WAEFESO 2:8 - Bibilia Kui Mdedie fo Kimochi

⁸ Cha kipfa mui wakiṟe kui wutonga kui njia ya wuidiki. Lyo lilewutika kui pfinya yanupfo; nyi kisumbo kya Ruwa.

WAEFESO 2:8 ပူးပေါင်းရင်းမြစ်များ

MATAYO 16:17

Kyasia Yesu kahaluo kambia, “Ungusu iyo Simon Petro, kipfa manya chi nyama ma samu shakudambuya ishipfo chila na Wande o ipfo ruwehu.”

MATAYO 20:9

Walya wacha kufui na saa ikumi na imu wakacha naho wakaambya orio mndu na dinari.

MARIKO 16:16

Msa aidikye kapatiso, nechikiṟo, msa alaidikye, echiwonyo owingo.

LUKA 7:50

Nao kawia mka ulya “Nyi wuidiki wopfo wokukiṟa; kuhendieng'u na kipuo.”

YOHANE 3:36

Mndu aidikye Mana o nakuwode na moo fo mlungana. Na mndu ada alaidikya Mana cho o echiwona moo fo mlunganapfo kya indi tuuke ya Ruwa yechikaa irianyi nao.”

YOHANE 4:10

Yesu kahalwo kambia, “Koye kuweichi kisumbo kya Ruwa na nyiu ichu aideda na iyo kyekuwia, ‘Njirutsa mṟinga njinyo,’ koye uwemwichi nyio uwechimterewa nao awekuenenga mṟinga fuwode moo.”

YOHANE 5:24

“Nyi lohi kya lohi ngamuwia, Ichu moanguya dedo lyako madu na iidikya ichu alenjiduma nawode moo fo mlungana. Nao echianduyo manyalepfo, kya indi nyi amsama auka opfunyi kasamya moonyi.

YOHANE 6:35

Yesu kawawia, “Nyio inyi njikeri mkate fu fo moo. Mndu akuchea na koko akiwado-se nyi njaapfo, na mndu awa monjiidikya nakirohyo-se nyi nyoda ma indipfo.

YOHANE 6:37

Iwo wose Wande amenjienenga wo wechikuchea na koko. Na mndu akuchea na koko njechimfunya njapfo.

YOHANE 6:40

Kyamba kindo Wande oko akundi nyi iki ke orio mndu awona Mana na imwidikya nawade moo fo mlungana. Na inyi njechiwaṟutsa Mfiri fo furumia.”

YOHANE 6:44

Kwipfo mndu eidima icha na kokopfo, kulawode wande ichu alenjiduma amhomwo napfo, na inyi njechimṟutsa Mkonu fulya foimarisya.

YOHANE 6:65

Nalyo kahamba, “Nkyo kimaduma ngamuwia, Kwipfo aidima icha na kokopfo shila nyi ichu ai mṟamtse nyi Wande oko.”

MAWUTO HA WASU 13:39

Na kimaduma kya ichu msa amwidikye nyi echitalo ke nyi alawode mti shindo shilya shose mulaweidima italya wusumhanyi na mweke fo wuwawaso wo Mose.

MAWUTO HA WASU 14:27

Wekiafukya wakalaha kisanzyo kya siṟi yose wakawaongoya kilya Ruwa awutye ai nawo shose na ke nyi alepfunguya wandu wa mbaṟi njihenu mongo fo mwidikye.

MAWUTO HA WASU 15:11

Kya indi lukusirye ke nyi wutonga wo Mndumii Yesu wuwen nyi woluinenga lohenda ikiṟo njia imu nawo.”

MAWUTO HA WASU 16:14

Mka umu ewio rina lyake nyi Lidia ai mka mokumba nguo tsa king'aring'ari ai o kikunyi kya Tiatira aowoye Ruwa kaluadanya. Nao Mndumii kamtambaṟwo ngoo naringe necha madedo halya hechidedo nyi Paulo.

MAWUTO HA WASU 16:31

Nawo wakambia, “Keidikya Mndumii Yesu Kristo nalyo mochikukiṟyo na kanyi kopfo.”

WAROMA 10:14

Aka wechiidima imlaha wada walamwidikye ngesa? Indi wamwidikye wada walandeshikio mbonyi tsake ngesa? Indi washikio wada mbonyi tsake kulaiho mowaongoya ngesa?

WAROMA 10:17

Kyasia wuidiki nyi wokeamtso nyi ndumi, indi ndumi nyi ikurye na idedo lya Kristo.

WAROMA 4:16

Nkyo kimaduma kyose kiwe kui wuidiki kikuhendekye njia ya wutonga, kundu kyaasa kilya kiwe kituwe kituwie orio luwa lyose chi iya ipaṟikye ipfo wuwawasonyi tupupfo kya indi na iya ipaṟikie wuidikinyi wo Abrahamu ichu akeri mku odu lose.

WAROMA 4:5

Indi mndu alawa moṟundia-woṟunda kawa moidikia kekusirya Ruwa ichu awa motana mndu alasumhanyi nawe mhoṟotsu nao nyio kui wuidiki wu woke atano mhoṟotsu.

WAROMA 9:16

Alewo koka na wudo kii kindo-kyo kyawa ikundo nyi mndu ang'u iidikyo nyiopfo kya indi kii kya Ruwa mosaṟya amonyi.

WAGALATIA 3:14

Kikawa kido kundu mkambo ya wahenu iwonyo ona lo Abrahamu kui mweke fo Kristo luweambya mumuyo fu fuwei mteṟye lochimwidikya na ikusirya nao.

WAGALATIA 3:22

Indi bibilia ikaweshingya wose wunyamaṟinyi kundu kilya kii kiteṟye kishike isumbo, kiwe kisumbo kiidikyanyi na wuidiki wokusirya na Kristo kyesumhanya walya wakuwode nao.

WAEFESO 1:19

Mumanye na wuidimi woke chando wuikolonye shose ailukaya nawo so luidikye na ikuwada nao, nawo nyi wuwonekye ipfo kundu alekupaya na wuitiki wo pfinya yake chando wui.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAEFESO 2:5

Kaluwika so moo fumu na Kristo matika halya luwei wapfu kui manyamaṟo nyi mui wakiṟe kui wutonga wo Ruwa.

WAFILIPI 1:29

Cha kipfa nyo mui-wasumbye kya Kristo ke mulawe mochimwidikya tupu kya indi muwewa mochituṟo kimaduma o.

WAKOLOSE 2:12

Kipfa mulemṟiko kimu nao ipfo wupatisonyi mukaweṟutso kimu nao kui wuidiki wo mwamtsie fo Ruwa alemṟutsa Kristo wapfunyi.

2WATESALONYIKYE 1:9

Wo wechiwonyo kyewahoṟuo kyewaendie mawawiṟo ha mlungana ipfo oshangunyi Mndumii na ipfo wuitoṟinyi wo pfinya yake.

WAEBRANIA 6:4

Cha kipfa iwa waleimikyo limu wakasonja kisumbo kilya kiiruwehu wakawehawyo Mumuyo Mwele.

1PETRO 1:5

Mui-waringe muwodo nyi pfinya ya Ruwa kui wuidiki, muhendewonyo okiio luiluteseheṟe iwoneka kiheri kyefurumya.