WAEFESO 1:4 - Bibilia Kui Mdedie fo Kimochi

⁴ Nakyo kihianyi na kilya kilemnenga alelusambuṟa kimu nao matika halya wuyana wu wulandewiko kundu lukae waele lulawode mti ipfo oshangunyi loke.

WAEFESO 1:4 ပူးပေါင်းရင်းမြစ်များ

2SAMWELI 22:24

Njiwewode mti osehu lokepfo, njilekuṟisa na wunyamaṟi.

SHIIMBO SHA DAWIDI 135:4

Cha kipfa Mndumii nalekusambuṟia o Yakobo, na Israeli, wawe wandu wake nakamu.

YESAYA 42:1

Ambuya mṟundi oko njimhoṟotsie; msambuṟe oko, ichu mrima foko fuifuchihiṟe nyio; njiwikie Mumuyo foko huyake; nyio echianduya wandu wa mkambo.

WALEWI 19:2

“Wia mkambo fose fo Waisraeli kudi: Nkimuwaṟi muwe waele kipfa Inyi Ruwa Menyipfinya, Ruwa onu njii mwele.

WALEWI 20:7

Ko ikyo kudambikienyi ko Mndumii-Ruwa Ruwa muwe waele; kyamba Inyi njii Mndumii-Ruwa, Ruwa onu.

MATAYO 24:22

Na mafiri halya nokoe halawechiwihiṟowihiṟo numa hanyienyie, ma orio kindo kii na mbihu kyose kiwechiwona-se handu kechikiṟyopfo. Kyaindi nyi kipfa kya iwo wai wasambuṟe nyi kyondo mafiri halya hechiwihiṟyo-wihiṟiyo numa.”

MATAYO 24:24

Nyi kipfa kochikurepfo Wakristo wa wongo na waikimbi wa wongo. Waweloṟa-ho na mawuto manene ha kiṟingishyo na ha kiṟiha. Nyi kundu watewe na iwo wai wasambuṟe nokoe nyi kiwechiwa.

MATAYO 24:31

Nao naweduma wasu wake wa ruwehu wahende na ṟu ling'anyi lya membe na iwo wake akusambuṟye wawewasanya kundu kumu, wawawute kundu ko njotanu tso tsi tsiina wawoke ora lu lo ruwehu kundu lutsitsye washike lulya lungi kundu lutsitsye.”

MATAYO 25:34

Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko.

YOHANE 10:16

Njiwode na machondi hengi-se halakeri ha mfiṟihafu. Kyaho nangaki na njihaende naho. Naho na hecheicho ṟu lyako. Naho kochikaa-ho ipo limu tupu na mlisi na umu mfi.”

YOHANE 15:16

Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

YOHANE 17:24

‘Hoi Wande! Kya walya ulenjinenga, ngakunda ke wakae handu hamu na inyi ipfo kundo njikeri kundu wawone wuitoṟi wulya kulenjiinenga kui ikunda lyapfo uwenjikundi wokia wuyana wulawemeumbo.

MAWUTO HA WASU 13:48

Wandu wa mbaṟi njihenu wekiicho wado wakachihio wakaichika idedo lya Mndumii wakaidikya nawo nyiwo iwo wawemteseheṟyo moo fu fo mlungana.

MAWUTO HA WASU 15:18

Nakyo kimanyikye ke kii kido matsi mawokyonyi ha wuyana.”

MAWUTO HA WASU 18:10

Kyamba inyi njikeri na iyo. Ma kuipfo echikupaya na ikulisa wukiwopfo. Cha kipfa inyi njiwode wandu wai wako sa weengi kunu mṟinyi ifu.”

WAROMA 8:33

Ichu echianduya iwa wai-wasambuṟe nyi Ruwa nyi wu? Ruwa aiho awa mletsi!

1 WAKORINTO 1:8

Nao nyio echiwa momkapya owanzo itane masiiyonyi mulawonyo tewe mkonu fulya fo Mndumii odu Yesu Kristo.

WAGALATIA 5:13

Nyo mui walahe kundu mochikuachia muwenyi, wanawawama. Ikuachia lyo manya lilawe lyewikya mbaṟi ya kii nyama pfinya, kya indi muhoneryane muwenyi na wenyi mochikundana.

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

WAGALATIA 5:6

Cha kipfa ipfo Kristo-hu mbikye fochiapfinya-ho chi ifu fo mndu kokoya ai mdine ang'u alai mdinepfo, indi nyi ifu fo wuidiki wokusirya na Kristo wochikuhamba kui makundano.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAEFESO 3:17

Kundu Kristo nakape kanyi koke ipfo ngoonyi tsanu kawe kui wuidiki mochikaa mokapya mri ipfo kiwanjenyi kilya kii kikunda.

WAEFESO 4:2

Mchumie fu fuwade ikunyiṟa lyose na woloṟu wose na mununyie fose mochidaṟana muwenyi na wenyi kui kikunda.

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

WAEFESO 5:27

Kundu naihoṟotse oshangunyi loke amonyi ikeri siṟi ya kiṟumi ilawode mlesi ma paṟi ma ki kya shindo cha isho indi kundu iwe njele.

WAFILIPI 2:15

Kundu muwe watechi na wasalari mui wana wa Ruwa walawode paṟi kiidi kya mbaṟi ya wandu ilee kipfuṟi ipfulukye, ipfo kiidi kyawo muiwaa cha nyenyeri tsii aa wuyana.

WAKOLOSE 1:22

Indi kui opfu lo Mana oke awei na moo iya wuyana; Wulalu Ruwa amembuta owingo ipfo mbihu-hu fo nyama Ruwa amemusanza nao kundu namhoṟotse oshangunyi loke mui waele, wecha mulawode tewe manya imwanduya.

WAKOLOSE 2:2

Njiiṟunda njidi kundu ngoo tsawo tsihendekarisho tsilungana kikundenyi tsiwefeṟyo mfeeṟa fo welu ya wutiichi wose wo imanya kyama kikoome kya Ruwa nkyo Kristo amonyi.

WAKOLOSE 3:12

Nanyo ili mui wasambuṟe wa Ruwa waele na wakunde wake Ruwikyenyi wucha woichio mndu wukiwa kui ngoo na wukesi, wo oshangu na ikunyiṟa na wuhoo na woloṟu.

1WATESALONYIKYE 3:12

Na Mndumii namwengeṟye kikunda kyekundana muwenyi na wenyi na ikunda wose nakifeṟe mnu kimu na kilya so lumkundi na kyo.

1WATESALONYIKYE 4:7

Kyamba Ruwa alelulahia ngafupfo kya indi kawelulaha kui wuilishi.

2TIMOTEO 1:9

O nyi alelukiṟa, kalulaha luwe wandu wake; ndaho njele. Kimtewye chi mawuto hadupfo; kyaindi nyi kyama kiwei kyake amoonyi na wutonga wulya alelusumba kiidi kya Kristo Yesu mandi halya ha maheri halawendewiko.

2TIMOTEO 2:10

Nkyo kitewe ngakutirisia njekaa shi ya shose kimaduma kya wasambuṟe walya wa Ruwa, kundu nawo wakuwonye okiio lo Kristo-hu Yesu hamu na wuitoṟi wo mlungana.

2TIMOTEO 2:19

Kya indi kiwanja kitumhari kya Ruwa kiikiwanzi kihoṟoki nakyo kii-kiṟehie mṟeho fui mṟehie fuhambie, “Mndumii aichi wai wake,” na lingi, “Orio mndu ekesenda rina lya Mndumii nalekane na wumbafu.”

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

1PETRO 1:2

Kui kyama kya Ruwa Wande kiwesongoe kilemnenga kamusambuṟa moilisho nyi Mumuyo Mwele kyemwidikishya Yesu Kristo na imwolya samu yake. Wutonga na ofoṟo shimuwelukie welu.

1PETRO 1:20

Nyio awemsambuṟe nyi Ruwa matika wuyana-wu wulawendewiko, indi nyi alemanyishio iheri li lifurumi lya maheri hose kimaduma kyanu.

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.

2PETRO 3:14

Nyo mui-wakunde wako, nkyo kimaduma ili muiweda isho, mukutambahanye muhende ikoyo-ho mulai na paṟi ma limu mulawa ihoyo owingo oshangunyi lo Ruwa mui na ofoṟo.

1YOHANE 4:16

Natso lomemanya mkundye fu Ruwa alukundi nafo lukawefuidikya. Ruwa nyi ikunda motsinda echikaa mkundyenyi-fu nyio awa mokaa na Ruwa na Ruwa awa mokaa nao.

OTAMBAHALUO LO YOHANE 13:8

Na walya wai iya wuyana wechihenda iliolokia wose iwo walai-waṟehie marina hawo kitapunyi kya moo wokia matika halya ha kidihina kilya kishinje.

OTAMBAHALUO LO YOHANE 17:8

Indo li omeliwona liwei-pfo ili kacha, indi wulalu liipfo-pfo. Nalyo lyechido liwuka ko wapfu; indi lyechirumatso. Wai wuyana wechiṟihio. Na wandu walee masangenyi walai-waṟehye marina hawo ipfo kitapunyi kya moo wokia wuyana wulembiko, wo wechiwuko m madima ilindi wewona indo lyi ke liwei-pfo kacha, lilai-pfo wulalu nalyo lyammboneka-se.