WAEFESO 2:11 - Bibilia Kui Mdedie fo Kimochi

¹¹ Kusaṟenyi, ke ili kacha muwei mkambo ya wandu wai nyamenyi, muwesendo mulai wadine nyi wayuda wekyekuhamba walya wa odino nalo lui lo mbaṟi iya yekewuto nyamenyi tsa mndu kui owoko.

WAEFESO 2:11 ပူးပေါင်းရင်းမြစ်များ

EZEKIELI 20:43

Kipfa kya ikyo, nyi mochihenda ikumbuo mawuto hanu mawicho muwewutie halya halemufanyiṟa, naho hechimwendie wusutsu,

EZEKIELI 36:31

na ilimandi mochikumbuo mchumie yanu mmbicho na mawuto hanu mawicho, nyi mochihenda ikusuo nyo muwenyi kipfa kya mawicho ho hanu muwewutie.

MATAYO 20:7

Wakambia, “Nyi ili lulawona molupfula kya iṟunda.” Kawawia, “Kewehendenyi nanyo alya demehu lya msabibu.”

WAROMA 11:17

Indi komkoya maṟamba halya maata-ho ha msinepfu mcha halepahuo handu halya kukadongio ho iṟamba lya msinepfu fongeṟenyi. Kowa malungyo-ho na mru fo na malenda ha msinepfu,

WAROMA 2:26

Kokoya nyi wudo kii na ichu alai mdine kawa moringa shilya shii shiwawase nyi wuwawaso, nechiwa cha ili amdine.

WAROMA 2:27

Na ichu moawutsya uwawaso alai-mdine nyame-hu nyi echikuwonya owingo iyo owa motahachya wuwawaso na ukukerye na mṟeho fulya na odino ma chandu walai wadine.

1 WAKORINTO 12:2

Muichi lyandi muwekeri wahenu nyi mowekedao ko mfanano ilawode mdedye cha ili mokuruo-pfo.

1 WAKORINTO 6:11

Na wa mbaṟi itsi muwekeri maata wanu. Kya indi momesanjo. Kya indi momeilisho. Kya indi momesumhantso kui rina lya Mndumii Yesu Kristo na kui Mumuyo o Ruwa odu.

WAGALATIA 2:15

Kya wumndu wodu so lukeri wa Kiyuda lulai wanyamaṟi wapaṟikye ko mkambo ya wahenu.

WAGALATIA 6:12

Iwo wakundi ichihiana na wengi kui nyama tsawo niwo waimuitika muhende idino, kundu walashike iterengyo kimaduma kya msalaba fo Kristo. Nkyo tupu.

WAEFESO 2:2

Muwehendekye mukuwode naho kui wuitiki wo wuyana wo kiiwulalu kya wuyana wu na wo moapfinya aiapfinya mumuyonyi, nyio moweṟu ulya echikupaya na wandu walaidikye na wulalu da.

WAEFESO 5:8

Kipfa kacha muwekeri meemenyi, wulalu mukeri sa kui ikulunga na Mndumii. Chumienyi mui wana wa sa,

NGUMBUO YA MAWAWASO 15:15

Kumbuonyi ke nyo muwei masinga kulya Misri na Mndumii-Ruwa, Ruwa onu, nalemutalaa; nkyo kitewe inu ngamuwawasa njido.

NGUMBUO YA MAWAWASO 16:12

Mukumbuo ke muwei masinga kulya Misri; ko ikyo muambuye necha ihendelia mawawasoha.”

NGUMBUO YA MAWAWASO 5:15

Kulahadime ke iyo nowei isinga kulya orukenyi lo Misri, na inyi Mndumii-Ruwa, Ruwa opfo, ngakuwutapfo kui owoko luwode pfinya na wuidimi. Nkyo kimaduma inyi Mndumii-Ruwa, Ruwa opfo ngakuwawasa noindie mfiri fo mfungade.

NGUMBUO YA MAWAWASO 8:2

Kumbuonyi chandu Mndumii-Ruwa, Ruwa onu, alemuteteṟa kulya kyaṟonyi kileshe; ikyama kulya nuka ko makayo makumi haana, kundu namutiichie na imuhesha namanye isho muweiikusaṟa mrimenyi yanu, kokoya muweiwada mawawaso hake ang'u ote.

NGUMBUO YA MAWAWASO 9:7

“Kumbuonyi manya mulahadime chandu muledosa Mndumii-Ruwa, Ruwa onu nyashi kulya nuka. Wokia mkonu mulekure orukenyi lo Misri tane mkonu mulepfulutsa na mulewamonyamaṟia Mndumii-Ruwa.

WAFILIPI 3:3

Kyamba odino lulya nyi lodu so lokewikya Ruwa wuindi kui Mumuyo lukakuichika kui Kristo Yesu lulechikusirya na nyama tsa mbihu.

WAKOLOSE 1:21

Nanyo ili kacha muwei mbaṟinyi njihenu kuleshe na Ruwa na ya kituwa nao kui mhio yanu yekuhamba mawutonyi halya hanu mawicho.

WAKOLOSE 2:11

Ili mlekulunga na Kristo muledino kimu nao, odinonyi lulali lo wandu lowuta-ho kinyama kya mbihu, nyi odino lo Kristo amonyi kui iletso lyiwukye Wumdunyi wo wunyamaṟi.

WAKOLOSE 2:13

Kawemtana nanyo muwade moo fumu kimu nao nyo muwei wapfu kui manyamaṟo na kui wundaka wo nyama tsanu echimhoṟya manyamaṟo hanu hose.

WAKOLOSE 3:11

Mpfondo kulawode ai Mgriki na Myuda, mdine na alamdine, o mtsudu na o nuka, isinga na isumba, indi shose nyi Kristo, o akuwode nasho shose.

1SAMWELI 17:26

Dawidi kawesa walya wawei kufui nao, “Ngesa, mndu echiwaha Mfilistichu na iwuta Waisraeli wusutsu wo mbaṟi ii nechiinengo kiki? Nyiu Mfilistichu mndu alamdine, akaria iruma machekeṟo ha Ruwachu menyi moo?”

1SAMWELI 17:36

Inyi mṟundi opfo njilemewaaha mwiso ifoi na ngaṟe tsifoi. Wulalu ma Mfilisticho alamdine msa alemeruma machekeṟo ha Ruwa menyi moo, nechiwa chaho.