WAEFESO 4:1 - Bibilia Kui Mdedie fo Kimochi

¹ Na wulalu inyi ili njii mpfunge kipfa kya iṟundia Mndumii ngamwikimba ke muchumie mchumie fusumhanye ndaho i mui walahye.

WAEFESO 4:1 ပူးပေါင်းရင်းမြစ်များ

MAWOOKIONYI 17:1

Kiheri Abramu awei mndu o maaka makumi kenda na kenda, Mndumii-Ruwa kachea Abramu, kambia, “Inyi nyi Ruwa. Menyi wuitoṟi, chumia oshangunyi loko, kulawode tewe.

MAWOOKIONYI 5:24

Enoki kahendelia Ruwa kiheri kyake kyose, nalawonose, kyamba nyi Ruwa alemduo.

YEREMIA 38:20

Yeremia kambia, “Ochidambiko kowopfo. Wulalu iyo india iki Mndumii-Ruwa ahamba, chandu njikuwia, na mbonyi tsapfo tsechichia na moo fopfo fochikia.

MAWUTO HA WASU 9:31

Nahong'u siṟi tsikakukaya na ofoṟo kulya Yudaya kose na Galilaya na Samaria wakakulunga mbika imu wechichumia weowuo Mndumii wakawonyo mwengeṟya kui wuamtsu wo Mumuyo Mwele.

WAROMA 11:29

Kyamba shisumbo sha wutonga wo Ruwa na ndaho yake, sho sheteṟeshukasho.

WAROMA 12:1

Ngashika aa ngamtutuma-ng'u, wanawawama, njiimwitike nyi osaṟio lu lo Ruwa, ke mudambike mbihu yo yanu iwe kidaso kiele kii na moo kichihianyi na Ruwa; kiwe wuindi wonu wusumhanyi.

1 WAKORINTO 4:16

Nkyo kyantewa ngamtutuma ke muwe mokuwakisha na inyi.

2 WAKORINTO 10:1

Nao inyi Paulo ili njiimhambe wai ke ipfo oshangunyi njimkerye mmamiri indi ngamuwia ngolohoda ngamshika aleshe, nyi njikuwode na wuhoo na wuwongoya wo Kristo njemtutuma.

2 WAKORINTO 5:20

Nkyo kyaenenga so lui wasu waende ndumi ya Kristo, na Ruwa nyi aimututuma ipfo kundu luideda, lomuterewa lui-wadume nyi Kristo, ke kundenyi isanzo na Ruwa.

2 WAKORINTO 6:1

Indi ili lukeri wa kyando-ki nyi lomututuma, ma mulawone mochiambya wutonga wo Ruwa kya wulya.

WAGALATIA 4:12

Muwe cha inyi, cha kipfa inyi njii cha nyo, ngamterewa, wanawawama. Ma muwenjidekyo kindopfo.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAEFESO 3:1

Nkyo kitewe inyi Paulo njii mpfungo o Kristo Yesu kipfa kyanu mui wa mkambo ingi njiterewa Ruwa.

WAEFESO 4:17

Na wulalu kilya ngahamba na iṟingishya njikuwode na Mndumii nyi kikerikiile, ke mulakikuhendye cha wandu walaichi Ruwa wekekuhendya mhie yawo iwewa ya shindo sha melemele.

WAEFESO 4:4

Kwipfo mbihu fumu, kwipfo na Mumuyo fumu chando mui walahie mbedyenyi fumu fo ndaho yanu.

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

WAFILIPI 1:27

Maṟi muhende kuachia kui chile tsa mkambo tsisumhanye ndumi ya sia yehamba Kristo, kundu na ilindi ngacha ngambona ma ilindi njii kuleshe ngawio kyanu njikoye muhoṟoki mhoṟoki fo mumuyo fumu mochikapanya mwidikye fo ndumi ya sia ya okiio mupfunganyi mui mrima fumu.

WAFILIPI 3:14

Njikambia njekuṟungamisha wowinza wulya wo ndaho iya iwukie ipfo huye ikeri ya Ruwa kui Kristo Yesu.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

WAKOLOSE 2:6

Na wulalu chando muleambya Kristo Yesu Mndumii muhendeke mukuwode nao.

WAKOLOSE 4:12

Odoyanu Epafra amwiṟikiṟa ai o konu, na isinga lya Kristo Yesu echimkapanya nyo kiheri kyose ipfo shiterewonyi shake kundu muhoṟoke-ho mutimie mui wawanzie orio kindo Ruwa akundi kyose.

1WATESALONYIKYE 2:12

Na imkarisha nyo na imtutuma cha mndu wande ekewutya mana, kundu muchumie mchumie isumhanye Ruwa ichu alemulahya nyo wumangi wulya woke na wuitoṟi.

2WATESALONYIKYE 1:11

Nakyo nyikyo kimaduma luimterewya kiheri kyose. Kundu Ruwa odu namsumhantsie ndaho ii naweawutsya chila yose ya wucha na iṟunda lya wuidiki kui pfinya.

2TIMOTEO 1:9

O nyi alelukiṟa, kalulaha luwe wandu wake; ndaho njele. Kimtewye chi mawuto hadupfo; kyaindi nyi kyama kiwei kyake amoonyi na wutonga wulya alelusumba kiidi kya Kristo Yesu mandi halya ha maheri halawendewiko.

TITO 2:10

Walaṟoṟokuo, kya indi wamanyishieho wuhendeli wucha wose, kundu wawikye wupfundi wo mkiṟi odu Ruwa kiṟumi kicha kui shindo shose.

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.

WAEBRANIA 3:1

Nkyo kimaduma nyo wanawawama waele mui waodoya wa ndaho ya kiruwehu, ringenyi mdume ulya na mkohanyi ang'anyi luimhamba nyio Yesu.

1PETRO 2:11

Wanawawama, ngamtutuma mui cha wahenu wakuidya-iya wuyana ke mukuotoye lango tsa nyamenyi tsikeri ikapana na mrima.

1PETRO 3:9

Shiwicho mowutyo nyo, ma mulataaye na shiwicho shingi. Ma mularume ili momrumo nyo. Indi kaenyi ora lungi muwe mowikya ona, kipfa kilya mui-walahie nyi Ruwa kundu muhendeduo ona luwe kyoṟa kyanu.

1PETRO 5:10

Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.

2PETRO 1:3

Chando pfinya yake ya ki-Ruwa, Ruwa ammaa iluwonya shiende moo na wupfudi shose kui imanya ichu alelulaha na mweke fo wuitoṟi na wucha woke o amonyi.

2YOHANE 1:5

Na wulalu ngakuterewa lingi, Mai, ke lukundane. Ngakuṟehya iki cha ili nyi iwawaso lihyapfo kyaindi nyi lilya luweliwode wokia mawokyonyi.