WAEFESO 4:24 - Bibilia Kui Mdedie fo Kimochi

²⁴ Mukuwikye mṟaye ya mndu mhya ichu amuumbe kui ofano lo Ruwa kui wuhoṟotsu na sungusihu ya kilya kii lohi na wuele.

WAEFESO 4:24 ပူးပေါင်းရင်းမြစ်များ

MAWOOKIONYI 5:1

Iki nkyo kitapu kya oshari lo Adamu. Mkonu fulya Ruwa alewumba mndu, nalemmbika kui ofano lo Ruwa.

YOBU 29:14

Njilekuṟika wusumhanyi wukanjishikia, na wuhendelyi woko cha ikonya na kitambaa kya mdonyi.

YESAYA 52:1

Kure, kure, kuṟike pfinya, Iyo Sioni! Ṟaa nguwo tsapfo njicha, Ee Yerusalemu, mṟi Mwele. Kyamba wulalu kuwode momu Fo mndu alamdine ma afanyi ngafu Echiida na ipfo mṟinyipfo.

YESAYA 59:17

Kaweṟaa maṟao ha kiṟache hawe hake, wunyenyi kawuhaluo ikonya lyake.

LUKA 1:75

Luwehenda lochimhidia na wuele na wucha wusumhanyi ipfo oshangunyi loke mandi-ha lui na moo mafiri hose.

YOHANE 17:17

Uwatane waele wafane wukilohi wulya. Idedo lyapfo lyong'u likeri wukilohi wulya.

WAROMA 12:2

Ma mulawone mokuwakisha na wuyana-wu wo kiwulalu, kya indi muhende kuhalwo mochikulawukya mhie, kundu muidime iidikyana na kilya Ruwa akundi, kilya kii kicha kichihiṟye, kyawukye swai.

WAROMA 13:12

Kio kyaitika ihenda mfiri nyi icha fukeri. Ili kii kido lukuatwo mawuto hose ha meema luṟae shisha sha sa.

WAROMA 13:14

Kya indi kuṟaaenyi Mndumii Yesu Kristo, mfo mṟaae fonu, mukuṟise kundu iwetesya moo lilawone lyechiamtsa lango mbicho.

WAROMA 6:4

Kikawa kido nyi lui-waṟike kimu nao opfunyi kulya kui wupatiso kundu chando Kristo aleweṟutso wapfunyi kui wuitoṟi wo Wande na wudo so lukae-ho lochihendekya luirie moo mhya.

WAROMA 7:6

Indi wulalu luwode mkuachie lulawaitoṟie nyi wuwawaso-wo lukapfa opfu loluletsa kilya kilupfungye kundu lukae-ho lochipfuṟukanya Ruwa lulawukye mumuyo, lulakuwode-se na mṟeho fo kacha.

WAROMA 8:29

Kitewe nyi kipfa iwo alesonguo iwamanya kawesonguo na iwasambuṟa wawe wefanana na mfananye fo Mana-chu oke, kundu o nawe wawae o wana wa wee limu wafoi.

1 WAKORINTO 15:53

Kyama na kikaki kipuo ki kiṟae kilapuo na kyepfa ki kiṟae kilepfa.

2 WAKORINTO 3:18

Indi so lose lukuilye ngeela ya Mndumii kui oshangu lushikukye loilachyo mfananyie fulya fulya fuitike yengeṟyo ngeela chando kohenda itano nyi Mndumii ai Mumuyo.

2 WAKORINTO 4:16

Nkyo kyaenenga lulahenda ilemo, kya indi kokoya na mbika yadu iwono yahenda inyamaṟika, indi iya ilawono yo yahenda ilawuka mkonu na mkonu.

2 WAKORINTO 5:17

Nkyo kyaenenga kokoya mndu ai Kristo-hu nyi amba mbika njihya; sha kacha shamesia, ate shose shamhenda ilawuka.

WAGALATIA 3:27

Cha kipfa nyo ilindi mulempatisyo Kristo nyio Kristo mukawemtana mṟaae yanu.

WAGALATIA 6:15

Kipfa manya mbika ii injidine manya ii ilai njidine ikeri kindo shila mbika ii njihyapfo.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAEFESO 2:15

Na ipfo mbihu-hu foke kawewuta nafo wuwawaso wulya wuwei wo mawiko ha wuitiki echiitsa-pfo ofoṟo.

WAEFESO 6:11

Raenyi shisha sha Ruwa, kundu muidime ilema mtambo njiwicho yetengeta ya mkumbi ulya.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

WAEBRANIA 1:8

Indi kya Mana nyi kii-le, “Loṟika lopfo, hoi Ruwa, luikaa maheri halunganyi, na msenge fo wuhoṟotsu mfo msenge fo wumangi wopfo.

WAEBRANIA 12:14

Wingyenyi hamu na wose ikaa na ofoṟo na wuilisho, kipfa kulaipfo echiwona Mndumii alai mwilishe.

1PETRO 2:2

Ili mui cha wanangu wai wafee wulalu mulalakie oseṟi lu lo kimumuyo, lulalulongye wongo, kundu mushike ikoya kui pfinya yalo mkura ya okiio.

2PETRO 1:4

Sho shatewa luinengo shasa sa shing'ianyi shiwode macha, kundu shimtane muwe wa-kita kimu mbika ya ki-Ruwa muweturuchukye odetso luwukye ipfo wulangenyi wo wuyana.