WAEFESO 3:14 - Bibilia Kui Mdedie fo Kimochi

¹⁴ Nkyo kimaduma mkundie fo Kristo ngapfira ndi tsako oshangunyi lo Wande.

WAEFESO 3:14 ပူးပေါင်းရင်းမြစ်များ

1WAMANGI 19:18

Kyaindi njechida wandu shiku mfungade (7,000) wai na moo orukenyi lo Israeli, walalemehonerie Baali ma ikomba sanamu yake.”

1WAMANGI 8:54

Kyasia, Solomoni kekimaa iterewa na ieṟeṟia Mndumii-Ruwa, kakure alya rasionyi lya Mndumii-Ruwa handu awepfirie ndi airie mawoko hake huye.

2MBONYI TSA MAHERI 6:13

Solomoni nawesungusie kitaṟa kya aṟeṟa njiiwu kehoṟokia kya rasio, wuleshe na wulandari wokyo nyi mita (2:2), na wuleshe wokyo ko ido huye nyi mita (1:3). Kawika kitaṟa kilya makidi hawi ha kiṟiha kilya kya mbele ya mba kekoyanyia. Kadoya huye yakyo, kaipfira ndi tsake, oshangunyi lo kisanzio kilya kyose kya Waisraeli, katambaṟuya mawoko hake kya ruwehu.

EZRA 9:5

Lilya mandi saa ya kyukanyi ileshika yehenda iwika kidaso, ngakure alya wanda kundu njiwekuwihitsie, ngaweṟaa nguwo tsako tsirandukie, naiiria mawoko hako ko Mndumii-Ruwa oko njipfirie ndi ngamterewa njechihamba,

SHIIMBO SHA DAWIDI 95:6

Kenchonyi luichike luichimbiṟe, lupfire ndi oshangunyi lo Mndumii aleluwumba.

YESAYA 45:23

Ngalya nyamu yako inyi, idedo lyi liwukie dumbunyi lyako kiidi kya wulohi, manya lyechiwuyapfo, ke oshangunyi loko orio ndi ikuleme, na olimi lulye nyamu.

DANIELI 6:10

Danieli kekimanya ke mṟeho fometeseheṟo na kichano kyamemaa iwiko, kakuidya na ipfo kanyi koke matiṟisha ha mba yake ha kiṟihenyi haweambuyanyi na Yerusalemu. Kapfira ndi kaṟaṟu orio mkonu kechiterewa na iana Ruwa oke, chandu awekewuta wokia mbooko.

LUKA 22:41

O kahenda kyaada, handu ha mkumbie fo songoṟo, kapfira ndi, katerewa kahamba,

MAWUTO HA WASU 20:36

Kekiidima ihamba ado kapfira ndi katerewa nawo wose hando hamu.

MAWUTO HA WASU 21:5

Loikimaa iinutsya mafiri halya lukakure lukahenda. Na wandu wose handu hamu na waka na wana wawo wakaluimya lukatana loshika mbele ya mṟi lukapfiria ndi alya mbai ya ipalyipalyi lochiterewa.

MAWUTO HA WASU 7:60

Kapfiria ndi kalaha na ṟu ling'anyi kahamba “Hoi Mndumii! Ma kulawapfungiṟye-wo wunyamaṟi wu!” Kekihamba ado donyi kadonyikya madonyi kapfa.

MAWUTO HA WASU 9:40

Kyasia Petro kawafuna-ho wose kapfiria ndi katerewa aindukye mnying'a fulya kahamba, “Tabita kure!” Nao katambaṟuo meso hake kekiwona Petro kakuira kadamya.

WAEFESO 1:3

Nawikyo kiṟumi Ruwa ichu Nde o Mndumii odu Yesu Kristo ameluonyisha na ona lo kimumuyo lose lurie shisumbo sha ruwehu shii na Kristo.

WAEFESO 3:15

Ichu adumbuye orio mbaṟi ya wandu rina ma ikeri ruwehu ma ikeri orukenyi.

WAFILIPI 2:10

Kundu orio ndi tsikuleme kui rina lya Yesu na tsa waruwehu na tsa wawanda ii na tsa wai shi.