WAEFESO 4:31 - Bibilia Kui Mdedie fo Kimochi

³¹ Lekanenyi na wupusu, na wushimbi, na nyashi, na kifahyo, na kirumo hamu na wumbafu wose.

WAEFESO 4:31 ပူးပေါင်းရင်းမြစ်များ

MAWOOKIONYI 27:41

Esau kasuo manao mae Yakobo kipfa kya ona lulya ndee alemmbikia. Esau kahamba mrimenyi foke, “Mkonu fokapia wande kilio nyi iafukia fui, nyilyondi njechiwaha manndu Yakobo.”

MAWOOKIONYI 37:21

Kyaindi Reuben kekiicho kamwashuo mawokonyi hawo, kahamba, “Lulambahe.”

MAWOOKIONYI 37:4

Wana wa mae wakawona ke ndeawo namkundi kota wana wa mae wose, wakamsuo, manya walakunde ideda nao kui ofoṟo.

MAWOOKIONYI 4:8

Kaini kawia monomae Abeli, “Nnde luhende kulya mdemenyi.” Wadi wechihenda kulya mademenyi Kaini kapufukia monomae Abeli kambaha.

2SAMWELI 13:22

Absalomu kasuo Amnoni manaomaye mnu kipfa kya wukika fulya alewutia Tamari mshiki oke, ma alededa na Amnoni ma idedo limu liwicho ang'u lichapfo.

2SAMWELI 19:27

Siba nalenjituura inyi kechihamba ngaleha ihenda na iyo. Kyaindi njiichi iyo nokeri cha malaika o Ruwa, koikyo njiwutia ikyo owonyi kiwaṟi.

2SAMWELI 19:43

Kyasia wandu walya wa Israeli wakadeda na Wayuda walya wakawawia, “Mangi Dawidi nawaṟi kodu ka ikumi ngoseṟa yanu nyo. Nkiki kitewe molumina mulahendesane naso? Ngahamba so mbe wa kuwooka ideda ke iwihiṟa Mangi na kanyi nawe Mangi yaduse?” Madedo halya ha wandu wa Yuda hakawawa kota halya ha wandu wa Israeli.

SHIIMBO SHA DAWIDI 101:5

Moiria mndu o mṟasa oke kya kiṟika; icho njechimnyamaṟa. Msa awode meso ha orikiiki na ngoo yekushela, icho njechimtirisiapfo.

SHIIMBO SHA DAWIDI 140:11

Moiria wongo echiwikio owanzo orukenyipfo, Mndu o wutimbiri, wuwicho wokemṟinjawia imkombetsa.

SHIIMBO SHA DAWIDI 15:3

Alekyeiria mndu sha wongo kui olimi loke. Manya alewutia ungi kiwicho, Manya alekeiria wamṟasa oke sha wongo.

SHIIMBO SHA DAWIDI 37:8

Utoromishe nyashi, node okuchukuchu, ulawone ochisuo, lyefurumia nyiochiwuta wunyamaṟi.

SHIIMBO SHA DAWIDI 50:20

Kodamia kochideda manomayo, manamae opfo kombikia sha wongo.

SHIIMBO SHA DAWIDI 64:3

Wapfuṟanyie njolimi tsawo cha oshu, waṟungie mfi yawo, madedo mawawo.

MFANANO 10:12

Isuana lyechiende wuṟiingi; Kyaindi ikundana lyekeṟika madeko hose.

MFANANO 10:18

Moṟika nyashi nawode dumbu lya wongo, Na ichu mohaaya nyi tondo.

MFANANO 14:17

Ichu modosa nyashi ya nduika nechiwuta wutondo; Na mndu o mtambo nyi echiwingo.

MFANANO 18:8

Madedo ha mndu o mboru hai cha nyama tselya; Hekesoka itane ndeunyi kya mba.

MFANANO 19:12

Nyashi ya mangi nyi cha miso fuipoṟohoṟa; Indi ndarama yake cha mlewi fui huya maṟa.

MFANANO 25:23

Otanu lo nuka lokeende mvuo; Kimu na mohaaya nekeende kyamu kya nyashi.

MFANANO 26:20

Modo fokeruma futuṟa ngu; Kulawode mohaaya kuwode wuṟiingi-pfo

MFANANO 29:22

Mndu o nyashi nyekehaaya ngapano; Na mndu o nduika nyekenyamaṟa mnu.

MFANANO 29:9

Mndu mṟango kahaluyana na tondo; Kasuo ang'u kaseka, kuwode-ho sia-pfo.

MFANANO 6:19

Mngochi o wongo ekehamba wongo; Na ichu mowaaya mbeu tsa wuṟiingi kiidi kya wandu.

KOHELETI 7:9

Kulakambiṟe isuo mrimenyi fopfo, Kipfa nyashi ya tondo ii kipetehu kyake.

YEREMIA 6:28

Nyi wandu wadeko waeṟie, wekeṟahaṟaha ipfo na ipfo wechideda na iiria wandu madedo ha wongo; nyi aṟeṟa na menya, wandu wawuta wukika wose kuchu kulawodeho mcha.

YEREMIA 9:4

“Kuṟisenyi orio mndu na wamṟasa oke, manya mulakusirie mana-o-mayo ose, kipfa orio mndu nechiseya sha wongo, na mndu o mṟasa nechihenda ipfo na ipfo, na ihamba wongo na iiria wongo.

MAWUTO HA WASU 21:30

Mṟi fose fukawa kipfulupfulu wandu wakakambya ikusanza handu hamu wakawada Paulo wakamkuruo na ipfo nja wambuta hekalunyi. Oweṟe lo mongo ikashingo.

WAROMA 3:14

Dumbu lya-wo liichwo shirumo na shipusiṟo.

1 WAKORINTO 14:20

Wanawawama, ma mulawone mochiwa wana kui wutichi wotichia mbonyi muwe wandu watimye.

1 WAKORINTO 5:8

Nakyo kyaenenga luachikie mkonu mnene iya yadu, chi kui kitarang'asha kilya kiku manya kui kitarang'asha kya wuporu na wuwicho kya indi kui shilaishitarang'ashe sha wusalari na wulohi.

2 WAKORINTO 12:20

Kyamba ngaowuo ke kiheri njeshika icha njilamukoye chando njiwekundi imukoya nao inyi njishike ikoyo n nyo njiio mkao mulafukundi, kofia njishike ikoya muwudo-pfo shiloyo na wunyeng'i na wushimbi woshimbyana na wuṟingi woṟingana na shidedano na shiwehewehe na shimtengelele na shitohyo.

WAGALATIA 5:20

Wuindi woindya mfanano ya ruwa liwe na liwe, wuhanga wuwicho, shituwa, mlusano, wuṟiinganyi, wuduitsi, shiloyo, mapaṟatsano, malehano, wunyeng'.

WAEFESO 4:22

Kuatuonyi mbikie fo wumndu wo kacha muwekupaye nawo kuwoka, nafo nyi fukeri ideka kui lango tsa wulembi.

WAEFESO 4:25

Ko ikyo lekanenyi na kilya kii wongo Dedenyi kya lohi orio mndu ose na ulya aṟasanyi nao kipfa orio umu onu nyi kiwungo kya mbihu fo Kristo.

WAEFESO 4:26

Mukadoso nyashi manya mulawute kya wunyamaṟi. Mulalekie mnengeṟi fuoloke mukuwode na okuchukuchu.

WAKOLOSE 3:19

Nyo womi, kundenyi waka wanu mulawapufukye.

WAKOLOSE 3:8

Indi wulalu nanyo kimuwaṟi muhendekuatuo isho shose, nyashi, lango wuwicho, mkuchu, wusutsu, madedo ha sheeṟe halawukye dumbunyi lyanu.

1TIMOTEO 3:11

Waka na wudo wakae weindya, walahende iduo wandu sumu, wawe wasanjikie mdo, wawe wahendeli kya shindo shose.

1TIMOTEO 3:3

Nalawe mkuwi, nalasohuo mondu, indi nawe mwoloṟu alalang'a, alai mweehi.

1TIMOTEO 5:13

Hamu na iki wakakuichiwiṟa idokuo na iṟahaṟaha nja tsa wandu. Indi chi wai wadoko tupupfo indi na wemelemele na wadimi-dimi wededadeda shilasumhanyi.

2TIMOTEO 2:23

Indi mawesoweso halya ha wutondo halawode wuṟango ulekane naho kipfa uichi ke ho hekeende shiloyo.

2TIMOTEO 3:3

Wa ngarama, walaichi mma, weduo wengi sumu, wapfupfunae mrima, washimbi, wasuo orio kii kicha kyose.

TITO 1:7

Kyamba moambuya siṟi kimbari nawe mndu mteechi akerye Ruwa cha mwiṟichi alawode tumbe, alai mlang'a ma makinango ma manzina ma mongula.

TITO 2:3

Na wudo wakeku wakae na orie lusumhanye waele, walahende iduo mndu sumu, walahende iṟahishyo nyi wukuwu wo wari, wawe wechilosha shindo shii shicha.

YAKOBO 1:19

Iki mukiichi, wanawawama wako wakunde. Indi orio mndu nawe mwangu kui yadanya na mlemeri kui ideda na mlemeri kui idosa nyashi.

YAKOBO 3:14

Indi kokoya muwode wunyeng'i wuwawa na wulang'a wo ndeda ipfo ngoonyi tsanyu ma mulakuṟumishe mowongisha kilya kii-lohi.

YAKOBO 4:11

Muladedane, wanawawama. Ichu aideda manowama ang'u aidumbuo manomae nyi ekededa wuwawaso na idumbuo wuwawaso. Indi kokoya odumbuo wuwawaso nyi ukeri mtanyi motana wuwawasopfo indi nyi ui modumbuo.

1PETRO 2:1

Kuatuonyi orio mawicho hose wongo, na orio maoka mtambo; na makulembetseṟi; na mawunyeng'a masutsa hose.

1YOHANE 3:12

Lulawe cha Kain awei o ichu mbicho kahenda iwaha manomae. Na kitewe alembaha nyiki ngesa? Nyi kipfa mawuto hake halewichuo indi halya ha manomae ho hawei mecha.

1YOHANE 3:15

Orio Mndu ose mosuo manomae nyi akeri mbahi mowaha wandu. Nanyo muichi ke orio mbahi ose awode moo fo mlungana fochikaa naopfo.

OTAMBAHALUO LO YOHANE 12:10

Ngaweicho ṟu ling'anyi lyededa ipfo ruwehu likahamba, Wulalu okiṟo lo Ruwa womcha; na wuikolonyi na wumangi womba wo Ruwa odu na wuidimi wose wui wo Kristo oke. Kipfa mkumbi mokumba wanawawama wadu amemayo wanda, ichu awekewakumba oshangunyi lo Ruwa odu mfiri na kio.