WAEFESO 2:2 - Bibilia Kui Mdedie fo Kimochi

² Muwehendekye mukuwode naho kui wuitiki wo wuyana wo kiiwulalu kya wuyana wu na wo moapfinya aiapfinya mumuyonyi, nyio moweṟu ulya echikupaya na wandu walaidikye na wulalu da.

WAEFESO 2:2 ပူးပေါင်းရင်းမြစ်များ

YOBU 1:16

Alamehusa ideda, ungi kashika-kambia, “Owaṟuko lo ikuṟuṟuma lyaoloka likakoṟa na irumatsa machondi na waṟundi wose. Inyi njimonyi mfi ngakia-ngakuendie mbonyi.”

YOBU 1:19

Kudi kiwiriwiri kikacha kiwuka nuka ya msanga, kikakapa mba yo wawei njora tsose ikawawundukia, na wanake wose wapfa. Inyi njimonyi mfi ngakia ngakuendie mbonyi.”

YOBU 1:7

Mndumii-Ruwa kawesa Satana, “Iyo-nyi ku owuka?” Nao Satana kahaluo Mndumii-Ruwa, “Ngawuka ichumia chumia na itengeta, ipfo na ipfo wuyanenyi.”

YOBU 31:7

Ke ndifo tsako tsahenda kihadi tsikada njia, na mrima foko fukalembo nyi meso hako ngoseṟa kipaṟi kyose kiwadanyi na mawoko hako.

SHIIMBO SHA DAWIDI 17:14

Hoi Mndumii, kui owoko lopfo unjikiṟe na wandu Wandu wa wuyanawu, ohawi lowo Lui kiidi kya ohendo lowo lo moo. Wakaichuṟa ndeu tsawo na kisa kyapfo Wakaihuda wana, wakadeeya wana wawo shisa shawo.

YESAYA 30:1

“Ochia lo wana wanyamaṟi; Mndumii ahamba; wakundi madedo ha chile indi chi koko inyipfo; wakushikia indi chi kui mumuyo fokopfo; kundu waengeṟe wunyamaṟi huye ya wunyamaṟi;

YESAYA 57:4

Mukeri italuo u? Nyiu muimwasamia na isomuo njolimi tsanu? Ngesa nyo chi wana wa odetso oshari lo wongo;

YEREMIA 23:10

Kipfa oruka luichuo waṟuhui, kipfa kya ilya nyamu oruka luifihiṟa, maṟa ha nuka hauma; ohendo lu luluwicho, na pfinya tsawo chi tsa wusumhanyi pfo.

HOSEA 10:9

Ambuyenyi nyo Waisraeli, nyo nyi mulewuta wunyamaṟi wokia kulya Gibea, mṟasa inu nyi muhenda inyamaṟa, Nyi kya lohi shida nyi yechimumarisia ipfo Gibea.

WALEWI 11:16

na nyaha na kirukanjia, na dudumizi, na kipanga, kui mbaṟi yasho;

MATAYO 11:19

Kukakaa kukacha napfo Mano-mndu, ai mndu echilya, na inyo, nawo wakahamba, ‘A ichu ai makilya na makinyo mvinyo, nyi mbuya ya wesana okamba na wenyamaṟa.’ Na wuṟango wo Ruwa wukaṟingishyo ilyi wuiṟunda.”

MATAYO 13:22

Na ichu a mbaaye kiidi kya msha nyio ichu echiadanya idedo-lyo. Kukakaa-pfo mawina ha kunu orukenyi na wulembi wolembo nyi masaa shikapfumba idedo-lyo lilakikumbye-se kilimu.

MATAYO 13:38

Na dema nyi wuyana-wu. Na mambuṟo-ho nyi wana wa ichu mbicho.

MARIKO 4:19

Kukaida-ho mawina ha kunu orukenyi na wulembi wolembo nyi masaa na lango tsa shindo shingi shikapfumba idedo lyo lilakumbye ndunda.

LUKA 16:8

Kyasia mndumii ulya kaṟumisha mwiṟichi ulya awenyamaṟie, kipfa lilya alewuta ado na wuṟango; kipfa wana wa wuyana-wu wo wulalu nyi wa-waṟango kota wana wa sa ipfo sumuhana na kishari kyawo wawenyi.”

LUKA 22:31

Kyasia kahamba, “Simon, oo Simon, keambuya, Satan nyi amkundi nyo namuwiwite chando mokeela ngano.

YOHANE 12:31

Wulalu wuyana wu wohenda iwonyo mdumbuye. Wulalu mnene o wuyana wu echifunyo kulya nja.

YOHANE 13:2

Nahong'u Kilayo kilya kii-kyaale Yesu na wa kiloshionyi na ichu mkumbi amemmaa yamtsa wuṟingi ipfo mrimenyi fo Yuda Iskariote ai mana o Simon wohenda iṟingya Yesu.

YOHANE 13:27

Nao Yuda kyekiambia itangamra lilya nalyo liyenyi Satana kamwanga. Nahong'u Yesu kambia, “Iki urie iwuta kehenda iwuta owinyi.”

YOHANE 14:30

Njikideda-se nanyo shindo shifoipfo kyamba mangi ii ya wuyana wu naicha. Koko inyi echiiidima kindopfo.

YOHANE 15:19

Kima muwei wa kiwuyana, wuyana wu wuwechimukunda nyo mlai wandu wawo. Indi ili nyo wa mlai kiwuyana na inyi njilemusambuṟa njemletsa na wuyana-wu lyo lyatewa wuyana wu womsuo.

YOHANE 16:11

Kya mwanduye nyi ili mangi ii ya wuyana wu ammaa iwonyo owingo.”

YOHANE 7:7

Ma wuyana wu woidima imusuo nyopfo. Indi inyi wanjisuo kipfa kya kiṟingishyo kyako njiwikye kimaduma kyawo njihamba ke mawuto hawo hai mawicho.

YOHANE 8:23

Yesu kawawia, “Nyo nyi kunu wuyana mupaṟikye, inyi kipaṟika kyako nyi kulya huye. Nyo mui wandu wa wuyana, inyi chi o wuyanapfo.

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

MAWUTO HA WASU 19:35

Nahong'u mṟehi o mṟinyi kekimaa iwaoloṟa kahenda ideda nawo kehamba, “Lanye wasoṟo wa Efeso, nyi mndu mki alaichi ke mṟi fu fo Efeso nyifo mringi o hekalu lya Artemisi menyi mng'ano fui na mringi moringa mfano fulya fuoloke ruwehu?

MAWUTO HA WASU 5:3

Petro kambia, “lyo Ananyia, nyi kili Satana akuichwo ipfo ngoonyi yapfo icha iwia Mumuyo Mwele wongo na iṟoṟokwo wuhuru wo dema lyo maata?

WAROMA 12:2

Ma mulawone mokuwakisha na wuyana-wu wo kiwulalu, kya indi muhende kuhalwo mochikulawukya mhie, kundu muidime iidikyana na kilya Ruwa akundi, kilya kii kicha kichihiṟye, kyawukye swai.

1 WAKORINTO 5:10

Chi ngamhamba nayo waṟuhui wakeri na wuyana wu ang'u manyinyi ang'u wasoki ang'u weindya maruwa ha wongo wai nawo. Kiwei kido kiwemwitika muwuke iya wuyana.

1 WAKORINTO 6:11

Na wa mbaṟi itsi muwekeri maata wanu. Kya indi momesanjo. Kya indi momeilisho. Kya indi momesumhantso kui rina lya Mndumii Yesu Kristo na kui Mumuyo o Ruwa odu.

2 WAKORINTO 4:4

Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa.

WAGALATIA 1:4

Nyio ichu alekudambika opfunyi amonyi kya manyamaṟo hadu kundu naluturuchwo iya iwuyana ili liwicho lidi lya kiwulalu ilyo likeri ihenda. Ekiwutye adi kyeidikyana na kiteṟyo kya Ruwa odu Wande.

WAEFESO 1:21

Kidembo kyake kisongoe orio wuwee na wusuṟi na wuidimi na wuchili wose na orio wunene wo orio rina lyechiwa isendo maheri ha kiiwulalu ang'uhalya hechiitumana naho.

WAEFESO 2:11

Kusaṟenyi, ke ili kacha muwei mkambo ya wandu wai nyamenyi, muwesendo mulai wadine nyi wayuda wekyekuhamba walya wa odino nalo lui lo mbaṟi iya yekewuto nyamenyi tsa mndu kui owoko.

WAEFESO 2:13

Indi wulalu ipfo Kristo-hu Yesu, nyo ili kacha muwei wa kuleshe momecha wa afui kui samu ya Kristo.

WAEFESO 2:3

Natso loose luwei chawo luweichumia lui na lango tsa nyama tsadu lochikupaya na wuitiki wo nyama na wo mahio, naso luwei wandu wapfulutsye nyashi kui mbaṟi cha walya wengi.

WAEFESO 4:17

Na wulalu kilya ngahamba na iṟingishya njikuwode na Mndumii nyi kikerikiile, ke mulakikuhendye cha wandu walaichi Ruwa wekekuhendya mhie yawo iwewa ya shindo sha melemele.

WAEFESO 4:22

Kuatuonyi mbikie fo wumndu wo kacha muwekupaye nawo kuwoka, nafo nyi fukeri ideka kui lango tsa wulembi.

WAEFESO 5:6

Mulawone mndu echimlemba na madedo ha wulya. Kipfa kya ishi nyashi ya Ruwa ikeri ichea wandu wa oleho.

WAEFESO 5:8

Kipfa kacha muwekeri meemenyi, wulalu mukeri sa kui ikulunga na Mndumii. Chumienyi mui wana wa sa,

WAEFESO 6:12

Kipfa ngapano iya ikeri yadu ilai yekapana na wawode samu na nyama, indi nyi yekapana na waapfinya na weduo shida na waitoṟi weitoṟya wuyana wo meema ifu na mumuyo ya wumbafu ikeri shi ya ruwehu.

WAKOLOSE 1:21

Nanyo ili kacha muwei mbaṟinyi njihenu kuleshe na Ruwa na ya kituwa nao kui mhio yanu yekuhamba mawutonyi halya hanu mawicho.

2TIMOTEO 4:10

Kyamba Demasi alenjida amhenda ikunda wuyana wu wo kiwulalu kahenda Tesalonyikye. Kiresike alehenda Galatia. Tito kawehenda Dalmatia.

YAKOBO 1:27

Wuindi wuharami wulafanyi oshangunyi lo Ruwa Wande wukeri wule, isenguda wana wangoeda na waka wa kusu iwa wai walise wukiwa na ikuṟisa ihenda fanytso nyi wuyana wu.

YAKOBO 1:7

Mndu amba adi ma nalahambe ke nyi echienengo kindo nyi Mndumii.

YAKOBO 4:4

Nyo wafunji wa wusangi, mulaichi ko, ke iwada mbuya na wuyana wu lyo liende kituwa na Ruwa? Kyasia ichu akunda iwa mbuya ya wuyana nyi akutana mkutuwa o Ruwa.

1PETRO 1:14

Mui wana wa Ruwa wawode wuindi, mlakioshe-se manyale lango njiwicho tsilya muwewode kacha lilya muwei watondo.

1PETRO 4:3

Kyamba kiheri kyashika na kamu iki kilemsia mandi muweiwuta shindo shilya wandu walaichi Ruwa wakundi. Muwehendekye kui wulala, na wumeluki, na wunanzi na wukuwu wo mlie na wo mnyoe na wuindi woindya maruwa ha wongo wutahachie wudi.

2PETRO 2:14

Meso hawo haichuo wuṟuhui, walaida wunyamaṟi. Wekyetuusa mrima ya wafafa ilai-mdamiṟe. Mrima yawo iichwo lango tsa masaa, wai wana wa oseso lo Ruwa.

1YOHANE 3:10

Nyihondo komanyika na pata iwa wai wana wa Ruwa na iwa wai wana wa Satana, orio mndu ose ada alawa mowuta wusumhanyi apaṟikye ko Ruwapfo ang'u alakundi manomae.

1YOHANE 3:8

Mokiwuta wunyamaṟi apaṟikye ko Satana, kyamba Satana akeri monyamaṟa wokia mawokyonyi. Kiletewa Mana o Ruwa kacha wuyana nyi kundu nafunje iṟunda lya Satana.

1YOHANE 4:4

Nyo, wana, mupaṟikye ko Ruwa mulemmaa iwinza waikimbi. Kipfa ichu akeri nanyo nyi ang'anyi kota ichu ai kunu wuyana mulemmaa iwinza waikimbi-wo wa wongo.

1YOHANE 5:19

Luichi ke so lupaṟikye ko Ruwa na wuyana wose wuu-wulaṟe nyi mbicho.

1YOHANE 5:4

Kyamba orio kii-kifee kipaṟikye ko Ruwa kikeri iwinza wuyana-wu. Na kiwinza kilya kyechiwinza nakyo wuyana-wu nyi mwidikye fodu.

OTAMBAHALUO LO YOHANE 12:9

Na molyimo fu fung'anyi fukakumbo wanda, nyiyo njoka iya njiku ekelaho nyi Mkumbi na Satana. Nyio mtandawushi motandawusha wuyana wu wose. Kashika ikumbo wuyana. Na wasu wake wakawekumbyo-ho handu hamu nao.

OTAMBAHALUO LO YOHANE 13:14

Na maṟiho aleenengo ihawuta oshangunyi lo indo lilya nyiho lyatandawusha naho walya wai iya wuyana lyechiwawia ke watane mfano fo indo lilya liwode kifaṟe kya oshu likawada-ho ikaa na moo.

OTAMBAHALUO LO YOHANE 13:8

Na walya wai iya wuyana wechihenda iliolokia wose iwo walai-waṟehie marina hawo kitapunyi kya moo wokia matika halya ha kidihina kilya kishinje.

OTAMBAHALUO LO YOHANE 16:17

Na malaika o mfungade kapusuya kitela kyake ipfo mumuyo-hu fo yoomuo. Ṟu ling'anyi lyikacha ipfo hekalunyi lichee ipfo kundu loṟika lo wuitori lukeri lyehamba, “Masiiyonyi hamcha!”

OTAMBAHALUO LO YOHANE 20:2

Kawada molimo fulya, nyiyo njoka iya njiku, nao nyio mtengeti ulya Satana, kampfunga maka kiku kimu.