WAEFESO 4:6 - Bibilia Kui Mdedie fo Kimochi

⁶ Ruwa nyi umu nao nyio Nde o wose mokaa hiaa wose mokaa mrimenyi ya wose.

WAEFESO 4:6 ပူးပေါင်းရင်းမြစ်များ

MAWOOKIONYI 14:19

Kammbikia mboṟa, kahamba, Abramu nakewikio ona nyi Ruwa ai huye mnu, mowumba ruwehu na oruka.

SHIIMBO SHA DAWIDI 95:3

Kyamba Mndumii nyi Ruwa ang'anyi, na Mangi ang'anye huye ya maruwa hose.

YESAYA 63:16

na kipfa iyo nyi ndeadu, manya chando Abrahamu alaluichi, ma Israeli eidima ilusendapfo, Iyo Mndumii, nyi Iyo ndeadu, “Mkiṟa odu,” mlungana, na mlungana nlyo rina lyapfo

MALAKI 2:10

Alewo! So lose luwode Wande umu? Ruwa chu moluumba chi umu tupu? Kyawa se kida ili orio mndu awutia manomae mbonyi tsilawaṟi? Lochifanyisa ngafu mkundana fo ndeadu?

MAITALA 16:22

Kyaindi Mose na Aroni wakakuhutsa wanda na kyamu wechihamba, “Hoi Mndumii-Ruwa ui mawokioonyi ha moo ya wandu wose, Ngesa, mndu umu kakudekio nochisuuya wandu wose?”

MATAYO 6:13

Ma ulaluduo kitewionyi indi ulukiṟe shindo shiwicho!

MATAYO 6:9

Indi terewenyi mule, ‘Nde-yadu ukeri ipfo ruwehu, Rina lyafo litano yele.

YOHANE 14:23

Yesu kahalwo kambia “Mndu kakaa-ho anjikundi nyi idedo lyo lyako echiliringa, nawo Wande chu oko echimkunda naso nyi lochicha ikaa koke.

YOHANE 17:26

Inyi njilewamanyishia rina lyi lyapfo na njechikaa njechiwuta njido, kundu ikunda lyapfo uliwode koko fuwakaye ipfo mrimenyi yawo, na inyi njikae njimlunge nawo.’”

YOHANE 20:17

Yesu kambia, “Ma kulawone koikuwasha na inyi. Kipfa ili ndamekudoya na kulya ko Wande. Kya indi uhende kulya ko wanawawama nowawie, Njikudoya na ipfo ko Ndeyako nao Ndeyanu na ko Ruwa oko nao Ruwa onu.”

WAROMA 11:36

Kipfa nyio ai kimaenyi kya shindo shose, nao ai moshiwanzya mkaenyi, na koke shechikaa shiinukie shose. Wuitoṟi nyi woke wokaa mlungana. Amenyi.

1 WAKORINTO 12:6

Kuwade makamba ha matanyo kya indi nyi Ruwa ai motana shi shose arie wose.

1 WAKORINTO 8:6

Kya indi so luwode Ruwa umu ai Wande. Nyio kimaenyi kya shose shii-ho na kiwuyonyi kyadu na ipfo koke. Luwode na Mndumii umu nyio Yesu Kristo. Kui mweke foke shindo shilemba shose, naso na kui mweke foke.

2 WAKORINTO 6:16

Na maidikyano m maki ha hekalu lya Ruwa na mfano ya maruwa ha wongo? Kyamba so lui hekalu lya Ruwa menyi moo; chando Ruwa ahambye, ke ipfo kowo njechitana kanyi koko njehendekyaho, inyi njechiwawiia Ruwa owo nawo wechinjiwiia mkambo foko.

WAEFESO 1:21

Kidembo kyake kisongoe orio wuwee na wusuṟi na wuidimi na wuchili wose na orio wunene wo orio rina lyechiwa isendo maheri ha kiiwulalu ang'uhalya hechiitumana naho.

WAEFESO 2:22

Kui ikulunga nao, nanyo da mochiengeṟyo-ho napfo ipfo mbikenyi muwe kanyi ko Ruwa kui Mumuyo.

WAEFESO 3:17

Kundu Kristo nakape kanyi koke ipfo ngoonyi tsanu kawe kui wuidiki mochikaa mokapya mri ipfo kiwanjenyi kilya kii kikunda.

WAEFESO 6:23

Ofoṟo lukae na wana wa wama na ikunda na wuidiki shiwukye ko Ruwa Wande na ko Mndumii Yesu Kristo.

NGUMBUO YA MAWAWASO 6:4

Kyasia, adanyienyi lanye Waisraeli! Mndumii-Ruwa, Ruwa odu, nyi Mndumii-Ruwa umu.

1YOHANE 3:24

Na mokihendelya mawawaso ha Ruwa nyi aka amlunge na Ruwa, nao Ruwa alunganyi nao. Na kilya kyalutarama imanya ke luiwalunge na Ruwa nyi mumuyo fu Ruwa ameluenengya.