WAEFESO 4:25 - Bibilia Kui Mdedie fo Kimochi

²⁵ Ko ikyo lekanenyi na kilya kii wongo Dedenyi kya lohi orio mndu ose na ulya aṟasanyi nao kipfa orio umu onu nyi kiwungo kya mbihu fo Kristo.

WAEFESO 4:25 ပူးပေါင်းရင်းမြစ်များ

1WAMANGI 13:18

Nao kambia, “Ma inyi na mwikimbi cha iyo, na malaika kanjiwia kui idedo lya Mndumii, kehamba, mbihiṟe hamu na iyo kanyi kopfo, nalye kelya, nanyo mṟinga.” Kyaindi nalehamba wongo.

SHIIMBO SHA DAWIDI 119:29

Kenjiwuta njia ya wongo, nonjiloshe kui iwawaso lyapfo.

SHIIMBO SHA DAWIDI 15:2

Nyi ulya mowuta shisumhanyi, na iwuta shii lohi. Modeda lohi kui mrima foke.

SHIIMBO SHA DAWIDI 52:3

Nyi ukundi mawicho kota mecha, na ihamba wongo kota lohi.

IWUKA 23:7

Manya kulawute wuṟingishi wo wongo ko mndu ose, manya iwonyia owingo ko kindo kyose kundu nawoho nao alawode mti. Kipfa kowuta kudo njechikuhooṟiapfo.

MFANANO 12:17

Modeda madedo ha lohi nyeketambaṟuo wusumhanyi; Indi mṟingishi o wongo nekededa mtambo.

MFANANO 12:19

Dumbu lya lohi lyechiwanga maheri hose, Indi olimi lo wongo lo kioweṟe.

MFANANO 12:22

Madumbu ha wongo nyi hasuiṟye Mndumii, Indi wewuta wuhendeli nyi sia yake.

MFANANO 21:6

Iwada kisa kya masaa kui olimi lo wongo Nyi mtsu fukeri iwiwito, nyi ishiha opfu.

MFANANO 24:28

Kulaṟingishie wamṟasa opfo kulawode kitewe, Ma kulalembe na dumbu lyapfo.

MFANANO 6:17

Meso ha orikiki, olimi lo wongo, mawoko hepusuo samu ilawode mti.

MFANANO 8:7

Dumbu lyako lyechideda lohi, Njisuo wuwicho dumbunyi lyako

YESAYA 63:8

Kipfa nalehamba, “Nyi kya lohi iwa nyiwo wandu wako, wana walawode mtambo; kawa mkiṟa owo.”

YESAYA 9:15

Mmeku moindiyo nyio mdo, na mwikimbi molosha wongo nyi mṟehese.

HOSEA 4:2

Ilya nyamu, wongo, uwahi, wuiwi na wuṟuhui wuichuopfo. Wunyamaṟi wuongeṟa ifo, na samu ipusuyo orio mkonu.

WALEWI 19:11

“Mulaiwe, mulalembe manya iwiana sha wongo.

ZEKARIA 8:16

Ishi nsho mochiwuta; orio mndu na odoye wawiane lohi; anduonyi lohi mwaanduye fo ofoṟo ipfo kanyi konu;

ZEKARIA 8:19

“Ikuotoya lya meeri fo kaana na ikuotoya lya meeri fo katanu, na ikuotoya lya meeri fo mfungade, na ikuotoya lya meeri fo ikumi lyewa sia na ikesa, nyi mkonu mnene yefuda ko mba ya Yuda; wulalu kundenyi lohi na ofoṟo.”

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

WAROMA 12:5

Nyi wudo naso lufoi ludi nyi lukeri mbihu fumu fuu-msanze Kristo-hu, indi kyadu so luikayana shiwungo.

1 WAKORINTO 10:17

Kyamba mkate nyi fo fumu, naso lufoi li mbihu fumu, kyamba so lose luihawyo mkate fulya fumu.

2 WAKORINTO 7:14

Ma kokoya kuwewode kindo njiwekushelye ipfo koke kyemhamba nyo ngamhutso sonupfo, kya indi chando lulemuwia shose njia ya wulohi na wudo ikushela lilya lyadu lya ko Tito likawemba lya lohi.

WAEFESO 4:15

Indi ludede kilya kii lohi lui na kikunda lochikualukia kya shindo shose ipfo mndu-hu ichu umu-ho akeri mdo, nyio Kristo.

WAEFESO 4:22

Kuatuonyi mbikie fo wumndu wo kacha muwekupaye nawo kuwoka, nafo nyi fukeri ideka kui lango tsa wulembi.

WAEFESO 4:31

Lekanenyi na wupusu, na wushimbi, na nyashi, na kifahyo, na kirumo hamu na wumbafu wose.

WAEFESO 5:30

Kyamba so lui shiwungo sha mbihu foke.)

WAKOLOSE 3:8

Indi wulalu nanyo kimuwaṟi muhendekuatuo isho shose, nyashi, lango wuwicho, mkuchu, wusutsu, madedo ha sheeṟe halawukye dumbunyi lyanu.

WAKOLOSE 3:9

Mulawiane wongo nyo muwenyi na wenyi ili momaa ikushikuo wumndu wu wo kacha ham na mawuto hawo hose.

1TIMOTEO 1:10

Waṟuhui, wewichuṟa wanake, weiwa wandu, wededa wongo wefunja nyamu;

1TIMOTEO 4:2

Kui wulembi wo wamawongo iwo wai-wakoṟie ngoru tsa wumbafu ipfo ngonyi tsa mrima yawo.

TITO 1:12

Umu owo, mwikimbi owo wa wenyi awehambie wai; Wakreta wai wawongo na kamu, mando malang'a, mandeu madoko.

TITO 1:2

Njikuwode na owedo loiweda moo fo mlungana ifu Ruwa chu alai mowongo alemteseheṟya matsika halya maheri halunganyi halawemche.

WAEBRANIA 12:1

Nkyo kimaduma naso ili lui na ipuchi lya waṟingishi lilutengetie lidi luleṟye wanda orio wulami na wunyamaṟi wu wokiṟa iluoṟowya owinyi, lochiengeṟa ihenda ira ngapano iii njiwawasye yadu lukuhode-ho necha.

YAKOBO 1:21

Nkyo kimwenenge muhende kuatuo orio ngafu yose na wumbafu wufo wudo.

1PETRO 2:1

Kuatuonyi orio mawicho hose wongo, na orio maoka mtambo; na makulembetseṟi; na mawunyeng'a masutsa hose.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

OTAMBAHALUO LO YOHANE 22:15

Kulya nja kukae kushingilie mashite na wamaruwya wuṟoi na wamameluka-meluka na wamawaha na weindia maruwa ha wongo na orio ose akundi shii wongo na ishiwuta.

WACHILI 16:11

Samsoni kamhaluo, “Wakanjipfunga na shiwoho shilya shilalemeṟunde njechilehela njiwe cha mndu oose.”