WAEFESO 3:7 - Bibilia Kui Mdedie fo Kimochi

⁷ Kyayo nyio inyi ngamtano mṟundi kui isaṟia mopfuṟukanya kui kisumbo kilya kya wutonga wo Ruwa njimwinenge kui wuitiki wo pfinya yake.

WAEFESO 3:7 ပူးပေါင်းရင်းမြစ်များ

YESAYA 43:13

Wokia mkonufu fo inu, nyi inyi; ma kuwode msa echiidima ikiṟa kiidi kya owoko lokopfo; inyi njechiṟunda, nyiu echiidima injiima?’”

MAWUTO HA WASU 9:15

Kya indi Mndumii kambia, “Wada njia uhende-pfo, kyamba o ichu nyi anjikerye kisha kyako ndekisambuṟa nahende iduo rina lyako sumuhana na wandu wa masangeny na wamangi na wana wa isiraeli.

WAROMA 1:5

Nao nyio alelusaṟya kaluinenga wudumi wohendelishya rina lyo lyake wuidiki ipfo mkambonyi ya wandu yose.

WAROMA 12:3

Kisumbo njii-msumbe nakyo kyanjienenga njiwie orio mndu ose akeri ipfo konu, ke nalahie kyake kyekung'anyisha kyeng'anya kilya kimsuhananye, kya indi nahie-ho kyeidikya kidembo kyake chando Ruwa ahawye orio mndu kiheo kya mwidikye.

WAROMA 15:16

Mumanye ke inyi njii mwongoi o Kristo Yesu a-mdume ko mkambo ya wandu mhenu njiwe mowoongoya Ndumi ya Sia ya Ruwa ya okiio, kundu wa mbaṟi tsingi tsa wandu wawe odambiko luchihianyi na Ruwa lui-uheṟemtse nyi Mumuyo Mwele.

1 WAKORINTO 15:10

Kya indi kui wutonga wo Ruwa nji chasa nji, na wutonga wu woke wunjikerye chi wulewa wo wulyapfo kya indi ngamewinya kya wueṟa kota wo wose, ma chi inyipfo shile nyi wutonga wu wo Ruwa wukeri na inyi.

1 WAKORINTO 3:5

Alewo Apolo nyi ai ki, na Paulo nyi ai ki? Nyi wakeri wapfuṟu-kanyi mulemidikisho nyiwo na orio ose aweiṟunda kiheo kilya Mndumii alemnenga.

2 WAKORINTO 3:6

Nao nyio alutanyie watechi wepfuruṟukanya mkundano fu mhya fulai fo mṟeho indi nyi fo Mumuyo; kyamba mṟeho foende opfu, indi Mumuyo awikye moo.

2 WAKORINTO 4:1

Nkyo kyainenga ili lui na wupfuṟukanyi wu kui isaṟia lilya nyi lokewuya numapfo.

WAGALATIA 2:8

Kyamba ichu mowanza Petro wungochi wo ko wadine kawewa mombanza na inyi wo ko walai wadine.

WAEFESO 1:19

Mumanye na wuidimi woke chando wuikolonye shose ailukaya nawo so luidikye na ikuwada nao, nawo nyi wuwonekye ipfo kundu alekupaya na wuitiki wo pfinya yake chando wui.

WAEFESO 3:2

Mukamemwicho mbo wuiṟichi wo wutonga wo Ruwa njilewawasyo kyanu.

WAEFESO 3:20

Ichu aidima iwuta kya woeṟa shing'anye shilya luiterewa ang'u ikusaṟa shose kui pfinya iya iludung'anye so.

WAEFESO 3:8

Inyi njii mtutu o wandu wose wa Ruwa. Indi njimwinenge wutonga wu woongoya wa mkambo ingi Ndumi ya Sia ya wusuṟi wo Kristo iwu wulawa itumo,

WAEFESO 4:16

Ipfo kofo mbihu fu fose fukuwutya-ho ikaa fuu mpfungananyishe fui msanze foende-ho yalukya lya mbihu kui orio mpaye ya mwengeṟia fusumhanye wuitiki wuu wuhawye orio kilungo kimu kyose ya ikuhelwo fumenyi kui kikunda.

WAKOLOSE 1:29

Nakyo nyi ngakiwinya njekapana kui wuitiki wu wo Kristo wuiṟunda kiidi kyako na pfinya ing'anyi.

1WATESALONYIKYE 2:13

Nakyo nyi kimaduma na so lotsinda lochiana Ruwa cha kipfa dedo lyo lya Ruwa momambya moicho kodu muleliwada chi cha dedo lya wandupfo kya indi chando likeri kya lohi cha dedo lya Ruwa. Nalyo likuwode nanyo mui waidiki lyechiṟunda.

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.