WAEFESO 4:13 - Bibilia Kui Mdedie fo Kimochi

¹³ itane loshika ikoya so lose wukimu wo wuidiki na wo imanya Mana chu o Ruwa; luwe wasoṟo wasanze wechia wose msanze mochia ose watoṟikye welu ya wusuṟi wo Kristo.

WAEFESO 4:13 ပူးပေါင်းရင်းမြစ်များ

YESAYA 53:11

Nechiwona kilimu kya wukiwa woke nachihiyo. Kui wuṟango wo mṟundi oko ai na wusumhanyi. Nawehaluo wafoi wenyi wusumhanyi, Nao naweduo mawicho hawo.

SEFANIA 3:9

Kipfa o nhondo njechiwihiṟia wandu kishomo kicha, waidime ilaha rina lya Mndumii wamṟundie na mhio fumu.

ZEKARIA 14:9

Mndumii nyio echiwa Mangi huya shose; mkonufo Mndumii nechiwa umu na rina lyake limu.

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

YOHANE 1:16

Na ili pfo koke nyi kidahyonyi lukawa welimyo kisumbo kikaweitumano nyi kisumbo.

YOHANE 16:3

Na kyatewa wawuta wado nyi kipfa walaichi ma Wande ma inyi walanjiichi.

YOHANE 17:21

Ngaterewa ke wose wawe wamu chando iyo, Hoi Wande, ui umu na inyi, Na inyi njii umu na iyo kundu nawo wawe kiidi kyadu. Wuyana wu wuteho iidikya ke nyi iyo ulenjiduma.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

YOHANE 6:69

Naso lomekuwutya-ho ikuidikya lukakumanya ke iyo nyi ukeri Mwele chu o Ruwa.”

MAWUTO HA WASU 4:32

Na mfoheṟa ya waidiki walya wawei ngoo imu na mrima fumu. Nawo kulakae-ho ma umu kehamba shindo shilya awode nyi shake amonyi, kya indi wawewode shindo shose kyando.

1 WAKORINTO 1:10

Indi ngamututuma lanye wanawawama kui rina lya Mndumii odu Yesu Kristo ke muwe mochideda kimu mose, ipfo konu kulakae-pfo ndutsano kya indi mukae-ho mui-waṟeheṟye mhie fumu na mdumbuye fumu.

1 WAKORINTO 14:20

Wanawawama, ma mulawone mochiwa wana kui wutichi wotichia mbonyi muwe wandu watimye.

1 WAKORINTO 2:6

Sha wuṟango na lushiwode sheongoya walya wai waholoki, indi wuṟango wu wulai wo maindi ha ki-wulalu manya wo waitoṟi wa ki-wulalu ki kyerumara.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

WAGALATIA 4:19

Nyo mui wana wako, njikeri iwawyo lingi kya mafeonyi hanu ha kawi itane Kristo akumanyisha nanyo mui ofano loke.

WAEFESO 1:17

Kundu Ruwa chu o Mndumii odu Yesu Kristo nao nyio Wande menyi wuitoṟi ili molanga immanya namwenenge Mumuyo motambahalwo nawe momṟangusha.

WAEFESO 1:23

Nayo nyiyo mbihu foke fochiawukyana na ichu aawutsye shose mbikenyi yose.

WAEFESO 2:15

Na ipfo mbihu-hu foke kawewuta nafo wuwawaso wulya wuwei wo mawiko ha wuitiki echiitsa-pfo ofoṟo.

WAEFESO 4:12

Keteseheṟa wandu wa Ruwa kya oṟundo lo Kristo shyaando shewika mbihu fo Kristo,

WAEFESO 4:3

Ili mohidya necha iringa mkae fo mumuyo fokaa wamu kui kilunga kya ofoṟo.

WAEFESO 4:5

Mndumii nyi umu, wuidiki nyi wumu, wupatiso nyi wumu.

WAFILIPI 3:10

Wo immanya o na pfinya ya maṟukyenyi hake na kyando kya mawawyo hake njihende fananyisho nao ma ipfo kipfionyi.

WAFILIPI 3:8

Ee-da na shindo shose ngashihamba shii sha mawuṟa sumuhana na imanya Kristo Yesu Mndumii oko lisuṟye lidi. Nao nyio annengye ngatanyo shindo shose mawuṟa ngashihamba mbosha kundu njihende iwada Kristo.

WAKOLOSE 1:28

Nyio Kristo luimhamba lochitutuma orio mndu ose na ipfunda orio mndu ose kui wuṟango wose kundu luhoṟotse-ho orio mndu ose oshangunyi lo Ruwa natoṟikye Kristo toṟi.

WAKOLOSE 2:2

Njiiṟunda njidi kundu ngoo tsawo tsihendekarisho tsilungana kikundenyi tsiwefeṟyo mfeeṟa fo welu ya wutiichi wose wo imanya kyama kikoome kya Ruwa nkyo Kristo amonyi.

WAEBRANIA 5:14

Indi shelya shumu shisumhanye wandu watimie, nyiwo wandu wawode pfinya tsetichia shindo tsii njiohishe kui mwichiwie tsewa iletsa kicha na kiwicho.

2PETRO 1:4

Sho shatewa luinengo shasa sa shing'ianyi shiwode macha, kundu shimtane muwe wa-kita kimu mbika ya ki-Ruwa muweturuchukye odetso luwukye ipfo wulangenyi wo wuyana.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.