Nkyo kimaduma; kohambo “Pang'uka iyo olaa, uṟukye uukye wapfunyi, nao Kristo echikulimika.”

WAEFESO 5:14 ပူးပေါင်းရင်းမြစ်များ

YESAYA 26:19

Wapfu wapfo wechiwada moo, mnying'a yako yechiṟuka; kurenyi, imbenyi, nyo mui kilulinyi, kipfa ṟauṟa yapfo ii cha ṟauṟa ya maṟa, na teri yechiṟutsa wapfiie.

YESAYA 51:17

Kure, kure, hoṟoka, iyo Yerusalemu! Iyo ulenyo owokonyi lo Mndumii, Kitela kya kirahu kenango, Kokinyo kokimarisa.

YESAYA 52:1

Kure, kure, kuṟike pfinya, Iyo Sioni! Ṟaa nguwo tsapfo njicha, Ee Yerusalemu, mṟi Mwele. Kyamba wulalu kuwode momu Fo mndu alamdine ma afanyi ngafu Echiida na ipfo mṟinyipfo.

YESAYA 60:1

Kure nolimike, kipfa sa yapfo yamecha, Na kiṟumi kya Mndumii kyamekuwaṟia.

LUKA 1:78

Kipfa kya isaṟia lya mrima fo Ruwa odu; nalyo nyi lyechiluinenga isahio nyi madoenyi ha huye.

LUKA 15:24

Kipfa mana-chu oko nyi awepfie kawuya iṟuka, nyi awedekie, kawuya iwoneka. Naho wakawooka ichihiyo.

YOHANE 8:12

Nahong'u Yesu kawuya kadeda nawo lingi kahamba, “Inyi nyi sa ya wuyana. Mndu anjilatya nakihenda-se memenyipfo. Nechikaa ai na sa yende moo.”

YOHANE 9:5

Mandi njikeri kunu wuyana njii sa ya wuyana.”

MAWUTO HA WASU 13:47

Kyamba nyi wudo lu wawawase nyi Mndumii, ‘Nyi njikuwikye nowe saa ya wandu wa mbaṟi njihenu nowawiie okiio itane mtsitsinyi fo wanda ii.’”

WAROMA 6:13

Ma mulawone mochidambikya wunyamaṟi shiwungo shanu shiwe shihia sha wukika, kya indi kudambikenyi nyo muwenyi Ruwa cha wandu warie moo waweṟukie nafo wapfunyi, na shiwungo shanu shiwiie Ruwa shihia sha wuhoṟotsu.

1 WAKORINTO 15:34

Ṟamkenyi necha ma mulatahachie hando; kyamba kuwode walaichi Ruwa; nakwipfo echiwesa, aa wuda wapfu washike iṟutso ngesa? A nyi wechicha warie mbihu ida ko?

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

WAEFESO 2:1

Kyanu nyo muwei opfunyi lo madeko na manyamaṟo hanyu.

WAEFESO 2:5

Kaluwika so moo fumu na Kristo matika halya luwei wapfu kui manyamaṟo nyi mui wakiṟe kui wutonga wo Ruwa.

WAKOLOSE 3:1

Mukameṟutso kimu na Kristo ke-walyenyi shiipfo huye, ipfo kundo Kristo ai adamye owokonyi lo kulyo lo Ruwa.

1WATESALONYIKYE 5:6

Kikamba kido manya lulahombye cha walya wengi, kya indi lulae dembo lochikuotoya.

2TIMOTEO 1:10

Wukawewonesyo kodu wulalu ilindi Mkiṟa odu Kristo Yesu alewoneka kawuta-ho opfu kashika iwika-ho moo na mkae fulechisia kui Ndumi ya okiio.

2TIMOTEO 2:26

Mhie yawo mcha iwawuuye-se; waturuchuke ipfo mshihodinyi fulya fo Satana wai wapfunge nyio kyewatana iindia shilya akundi.