WAEFESO 1:5 - Bibilia Kui Mdedie fo Kimochi

⁵ Nyi ikunda ili aleluteseheṟya wuwana wo koke amonyi kui Yesu Kristo chando kiwechihianyi na mhie foke.

WAEFESO 1:5 ပူးပေါင်းရင်းမြစ်များ

YEREMIA 3:19

Kyaindi na inyi njilewehamba, Israeli, njechiidima njida imuwika kimu na wana, na imuinenga oruka lui lucha, kyora kicha kya wandu wa mkambo na inyi ngahamba mochinjilaha, “Ndeako,” Mochida mulanjioshapfo.

YEREMIA 3:4

“Ngesa wokia wulalu chi ochinjifihiṟia, ‘Hoi ndeako, iyo nyi msongoru oko wokia wukoho woko?’

DANIELI 4:35

na wose waikunu wuyana wai watale chi kindopfo; nao nekewuta chando akundi ipfo ruwehu na kunu orukenyi, kuipfo manya umu echiidima iima owoko lokepfo, ma imbesa, ‘Nkiki uiwuta iyo?’”

HOSEA 1:10

Kyaindi wandu wa Israeli wechifo cha msanga fo ipalyipalyi, sa fulechiidima ihesho ma iitalo. Wulalu Ruwa nakeri muwia, “Nyo chi wandu wako-pfo,” kyaindi kuwode mkonu fuicha sa echimuwia, “Nyo nyi wana wa Ruwa ai Huye!”

MATAYO 1:25

Indi Yosefu ma nalakuwashe nao itane afee mana o womi; kamlaha rina lyake nyi Yesu.

MATAYO 11:26

Na wudo kikeri-wo, hoi Wande, nyi kipfa kiwekuchihie kihende kido.

LUKA 10:21

Saa iya iya kakeseka kui Mumuyo Mwele kahamba, “Ngakuana Wande, ui Mndumii menyi ruwehu na oruka, kipfa ili mbonyi-tsi utsiṟikie iwo waṟango na iwo waṟamtsu, kowuya idambuya shikoku; ee-wo Wande, na kiweekuchihie kihendeke kido.”

LUKA 11:32

Wandu walya wa Nyinyiwe nyi wechikaa wahoṟoke mondunyi hamu na kishari-ki, wakiwinge; kipfa mrima yawo iletau ikamanya mwongye fo Yona, na kya ngoseṟa kota Yona aiki!”

LUKA 12:32

“Ma mlawone mochiowuo nyo poo itutu; kipfa nyi kilechihia Ndeyanu imuinengia-nyio wumangi-wu.

YOHANE 1:12

Indi iwo walemwambya na imwidikia kawaenengya wulimbi wo itano wana wa Ruwa wose.

YOHANE 11:52

Ma chi kyekiṟa mkambo fu fo wandu tupupfo kya indi kundu na wana wo wa Ruwa wanyanyaṟikye wo nawasanze wawe wamu.

YOHANE 20:17

Yesu kambia, “Ma kulawone koikuwasha na inyi. Kipfa ili ndamekudoya na kulya ko Wande. Kya indi uhende kulya ko wanawawama nowawie, Njikudoya na ipfo ko Ndeyako nao Ndeyanu na ko Ruwa oko nao Ruwa onu.”

MAWUTO HA WASU 13:48

Wandu wa mbaṟi njihenu wekiicho wado wakachihio wakaichika idedo lya Mndumii wakaidikya nawo nyiwo iwo wawemteseheṟyo moo fu fo mlungana.

WAROMA 8:23

Manya chi shiwumbe shi tupupfo, kya indi naso luwenyi lui na Mumuyo chu, ili luwode mbetesa iya ya Ruwa lutano wana ipfo matalayonyi ha mbihu fodu.

1 WAKORINTO 1:1

Inyi Paulo njii msu o Kristo Yesu njiimsambuṟe njido kui kyama kya Ruwa, so na Sostene manowama.

1 WAKORINTO 1:21

Cha kipfa ipfo kundo wuyana wu wulawemanya Ruwa kui wuṟango wowo nyi kuwewode wuṟango wo Ruwa kikachihiana na Ruwa ikiṟa waidiki kui mwongoye fusolongi.

2 WAKORINTO 6:18

E-wo njechimbiia Wande nanyo mochinjiwiia wana wako wa nguo ii na ii. Lyo nyilyo Mndumii ahambe ai menyi-pfinya tsose.

WAGALATIA 3:26

Nanyo mose mui wana wa Ruwa kui wuidiki wu wokusirya na Kristo Yesu.

WAEFESO 1:11

Ipfo koke mpfo kundo naso lomewonyo-ho kyadu luwesongwo isambuṟo nyio kui mteṟie fusumhanye ichu mowika shose kui chila ya mhie foke.

WAEFESO 1:9

Echilutambahaluya kyama kikoome kya mhie yake kechidumbwo ado ipfo koke amonyi.

WAFILIPI 2:13

Kyamba nyio Ruwa aitana kimu nanyo iteseheṟa na iṟunda shilya shichihianyi.

WAKOLOSE 1:19

Kyamba Ruwa amonyi aledumbuo ke Mana nawode mfeṟa fo kiruwa fose fukukaye nao.

2WATESALONYIKYE 1:11

Nakyo nyikyo kimaduma luimterewya kiheri kyose. Kundu Ruwa odu namsumhantsie ndaho ii naweawutsya chila yose ya wucha na iṟunda lya wuidiki kui pfinya.

WAEBRANIA 2:4

Luwerianyi na kiṟingishyo kii kiwike nyi Ruwa kui shichano na maṟiho na pfinya tsa mbaṟi tsifoi na mahawio ha Mumuyo Mwele shisumhanye mkundie foke.

1YOHANE 3:1

Ambuyenyi kunda lya Ruwa chando ling'anyi, likaluenenga lusendo wana wa Ruwa, na lui wana. Nkyo kimaduma wuyana wu wulalumanya so, kipfa wulalemanya Ruwa.

OTAMBAHALUO LO YOHANE 21:7

Mndu ose echiwinza echikudaya kyoṟa kyake, nao inyi njechiwa Ruwa oke nao echiwa manoko.