WAEFESO 2:18 - Bibilia Kui Mdedie fo Kimochi

¹⁸ Kyamba nyio lumbode ai moluitsa na ko Ruwa so wa njora tsi tsiwi Wayuda na wa mkambo ingi kui Mumuyo chu umu.

WAEFESO 2:18 ပူးပေါင်းရင်းမြစ်များ

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

MATAYO 28:19

Kyasia kehendenying'u mukehaluo mkambo ya wandu yose wawe wa kiloshyonyi kyako muwewapatisya rina lya Wande na Mana na Mumuyo Mwele.

YOHANE 10:7

Nahong'u Yesu kawawiase, “Nyi lohi kya lohi ngamuwia, inyi nyi mongo fohenda kundo machondi hai.

YOHANE 10:9

Ngiṟi iya nyio inyi. Mndu aida napfo aidia koko nyechikiṟo na yanga napfo na iwuka napfo nawekoya na ura.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

WAROMA 5:2

Nao nyio aluinengye mtengele fulya foluduo ipfo kundo kuwode wutonga-wu wo Ruwa lukuilikishye nawo na ikuṟumisha kui owedi lowedya wuitoṟi wo Ruwa.

WAROMA 8:15

Kyamba nyi mulaleambya Mumuyo fo wusinga foamtsa-se lingi wuowu chi wudopfo, kya indi nyi muleambya Mumuyo o wuwana moluenenga ilaha; hoi Aba, hoi Wande.

1 WAKORINTO 12:13

Kyamba so lose lulempatisyo mbihu fumu kui Mumuyo umu, kiwe luui Wayuda ang'u kiwe lui Wagriki, kiwe lui masinga ang'u kiwe lui masumba. Nyi luiwarutsye Mumuyo chu umu so lose.

1 WAKORINTO 8:6

Kya indi so luwode Ruwa umu ai Wande. Nyio kimaenyi kya shose shii-ho na kiwuyonyi kyadu na ipfo koke. Luwode na Mndumii umu nyio Yesu Kristo. Kui mweke foke shindo shilemba shose, naso na kui mweke foke.

WAGALATIA 4:6

Indi ili mui wana kawemdikya mumuyo fo Mana oke ipfo ngoonyi tsanu kemfuhia, hoi Aba, hoi Wande!

WAEFESO 3:12

Na ipfo koke lukuwode lui na wutumbe wokushitsa-ho lochikusira kui wuhendeli wu woke.

WAEFESO 3:14

Nkyo kimaduma mkundie fo Kristo ngapfira ndi tsako oshangunyi lo Wande.

WAEFESO 4:4

Kwipfo mbihu fumu, kwipfo na Mumuyo fumu chando mui walahie mbedyenyi fumu fo ndaho yanu.

WAEFESO 6:18

Terewenyi orio kiheri mutaramo nyi Ruwa na shifuhyo sha orio mbaṟi yose, mochiterewa kiheri kyose muwodo nyi Mumuyo, Laenyi chowe mochiterewya wandu wa Ruwa wose kui matumatu na yomba.

WAKOLOSE 1:12

Mochiana kui sia Wande chu alelutsana lusumhanye ohawi lo kyoṟa Ruwa aleteseheṟia Wandu wake ipfo kidembonyi kya sa.

WAEBRANIA 7:19

Kukaitso-ho owedo lu ucha kota, lyo lyaluduo oshangunyi lo Ruwa.

YAKOBO 3:9

Na mweke folo lokeṟumisha mndumii na Wande, na mweke folo lokeruma wandu wai-wawike kui ofano lo Ruwa.

1PETRO 1:17

Nanyo ili muisenda Ruwa nyio Wande ichu ai modumbuya orio mndu ose mdumbuye isumhanye mawuto hake alechiambuya oshangu; Chumienyi ohendo lonu kiheri ki kitsuha mui wahenu mochiindia Ruwa.

1PETRO 1:21

Nyo mui-waenengye nyio mochiidikya Ruwa chu alemṟutsa wapfunyi kamsumba wuitoṟi. Nkyo kyatewa wuidiki wu wonu wurie na owedi lowedya Ruwa.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

YUDA 1:20

Indi nyo mui-wakunde mukuilikishe necha muwenyi ipfo wuidiki-hu wonyu wuele. Terewenyi muwodo nyi pfinya ya Mumuyo Mwele.