WAEFESO 3:10 - Bibilia Kui Mdedie fo Kimochi

¹⁰ Kundu wuṟango wo Ruwa iwu wufoi mbaṟi wumanyishio wasongoru na waapfinya wa ipfo ruwehu, nyi yo siṟi.

WAEFESO 3:10 ပူးပေါင်းရင်းမြစ်များ

SHIIMBO SHA DAWIDI 103:20

Ichimbiṟenyi Mndumii, nyo wamalaika wake, nyo mui ngohoda, mokewuta idedo lyake, mochiadanyia ṟu lya idedo lyake.

SHIIMBO SHA DAWIDI 104:24

Hoi Mndumii, chando mawuto hapfo hafoi! Kui osaaṟe nolewika shose da; wuyana wuichuo masaa hapfo.

EZEKIELI 3:12

Nalyo mumuyo fukanjiiria huye na kiṟumi kya Mndumii-Ruwa kikawono handu halya, ngaweicho ṟu sa ling'anyi cha kiding'ashi.

WAROMA 11:33

Apa wuleshe wo wusuṟi wo Ruwa na wo wuṟango woke na wulaanyi. Mdumbuye yake yedumbwo mondu chando shilechiwa isonjokoṟa chando tsilechiwa ihesho chandu kuikuṟehie.

WAROMA 8:38

Kyamba njikusihye ke ma opfu ma moo ma wamalaika ma waitoṟi ma isho shiiho wulalu ma isho shekaa shiwe ili numa ma maapfinya mawe.

1 WAKORINTO 1:24

Kya indi iwo wai-walahe ma wai Wayuda ma wai Wagriki kowo Kristo aiwawiia pfinya ya Ruwa na wuṟango wo Ruwa.

1 WAKORINTO 2:7

Kya indi luihamba wuṟango wo Ruwa wo kisenyi wui wukoome wusa Ruwa aweteṟye. Maheri halawendewiko woluwonya so wuitoṟi.

WAEFESO 1:21

Kidembo kyake kisongoe orio wuwee na wusuṟi na wuidimi na wuchili wose na orio wunene wo orio rina lyechiwa isendo maheri ha kiiwulalu ang'uhalya hechiitumana naho.

WAEFESO 1:23

Nayo nyiyo mbihu foke fochiawukyana na ichu aawutsye shose mbikenyi yose.

WAEFESO 1:3

Nawikyo kiṟumi Ruwa ichu Nde o Mndumii odu Yesu Kristo ameluonyisha na ona lo kimumuyo lose lurie shisumbo sha ruwehu shii na Kristo.

WAEFESO 1:8

Nawo nyiwo alewulufeṟya kui wuṟango na wutichi wose.

WAEFESO 6:12

Kipfa ngapano iya ikeri yadu ilai yekapana na wawode samu na nyama, indi nyi yekapana na waapfinya na weduo shida na waitoṟi weitoṟya wuyana wo meema ifu na mumuyo ya wumbafu ikeri shi ya ruwehu.

WAKOLOSE 1:16

Kipfa ishi shose shiipfo maruwehu na kunu wuyana, shilya shiwonyio na shilya shilawonyio shilewiko ku mweke foke, manya shifumbi sha wuitoṟi, manya menge tsa wusuṟi manya wuwawa manya wuaapfinya. Ishi shose shilewiko nyio kundu shiwe shake.

WAKOLOSE 2:10

Nanyo mui wafeṟe mfeṟa fo moo fumu nao ichu ai mdo fo orio wuitoṟi na wunene.

WAKOLOSE 2:15

Kristo Kahenda yatuo waitoṟi nao waapfinya no Waṟufu kewaloṟa na pata echiwamanyisha wai wawinze ewaduo wapfungo amonyi.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

1PETRO 1:12

Wakashika iwonesyo ke shindo shi weshikuwinya wo wa wenyipfo indi kitewe n nyo. Nashonyisho muleshiongoyo wulalu nyi walya walemwendie nyo Ndumi ya Sia ya okiio kui Mumuyo Mwele aa-mdume awuka ruwehu, sho sheamtsya na wasu wa ruwehu macha hemehya-ho.

1PETRO 3:22

Nyio akukerye ipfo owokonyi lo kulyo lo Ruwa ili amaa idoya ruwehu ipfondo amshika ilaṟyo wasu wa ruwehu na waitoṟi na waapfinya.