WAEFESO 2:15 - Bibilia Kui Mdedie fo Kimochi

¹⁵ Na ipfo mbihu-hu foke kawewuta nafo wuwawaso wulya wuwei wo mawiko ha wuitiki echiitsa-pfo ofoṟo.

WAEFESO 2:15 ပူးပေါင်းရင်းမြစ်များ

WAKOLOSE 2:14

Nyi aleangatsa kiṟehio kilya kiweekiṟehie kui owoko kiwei sile hima yadu, nkyo mawiko halya nakyo kiweluanduya kakiwuta ipfo kiidi echikikapya msalabenyi.

WAGALATIA 3:10

Indi walya wewinya mawiko halya wo wekaa shi ya oseso. Kyamba kii kiṟehye ke orio mndu ose alechikaa na shilya shii shiṟehye kitapunyi kya mawiko nawe moshiwuta o naseso.

WAEBRANIA 8:13

Ili indi ahambye, luhya, nyi alekuṟa lulya lo kuwoka. Indi kilya kii kikuṟe kiikifoye wuku kyo kiitikirie afui na ihenda saramaya.

WAKOLOSE 3:10

Muṟae na wumndu wuhya; echiwiko kui wuhya nyi Ruwa, momuumba. Mfano fo mtsanyi oke kundu nammanye necha Ruwa.

WAKOLOSE 2:20

Kokoya momepfa hamu na Kristo ipfa lyemletsa na pfinya tsa waṟufu wechilia wuyana-wu. Nyi kili muichumiase cha ili mui-se wa wuyana?

WAGALATIA 6:15

Kipfa manya mbika ii injidine manya ii ilai njidine ikeri kindo shila mbika ii njihyapfo.

WAGALATIA 3:28

Nkwipfo-se kohambo, ichu m Myuda na ichu m Mgrikipfo, ma isinga na isumba, ma msoṟo ma mkapfo. Kyamba nyo mui wamu mose mulunganyi na Kristo.

WAEFESO 4:16

Ipfo kofo mbihu fu fose fukuwutya-ho ikaa fuu mpfungananyishe fui msanze foende-ho yalukya lya mbihu kui orio mpaye ya mwengeṟia fusumhanye wuitiki wuu wuhawye orio kilungo kimu kyose ya ikuhelwo fumenyi kui kikunda.

2 WAKORINTO 5:17

Nkyo kyaenenga kokoya mndu ai Kristo-hu nyi amba mbika njihya; sha kacha shamesia, ate shose shamhenda ilawuka.

WAEBRANIA 7:16

Alawewa adi kui owiko loliwawasya na njia ya kii-nyama, kya indi kawewa adi kui pfinya ya moo fulechipaṟakana.

WAEBRANIA 9:23

Nkyo kyaitika ke ili mfano iya ya shindo shii maruwehu yakunda iilisho idi, shilya sha maruwehu shii shenyi shikundi shidaso shiidimikye kota shilya.

YESAYA 9:6

Kipfa kyadu lomefeeyo kimana, Lomeinengo mana o womi; Na pfinya ya wumangi ikeri makosohu hake Namdumbuye rina lyake, “Menyi chile” “Ruwa menyi pfinya,” “Wande o mlungana,” “Mangi ya Ofoṟo.”

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAEFESO 2:14

Kipfa nyio ai ofoṟo lodu msanzi mosanza Wayuda na wandu wa mkambo ingi wawe wamu kedmya mfo fulya fuwei tunja fuwewika kituwa kilya.

WAEFESO 2:16

Kundu wa njora tsi tsiwi nawawike mbika imu ii ya Kristo amonyi ya mndu mhya nawewaoloṟya wa njora tsi tsiwi Ruwa ipfo mbihu-hu fumu kui msalaba echiwaha na mweke fofo kituwa kilya.

WAKOLOSE 3:11

Mpfondo kulawode ai Mgriki na Myuda, mdine na alamdine, o mtsudu na o nuka, isinga na isumba, indi shose nyi Kristo, o akuwode nasho shose.

WAKOLOSE 3:15

Na ofoṟo lo Kristo luchilie ngoo tsanu, ilu mui walahie kyalo muwe mbihu fumu. Nkyo kimnenge mochimwaana.