WAEFESO 4:14 - Bibilia Kui Mdedie fo Kimochi

¹⁴ Kundu lulakikae-se cha wakoku luwechiweṟutsoweṟutso na ipongitsopongitso nyi orio otanu lo ilosha lya wandu walembi kundu wadetse wengi kui mtaambo.

WAEFESO 4:14 ပူးပေါင်းရင်းမြစ်များ

SHIIMBO SHA DAWIDI 10:9

Nyekewedia kiseekenyi cha miiso opangenyi, Kui mtambo nawade mndu mfafa. Ee-da, nyekewada mndu mfafa. Kamkuruo na ndusu tsake njioke maṟaushi.

SHIIMBO SHA DAWIDI 59:3

Kipfa wakeri iṟinjawia moo foko; wenyi pfinya wakusanza kipfa kyako; hoi Mndumii, chiideko lyako-pfo, manya chi tewe lyakopfo.

YESAYA 28:9

Nechilosha u wuṟango? Nechiwia u oloho? Ngesa, nyi walya waimo maruwa walewuto maweenyi?

MIKA 7:2

Kuwode msa aowoye Ruwa aledeo orukenyi-pfo; kuwode mndu mhoṟotsu kiidi kya wandupfo. Orio umu nalaaya ipusuo samu, manya kuwode umu mhoṟotsu kiidi kya wandupfo.

MATAYO 11:7

Kyasia walya wa kiloshyonyi kya Yohane wahenda Yesu kawoka iwia wandu walya mamwingi mbonyi tsa Yohane kahamba, “A nyi kiki mulehenda ambuya kulya nuka? Ngesa nyi iṟeṟe lisingitso-singitso nyi otanu?

MATAYO 24:11

Na waikimbi wehamba sha wongo wawekurepfo wafoi waduo wandu wafoi ipfo kidekyonyi.

MATAYO 24:24

Nyi kipfa kochikurepfo Wakristo wa wongo na waikimbi wa wongo. Waweloṟa-ho na mawuto manene ha kiṟingishyo na ha kiṟiha. Nyi kundu watewe na iwo wai wasambuṟe nokoe nyi kiwechiwa.

MAWUTO HA WASU 23:21

Kyasia na iyo ma ulaidikye. Kyamba wandu waida makumi haana wamwalye walie mma ke walechilya manya inyo kindo itane wammaa imbaha, nawo wulalu waiho wakuṟeheṟye wechiwedya kyasa kopfo.”

1 WAKORINTO 12:2

Muichi lyandi muwekeri wahenu nyi mowekedao ko mfanano ilawode mdedye cha ili mokuruo-pfo.

1 WAKORINTO 14:20

Wanawawama, ma mulawone mochiwa wana kui wutichi wotichia mbonyi muwe wandu watimye.

1 WAKORINTO 3:19

Kyamba wuṟango wo wuyana wu nyi wutondo ipfo sumuhana na Ruwa. Kyamba kii-kiṟehye kii-le, “O nyio mochawilia waṟango ipfo mlemekonyi yawo.”

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 4:2

Kya indi lulehye sha kiṟikenyi shepfia sonu; manya lulahendekye lui na ngeṟo, manya lulalongya idedo lya Ruwa kindo kii wongo, kya indi lokekumanyishya luwenyi ngo tsilya tsii mrimenyi tsa wandu lochihamba a pata kilya kii lohi lui oshanguny lo Ruwa.

WAGALATIA 3:1

Nyo Wagalatia, mfurunjikye ihia! Niwu alemtondosha? Nanyo muweloṟoloṟo Yesu Kristo itane ambonekya mesonyi hanu chando awemkapye msalabenyi.

WAEFESO 6:11

Raenyi shisha sha Ruwa, kundu muidime ilema mtambo njiwicho yetengeta ya mkumbi ulya.

1TIMOTEO 3:6

Nalawe mwetsi kundu nalawone echikulandaṟisha nashike ihoya wudehelinyi wo Satana.

2TIMOTEO 1:15

Na uichi ke walya waiiya Asia walenjidicha wose waata wawo nyi Figelo na Herimogene.

2TIMOTEO 3:13

Indi wandu walya wawicho na walembi wo wechiitika ihenda wichuo wechilemba wandu nawo wawenyi wai walembe.

2TIMOTEO 4:3

Kyamba kochicha kiheri welechiidimana na kiloshyo kya lohi kyechiṟa mrima, kya indi wechikufeṟya wawenyi walosha waidikyanyi na lango tsawo tsiinjenyi, chando madu hawo hakundi.

WAEBRANIA 13:9

Mulahende patsyo nyi mapfundo maliwe hai ha kihenu. Kyamba kilya kii kicha kyechiwanza ngoo nyi wutonga chi chonga; tso tsiweendie walya wawekekurohya natso mbuchapfo.

YAKOBO 1:6

Indi naterewe ai mwidiki nalawone apfio nyi mdo; kyamba mopfio nyi mdo afananyi na isinanu lya ipalyipalyi likeri isingitso-singitso nyi otanu lyechipongaikapongika.

YAKOBO 3:4

Ambuya merikebu tsing'anyi tsidi tsikeri ihendesho-hendesho nyi njotanu tsa owira nyi tsekehaluyo nyi mlo mwangu ora lulya moichilia akunda kui wulami wo owoko.

2PETRO 2:18

Kyamba wo wekyekushela na madedo ha maai; wechituusa na lango njiwicho tsa nyamenyi kui mamelukameluka wandu, walya wamelekana msanzie fo wechumia kipfuṟi.

1YOHANE 2:19

Nyi wammbuka kambenyi lyadu, kya indi walawepaṟikye kodu. Kyamba kima wawepaṟikye kodu wawechikaa naso. Indi kilehendeka kido kundu washike imanyika na pata ke chi wose wapaṟikye kimu nasopfo.

1YOHANE 2:26

Isho ngamaa imṟehya kya walya warie imlahutsa.

1YOHANE 4:1

Wakunde wako, ma mulaidikye orio mndu mohamba nawode mumuyo mliwe, kya indi mutume mnu kokoya mndu-chu nario nyi Mumuyo fo Ruwa ang'u ote. Kyamba waikimbi na wongo wafoi wamecha kunu wuyana.

YUDA 1:12

Iwo wai wado nyiwo wekelya kimu nanyo ipfo mlienyi yanu ya Makundano wai-ho mfano ya ngafu wekekulisiṟia-ho wawenyi walaowuo mndu. Wo nyi wai cha mapuchi halarie mvuo hekyewiwito ipfo na ipfo nyi otanu. Wakeri cha mdi ilai na mambale ilakumbe ndunda; cha mashidi hamakuṟuo hamatsuwo.

OTAMBAHALUO LO YOHANE 19:20

Na indo lilya likawado lyikapfungo, hamu na mwikimbi mowongo handu hamu nao ichu alewuta maṟiho halya oshangunyi lolyo (Kawa motandawusha wandu na mweke foho walya weambya mhuri ya indo lilya wakaweindia mfano yalyo.) Wakahenda yombotso wai na moo wa wawi ipfo iruwenyi lya modo fodosa mumuyo fo wuṟoi wofumba oṟoo.