WAEFESO 3:9 - Bibilia Kui Mdedie fo Kimochi

⁹ njiwatambaṟuye wandu wose wuiṟichi wo kyama kilya kya ko Ruwa mbiki o shindo shose iki kiwei kikoomye maheri halya ha kacha mṟamna.

WAEFESO 3:9 ပူးပေါင်းရင်းမြစ်များ

SHIIMBO SHA DAWIDI 33:6

Kui idedo lya Mndumii ruwehu ilewiko, shose shiipfo shitane kui mṟufu fo dumbu lyake.

YESAYA 44:24

Mndumii ai mkiṟa opfo nyio alekuumba wusunyi, o nahamba adi; “Inyi nyi Mndumii njeketana shindo shose; njialie ngina yose, ngamanyika orukenyi, nyiu ai na inyi?

MATAYO 10:27

Iki ngambia meemenyi kekihambenyi senyi na kindo moicho mowewedyo madunyi kekyongwonyi na pata.

MATAYO 13:35

Nyi kundu kuinukye kilya ki kidede nyi mwikimbi Yesaya kehamba, “Njechitambaṟuo dumbu lyako kui mbonyi tsa mfanano, njechyedya shilya shiwei shirike kiwokia oruka lombiko.”

MATAYO 25:34

Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko.

MATAYO 28:19

Kyasia kehendenying'u mukehaluo mkambo ya wandu yose wawe wa kiloshyonyi kyako muwewapatisya rina lya Wande na Mana na Mumuyo Mwele.

LUKA 24:47

Numa wandu wa mbaṟi tsose tsa masanga waongoyo rina lyake wadumbuye, waidime ihoorio manyamaṟo. Nasho shiwoke Yerusalemu.

YOHANE 10:30

Inyi na wande lui wamu.”

YOHANE 5:17

Nao kawahalwo, “Ndeyako nyi aiṟunda kiheri kyose na inyi daa njiṟunda.”

YOHANE 5:19

Nahong'u Yesu kahalwo kawawia, “Nyi lohi kya lohi ngamuwia, Mana echiidima itana kindo kui chila yake amonyi kulawode nyi ikyo awona Nde aitana-pfo. Kyamba kindo ndee atana na Mana nakyo kawekitana ado da.

MAWUTO HA WASU 15:18

Nakyo kimanyikye ke kii kido matsi mawokyonyi ha wuyana.”

WAROMA 11:25

Kyasia, wanawawama, njikundi mukae mulaichi kyama kikoomepfo, mulawone mokusirya na wuṟango wonu wuwenyi kipfa wuumu wokuumiṟa wo Wayuda waweny wo wulemhoya Israeli nyi wo oweṟe, kyayo itane wandu wa mkambo mhenu washikia Ruwa na mkambo mhenu yamhenda ishika iwonyo okiio.

1 WAKORINTO 2:7

Kya indi luihamba wuṟango wo Ruwa wo kisenyi wui wukoome wusa Ruwa aweteṟye. Maheri halawendewiko woluwonya so wuitoṟi.

WAEFESO 1:4

Nakyo kihianyi na kilya kilemnenga alelusambuṟa kimu nao matika halya wuyana wu wulandewiko kundu lukae waele lulawode mti ipfo oshangunyi loke.

WAEFESO 3:2

Mukamemwicho mbo wuiṟichi wo wutonga wo Ruwa njilewawasyo kyanu.

WAEFESO 6:19

Muweterewia na inyi, kundu njenengo idedo njechipfungwo dumbu lyako lya yongoya kui wukahari kyama kilya kikoome kya Ndumi ya Sia ya okiio.

WAKOLOSE 1:23

Kimuwaṟi nyo ikaa mukuwode tupu wuidikinyi mukuilikie-ho mui na kidembo kiwanzi mulechiwa iteshuo ipfo owedionyi lo Ndumi ya Sia, ii momwicho iwemwongoyo mbika iikeri shi ya ruwehu yose; na inyi Paulo ngamba mṟundi o Ndumi ya Sia.

WAKOLOSE 1:26

Kyo kyama kikoome kiwei kiowishe wandu wokia kacha, indi kikawewonesio wandu wake wulalu.

WAKOLOSE 3:3

Cha kipfa nyo mompfa na moo fonu fui mṟike kimu na Kristo ipfo ko Ruwa.

WAKOLOSE 4:3

Muweluterewya naso kundu Ruwa naluṟuhuye kichumi kyeonguo dedo lyake li lyehamba kirikye kya Kristo kipfa njiipfunge kimaduma kyalyo.

2WATESALONYIKYE 2:13

Indi kyalukoya so iana Ruwa kiheri kyose kimaduma kyanu, nyo wanawawama mui wakunde nyi Mndumii, kyamba Ruwa alemsambuṟa nyo wokia mawokyonyi mukiṟo mochiilisho nyi Mumuyo muwe wandu muidikyo kii-lohi kilya.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

2TIMOTEO 1:9

O nyi alelukiṟa, kalulaha luwe wandu wake; ndaho njele. Kimtewye chi mawuto hadupfo; kyaindi nyi kyama kiwei kyake amoonyi na wutonga wulya alelusumba kiidi kya Kristo Yesu mandi halya ha maheri halawendewiko.

2TIMOTEO 4:17

Indi Mndumii alenjikaya-ho kanjikapya owanzo. Iki kileenenga ngaidima ionguo mwongoye fuhende imariso necha wamkambo wakafuicho wose, na inyi ngaashuka ianduyo lya opfu.

TITO 1:2

Njikuwode na owedo loiweda moo fo mlungana ifu Ruwa chu alai mowongo alemteseheṟya matsika halya maheri halunganyi halawemche.

1PETRO 1:20

Nyio awemsambuṟe nyi Ruwa matika wuyana-wu wulawendewiko, indi nyi alemanyishio iheri li lifurumi lya maheri hose kimaduma kyanu.

OTAMBAHALUO LO YOHANE 13:8

Na walya wai iya wuyana wechihenda iliolokia wose iwo walai-waṟehie marina hawo kitapunyi kya moo wokia matika halya ha kidihina kilya kishinje.

OTAMBAHALUO LO YOHANE 14:6

Na inyi ngawona msu ungi mwele echirundukya ipfo makiidi hawi ha ruwehu arie Ndumi ya Sia ya mlungana ya Ruwa yeongoya wai iya wanda, wa orio mbaṟi, na kipaṟika na kishomo na mkambo.

OTAMBAHALUO LO YOHANE 17:8

Indo li omeliwona liwei-pfo ili kacha, indi wulalu liipfo-pfo. Nalyo lyechido liwuka ko wapfu; indi lyechirumatso. Wai wuyana wechiṟihio. Na wandu walee masangenyi walai-waṟehye marina hawo ipfo kitapunyi kya moo wokia wuyana wulembiko, wo wechiwuko m madima ilindi wewona indo lyi ke liwei-pfo kacha, lilai-pfo wulalu nalyo lyammboneka-se.

OTAMBAHALUO LO YOHANE 4:11

“Nyi iyo, hoi Mndumii kumonyi, ui Ruwa odu, usumhanye yambya wuitoṟi na wuindi na wuikolonyi, kyamba nyi iyo uwikye shindo shose. Shikawada moo na oru kui kyama kyapfo.”