WAEFESO 2:16 - Bibilia Kui Mdedie fo Kimochi

¹⁶ Kundu wa njora tsi tsiwi nawawike mbika imu ii ya Kristo amonyi ya mndu mhya nawewaoloṟya wa njora tsi tsiwi Ruwa ipfo mbihu-hu fumu kui msalaba echiwaha na mweke fofo kituwa kilya.

WAEFESO 2:16 ပူးပေါင်းရင်းမြစ်များ

WAROMA 5:10

Kyamba kokoya lomhenda yoloṟyo Ruwa kui ipfa lya Mana-chu oke lilyandi luwei kituwenyi, nyi wuda kya ngoseṟa lochikaa luiwaringe ipfo kundo aitsinda na moo ili lui-waoloṟye ludi.

WAROMA 6:6

Kilya lukiichi kikeri kiile; ke wumndu wodu lui-wawike nawo, wo womaa ihenda ikapyo msalabe-hu kimu nao kundu mbihu-fu fuichiwie inyamaṟa fudi fuhende irumara so lulakisingye-se wunyamaṟi.

WAROMA 8:3

Kilya wunyamaṟi wulaweidima ili wuwei-wufafaṟe wudi nyi nyama, nyio Ruwa alekiwuta. Kechiduma Mana-chu oke amonyi, awa mfano fo nyama chaso tsirie wunyamaṟi, na kitewe alemduma na kya wunyamaṟi, kawonya wunyamaṟi-wu wukuwode ipfo nyamehu owingo.

WAROMA 8:7

Kipfa shilya nyama-tso tsekekuelengya shiende kituwa na Ruwa kyamba tsilaindye wuwawaso wo Ruwa madu, manya tsilaidima iwuta tsido.

1 WAKORINTO 10:17

Kyamba mkate nyi fo fumu, naso lufoi li mbihu fumu, kyamba so lose luihawyo mkate fulya fumu.

WAGALATIA 2:20

Wulalu-le chio inyi njikukerye-se na moopfo, kya indi mokaa na moo kui mbikye foko nyio Kristo. Moo fu fo nyamenyi njikikeri-se nafo njifurie njikuwode na Mana o Ruwa nao nyio anjikundi katana akudambikya opfunyi enkaya-pfo inyi.

WAEFESO 2:15

Na ipfo mbihu-hu foke kawewuta nafo wuwawaso wulya wuwei wo mawiko ha wuitiki echiitsa-pfo ofoṟo.

WAEFESO 3:6

Kyehamba ke wa mkambo ingi waengeṟyo kyoṟenyi na mbihu-hu kimu na Wayuda osengenyi lo kiteṟyo kilya kikuwode na Kristo Yesu kui Ndumi ya Sia ya okiio.

WAEFESO 4:4

Kwipfo mbihu fumu, kwipfo na Mumuyo fumu chando mui walahie mbedyenyi fumu fo ndaho yanu.

WAKOLOSE 2:14

Nyi aleangatsa kiṟehio kilya kiweekiṟehie kui owoko kiwei sile hima yadu, nkyo mawiko halya nakyo kiweluanduya kakiwuta ipfo kiidi echikikapya msalabenyi.

WAKOLOSE 3:15

Na ofoṟo lo Kristo luchilie ngoo tsanu, ilu mui walahie kyalo muwe mbihu fumu. Nkyo kimnenge mochimwaana.