WAEFESO 3:6 - Bibilia Kui Mdedie fo Kimochi

⁶ Kyehamba ke wa mkambo ingi waengeṟyo kyoṟenyi na mbihu-hu kimu na Wayuda osengenyi lo kiteṟyo kilya kikuwode na Kristo Yesu kui Ndumi ya Sia ya okiio.

WAEFESO 3:6 ပူးပေါင်းရင်းမြစ်များ

EZEKIELI 47:22

Ambuya nyi mochihawana oruka luwe lonu. Kokoya kukeripfo wahenu ipfo kiidi kyanu nawo nyi wafeye wana, iwo nyi mochiwahawia oruka kiheri kyo mochihawa. Iwo nyi wechiwutio cha wana wa Israeli, nawo nyi wawode momu fokapa kuṟu kuhya waidime iwona oruka hamu na shishari sha Waisraeli.

1 WAKORINTO 12:12

Kyamba chando mbihu fo mndu fui, nyi fo fumu na shiwungo shafo nyi shifoi, indi shiwungo sha mbihu shifoi shidi shikeri mbihu fu fumu sho shose, nyi wudo na Kristo ai.

1 WAKORINTO 12:27

Nanyo mukeri mbihu fo Kristo mukuhawie-ho shiwungo.

WAGALATIA 3:14

Kikawa kido kundu mkambo ya wahenu iwonyo ona lo Abrahamu kui mweke fo Kristo luweambya mumuyo fu fuwei mteṟye lochimwidikya na ikusirya nao.

WAGALATIA 5:24

Indi iwa wai wa Kristo Yesu wo wekekapya shii nyama shawo msalabeny hamu na wulang'a na wulanga.

WAEFESO 3:3

Ngammanyisho kyama kikoome kui kilya mawonesyo chando njilewooka ihamba (Ngaṟehia ko kifui.

WAEFESO 5:30

Kyamba so lui shiwungo sha mbihu foke.)

WAEFESO 5:7

Ma mulawe wodoyawo wa njia ii.

WAKOLOSE 2:19

Nakuletsana na Kristo ma alakuwada na mdo fu. Kiidi ya Kristo mpfo kundo mbihu fokehawio pfinya na owanzo fose folungo kui mapayano na mapfungano foching'ana mng'ano chando Ruwa akundi.

1YOHANE 1:3

Iki lulekiwona na ikiicho nyi kyo luimwongoya nanyo kundu muwade kita kimu naso. Indi kita-ki kyadu lukiwode na Wande na Manoke Yesu Kristo.

1YOHANE 2:25

Na kiteṟyo kilya ameluteṟya o, kyo kiiteṟyo-ho moo fo mlungana.