WAEFESO 1:19 - Bibilia Kui Mdedie fo Kimochi

¹⁹ Mumanye na wuidimi woke chando wuikolonye shose ailukaya nawo so luidikye na ikuwada nao, nawo nyi wuwonekye ipfo kundu alekupaya na wuitiki wo pfinya yake chando wui.

WAEFESO 1:19 ပူးပေါင်းရင်းမြစ်များ

YESAYA 53:1

“Nyiu aleidikia mbonyi tsilya luleende? Na owoko lo Ruwa nyiu amtambaṟuye?

YOHANE 3:6

Mndu nekefeo kimbihu nyi ndeye na mae, kya indi nekefeo kimrima nyi Mumuyo.

MAWUTO HA WASU 26:18

Nowaambuṟe meso hawo, waindukye sa, wawuke wuitoṟinyi wo Satan wahalukye Ruwa, waambye mhoṟye fo manyamaṟo na iwada kyoṟa, kii kya walya wai wailishe kui mwidikye fonjiidikya inyi.’”

WAROMA 1:16

Kyamba inyi njilapfia sonu kya Ndumi yo ya Sia ya okiio, kyamba nyi ikeri pfinya ya Ruwa yewonya orio mwidiki oletso iasie na mndu Myuda na mndu Mgriki.

2 WAKORINTO 4:7

Indi lurie kisa ki shihienyi shii-shiwumbe na wumba kundu pfinya ii iingiki idi imanyike ke nyi ikeri ya Ruwa, ilahambo ke nyi kodu so iwukie.

2 WAKORINTO 5:17

Nkyo kyaenenga kokoya mndu ai Kristo-hu nyi amba mbika njihya; sha kacha shamesia, ate shose shamhenda ilawuka.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAEFESO 3:20

Ichu aidima iwuta kya woeṟa shing'anye shilya luiterewa ang'u ikusaṟa shose kui pfinya iya iludung'anye so.

WAEFESO 3:7

Kyayo nyio inyi ngamtano mṟundi kui isaṟia mopfuṟukanya kui kisumbo kilya kya wutonga wo Ruwa njimwinenge kui wuitiki wo pfinya yake.

WAEFESO 6:10

Kya shingi shose mukuwanzye Mndumii-hu na wunene-hu wo pfinya tsake.

WAFILIPI 2:13

Kyamba nyio Ruwa aitana kimu nanyo iteseheṟa na iṟunda shilya shichihianyi.

WAFILIPI 3:21

Nao nyio echikaa nailache mbihu fodu fo wunyonge fuwute-ho ifanana na mbihu foke fui na wuitoṟi. Kechiwa kidi kisumhanye pfinya iya awode yemnenga echilaṟa shose shi yake.

WAKOLOSE 1:29

Nakyo nyi ngakiwinya njekapana kui wuitiki wu wo Kristo wuiṟunda kiidi kyako na pfinya ing'anyi.

WAKOLOSE 2:12

Kipfa mulemṟiko kimu nao ipfo wupatisonyi mukaweṟutso kimu nao kui wuidiki wo mwamtsie fo Ruwa alemṟutsa Kristo wapfunyi.

1WATESALONYIKYE 1:5

Ili ndumi yo yadu ya sia ya okiio ilawembiia nyo kui dedo liyenyi indi na kui pfinya na kui Mumuyo Mwele na kui wutichi wose. Nanyo mwichi chando lulekukaya konu kipfa kyanu.

2WATESALONYIKYE 1:11

Nakyo nyikyo kimaduma luimterewya kiheri kyose. Kundu Ruwa odu namsumhantsie ndaho ii naweawutsya chila yose ya wucha na iṟunda lya wuidiki kui pfinya.

YAKOBO 1:18

Nyio alekunda kalufee so kui idedo lya kii-lohi kundu lukae-pfo lui odambiko lulya lo wuwee lusongoe mawumbe hake.

1PETRO 4:11

Kuwode modeda lyo liwe lya mbiia tsa Ruwa, kuwode mopfuṟukanya lyo liwe lyechiwutika kui pfinya ii injiende nyi Ruwa, kundu Ruwa nakuwutie-ho iṟumisho na ishi shose kui Yesu Kristo. O ai menyi wuitoṟi na wukolonyi wochikaa mlungana! Amenyi.