WAEFESO 1:7 - Bibilia Kui Mdedie fo Kimochi

⁷ Nyio lukuwode nao ai ndalai kui samu yake awewa mhoṟye fo mafurunjo fuidikyanyi na mfeṟa fo wutonga woke.

WAEFESO 1:7 ပူးပေါင်းရင်းမြစ်များ

YOBU 33:24

Naalyo ekembonyia isaṟia, na ihamba, Mringe nalaoloke ṟungunyi. Inyi ngambonyia okiṟo.

SHIIMBO SHA DAWIDI 130:4

Kyaindi kopfo kuwode mhoṟie, kundu iyo nooweshe.

SHIIMBO SHA DAWIDI 130:7

Iyo Israeli, wedia Mndumii; kyamba ko Mndumii kuipfo osaṟio, na koke kuipfo okiṟo lufoi.

SHIIMBO SHA DAWIDI 86:5

Kyamba Iyo, Mndumii Ui mcha, nokuṟeheṟie ihooṟia, noichuo osaṟio. Ko wandu wose wekyekulaha.

IWUKA 34:7

ekeichio makulili wandu shiku shiku, ekehoṟia wuwicho na madeko na wunyamaṟi; manya ekeitalia mndu mmbicho ke nalawode mti manyalepfo; msa eketaa wana kiṟache kya wuwicho wo wandeawo, na wachuku na njukuṟi daa, tane ufee wo kaṟaṟu na wo kaana.

YESAYA 43:25

Indi nyi inyi njekehooṟia wunyamaṟi, na madeko hapfo kipfa kyako njimonyi ma njechikumbuo-se wunyamaṟi wopfo-pfo.

YEREMIA 31:34

Ma kechiwa iloshana wehamba manya Mndumii-Ruwa pfo, kipfa wose watutu na wang'anyi wechinjimanya inyi Ruwa. Kipfa njechiwahoṟia madeko hawo, ma njechikumbuo se manyamaṟo hawo pfo.”

DANIELI 9:19

Hoi Mndumii-Ruwa uadanyie, hoi Mndumii-Ruwa, uhooṟie; hoi Mndumii-Ruwa uicho, uwute, kulakeleo, kipfa kyapfo iyo, Hoi Ruwa oko; kipfa kya mṟi fopfo na wandu wapfo wailaho kui rina lyapfo.

DANIELI 9:9

Osaṟio na ihoṟio lyii ko Mndumii-Ruwa odu ma chandu lulemdekio;

YONA 4:2

Katerewa Mndumii kahamba ngakuterewa, “Hoi Mndumii; chi wudo njilehamba lilya mbekukerie orukenyi loko? Nkyo kitewe ndedichia Tarshishi, kipfa njiichi ke iyo nyi Ruwa menyi osaṟio, nyi ui mhoo, uwode nyashi ya kitusu pfo, nokeilacha mahiyo na ihooṟia wandu.

MIKA 7:18

Hoi Ruwa, nyiu ai cha iyo? Iyo nohoṟia wunyamaṟi wo wandu wapfo waletsuhaa, manya ochiambuya se madeko hawo pfo. Nyashi yapfo yekeaka mlungana pfo, kyaindi nokundi mnu iluloṟa woloru wopfo.

ZEKARIA 13:1

Kiidi kya mkonu fo, wandu wa mba ya Dawidi na wenyi mṟi fo Yerusalemu, wunyamaṟi wowo na ngafu shechisanjo nyi soka ya mṟinga.

ZEKARIA 13:7

“Mndumii menyi Matorito nahamba; kure iyo oshu, kure nokape mlisi oko, mlisi ekenjiṟundia, kapa mlisi o machondi na machondi harahanyike. Njechihoṟwo owoko loko njikape wandu wafafa.

ZEKARIA 9:11

Na kui mbonyi tsapfo iyo na kipfa kya samu ya mkundano fopfo, ngawuta wapfungo wapfo kulya ṟungunyi lyilawode mṟinga

MATAYO 20:28

Na chando Mana o mndu alalecha kunu kepfuṟukanyo, nyi kundu o napfuṟukane-ho naweinengya-ho na moo foke fuwe ndalai yetalaa wafoi.”

MATAYO 26:28

Iki nyi samu yako ya mkundano mhya ikeri yolo kipfa kya wandu wafoi kya ihoṟyo nyonjamaṟo.

MATAYO 6:12

Uludeye sile tsṞafo luwode, chaso luwedeya wasile wadu.

MARIKO 14:24

Kawawia, “Iki nyi samu yako iṟingishia mkundano fo Ruwa; samu ikeri ipusuo kipfa kya wandu wafoi.

LUKA 1:77

Nokeinenga wandu wake wulaanyi womanyia okiio; ili wechileheṟo manyamaṟo hawo.

LUKA 24:47

Numa wandu wa mbaṟi tsose tsa masanga waongoyo rina lyake wadumbuye, waidime ihoorio manyamaṟo. Nasho shiwoke Yerusalemu.

YOHANE 20:23

Wesa mochiwahooṟya njonyamaṟo tsawo wametsihooṟyo, na wesa mochiwapfungiṟya njonyamaṟo tsawo wametsipfungiṟyo.”

MAWUTO HA WASU 10:43

Nao ichu waikimbi wamhambye kya iṟingishya lyawo wose ke orio mndu amwidikye nyi echiwonyo mhoṟye fo wunyamaṟi kui rina lyake.”

MAWUTO HA WASU 2:38

Petro kawawia, “Dumbuyenyi, na orio umu nahende ipatisyo rina lyo lya Yesu Kristo lyembonya mhoṟye fo njonyamaṟo tsanu mushike yambya kimasyo kya Mumuyo Mwele.

MAWUTO HA WASU 20:28

Kekuṟisenying'u nyo muwenyi, mbelisa na ipoo lyose ilyo Mumuyo Mwele ambikye kiidi kyalyo wakaṟa kundu mochilisa wuarya siṟi ii ya Ruwa alekuwonya kui samu ya Mana oke amonyi.

MAWUTO HA WASU 3:19

Dumbuyenyi muilachike mrima yanu kundu njonyamaṟo tsanu tsiwuto-ho.

WAROMA 2:4

Ang'u ngesa upiṟye wuwongoya woke na wutsitsa na wuleeli wufoi wudi kulamanye ke wucha wu wo Ruwa wokuitika udumbuye umhalukie kui mrima?

WAROMA 3:24

Nyi wai-watane wahoṟotsu ki wutonga woke walawewika-ho kindo likawa na oletso lulya luleendo nyi Kristo Yesu.

WAROMA 3:25

Nao nyio Ruwa alemtana njoko yeoloṟa mondu fulya, iwe kui samu yake ko iwo womemwidikya. Nalewuta ado kundu namanyishe wuhoṟotsu wu woke na kya mwidyo fulya aweidya matahachyo halya ha kacha mwidyo.

WAROMA 9:23

Nyi kundu nawemanyishya-ho mfoe fo wuitoṟi woke alya shihie-hu shirio nyi wutonga woke isho alesonguo ishiteseheṟya wuitoṟi wulya.

1 WAKORINTO 1:30

Na ipfo koke kwenyi kimaenyi kyanu kikeri ili mui Kristo-hu Yesu, nyio amelutaanyo nyi Ruwa wuṟango na wuhoṟotsu na wuiilisho na oletso.

2 WAKORINTO 8:9

Kyamba muichi ngata ya Mndumii odu Yesu Kristo irie wutonga woke, nyi ili awei msuṟi adi kahenda haluka mkiwa, kundu nyo ipfo wukiwenyi woke mukuwutie-ho iwa wasuṟi.

WAEFESO 1:14

Nao ai mbetesa ya kyoṟa kyadu motalaa walya wawode menyi, kundu wuitoṟi woke wuwikyo kiṟumi.

WAEFESO 1:18

Nao nawe moitsa sa ipfo ngoonyi tsanu kundu mumanye kilya kyakunda iwedyo kimcheye na ndaho yake muwemanya mfeṟa fo wusuṟi wo wuitoṟi wo kyoṟa ateseheṟye waele.

WAEFESO 1:6

Kundu wutonga wo wusuṟi, woke iwo alelusumba kui mkunde oke wuhende iwikyo kiṟumi.

WAEFESO 1:8

Nawo nyiwo alewulufeṟya kui wuṟango na wutichi wose.

WAEFESO 2:4

Indi o Ruwa molunga isaṟia ili awelukundi na mkundie fung'anyi fudo.

WAEFESO 2:7

Nyi wudo aleloṟa wandu wa maheri halya haitikiria mfeṟa welu fo wutonga woke kui wucha iwu ailuwutya so lui walungye Kristo Yesu.

WAEFESO 3:16

Kundu kui kisumbyonyi kya wuitoṟi woke namwenenge muhende iṟamtsyo pfinya ipfo wumndunyi wo kya mba kui Mumuyo oke.

WAEFESO 3:8

Inyi njii mtutu o wandu wose wa Ruwa. Indi njimwinenge wutonga wu woongoya wa mkambo ingi Ndumi ya Sia ya wusuṟi wo Kristo iwu wulawa itumo,

WAFILIPI 4:19

Na Ruwa chu oko echimsumba nyo ishi muwuṟye shose kui wusuṟi woke womanyisha wuitoṟi wu wui na Kristo Yesu.

WAKOLOSE 1:14

Lui nao lukuwude na ndalai, mfo mhoṟie fo manyamaṟo.

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

WAKOLOSE 2:13

Kawemtana nanyo muwade moo fumu kimu nao nyo muwei wapfu kui manyamaṟo na kui wundaka wo nyama tsanu echimhoṟya manyamaṟo hanu hose.

WAKOLOSE 2:2

Njiiṟunda njidi kundu ngoo tsawo tsihendekarisho tsilungana kikundenyi tsiwefeṟyo mfeeṟa fo welu ya wutiichi wose wo imanya kyama kikoome kya Ruwa nkyo Kristo amonyi.

1TIMOTEO 2:6

Nyio ichu alekudambika-ho amonyi ndalai ya italaa wandu wose ihendeṟingishyo ili indi maheri hayo halemshika ikoyo.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

TITO 3:6

Ichu alemlusumba echimfeṟa na mweke fo Yesu Kristo mkiṟi odu.

WAEBRANIA 9:22

Kala nyi kufui shindo shose shekeilisho na samu woidikya wuwawaso; na shila samu yapusuo kowonyo mhoṟyepfo.

1PETRO 2:24

O amonyi kasanzya mbihu-hu foke manyamaṟo hadu kahadosya msalabehu hamu nafo, kundu so lukae lui waletsane na manyamaṟo lukapye moo foṟundya wuhoṟotsu. Nyi ichenje lyake lilemchiṟa.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

1YOHANE 2:12

Njikeri imṟehya nyo mui wana kipfa mui wahoṟye manyamaṟo kui rina lyake.

1YOHANE 2:2

Nao Kristo menyi akeri njoko iinjiwike kya manyamaṟo hadu, indi chi kya njonyamaṟo tsandu tupupfo, na kya wunyamaṟi-wu wo wuyana wose.

1YOHANE 4:10

Hando mkundye fukukerye-ho chi kodu cha ili so luwekundi Ruwapfo, kya indi nyi koke ili o amelukunda kaduma Manoke kamtana njoko yeoloṟa manyamaṟo hadu.

OTAMBAHALUO LO YOHANE 14:4

Nyiwo iwo walawekuterefutsye na imelukameluka wawekaa wakeha. Nyiwo wekeoshana na Kidahina ki orio hando kihenda. Nyiwo wametalao ipfo wandunyi wakasonguo italayo-ho Ruwa na Kidahina ki.

OTAMBAHALUO LO YOHANE 5:9

Nawo wakaimba kiimbo kiihya kehamba, “Iyo usumhanyi yambya kitapu ki na ifunja mhuri yakyo kipfa nyi kuleshinjo kowetalaya Ruwa wandu kui samu yapfo wapaṟikye orio mpaṟikie na mdedye na mbaṟi na mkambo.