WAEFESO 1:17 - Bibilia Kui Mdedie fo Kimochi

¹⁷ Kundu Ruwa chu o Mndumii odu Yesu Kristo nao nyio Wande menyi wuitoṟi ili molanga immanya namwenenge Mumuyo motambahalwo nawe momṟangusha.

WAEFESO 1:17 ပူးပေါင်းရင်းမြစ်များ

1MBONYI TSA MAHERI 29:11

Ee, Mndumii-Ruwa, wumangi nyi wopfo, na pfinya, na mng'ano, na wuwinzi, na wusuṟi; kipfa shindo shose sha ruwehu na wuyana nyi shapfo; na wumangi nyi wopfo, Ee, Mndumii, na iyo numuichike, na nyi ui mnene huye ya shindo shose.

YOBU 42:5

Na lohi njileicho mbonyi tsapfo ko madu tupu, indi wulalu njikuwonyi kwi meso hako njimonyi.

SHIIMBO SHA DAWIDI 24:10

Mangi chu o kiṟumi nyiu? Mndumii menyi matorito Icho nyio Mangi o kiṟumi.

SHIIMBO SHA DAWIDI 24:7

Irienyi mdo yanu, nyo shichumi, Kurenyi, nyo shichumi sha mlungana Mangi ya Mng'ano naide naho.

SHIIMBO SHA DAWIDI 29:3

Ṟu lya Mndumii lii huya mṟinga; Ruwa o kiṟumi nyi alepaṟangatsa ikuṟuṟuma; Mndumii nyi ai huya mṟinga fufoi.

IWUKA 28:3

Na iyo nochiwia wandu wose wawode mrima fo osaṟe, njiwaichuṟie mumuyo fo osaṟe wasungusie Aroni maṟao kundu wamheṟemtse nanjiṟundie kiidi kya iṟunda lya wukohanyi.

MFANANO 18:15

Mrima fo mlaanyi fochiinengo imanya; Kudu ko mndu mṟango kushiha imanya mbonyi.

MFANANO 2:5

Nlyondi ochimanya iindya Mndumii Na imanya Ruwa

YESAYA 11:2

Na mumuyo fo Mndumii fochikaa huyake, mumuyo fo wuṟango na imanya, mumuyo fo chile na wuidimi, mumuyo fo wulaanyi na iindia Ruwa;

YEREMIA 2:11

Ngesa wandu wa mkambo wailacha maruwa hawo, ma chandu halawei Maruwa! Kyaindi wandu wako wailacha wuitoṟi wowo, ko kindo kilechiwatarama.

YEREMIA 24:7

Njechiwainenga mrima fomanya ke inyi nyi Mndumii-Ruwa. Wechiwa wandu wako na inyi njechiwa Ruwa owo kipfa wechinjichea na mrima yawo yose.

YEREMIA 31:34

Ma kechiwa iloshana wehamba manya Mndumii-Ruwa pfo, kipfa wose watutu na wang'anyi wechinjimanya inyi Ruwa. Kipfa njechiwahoṟia madeko hawo, ma njechikumbuo se manyamaṟo hawo pfo.”

YEREMIA 9:24

Indi ulya mokushela nakushele kipfa nanjiichi inyi ke. Nyi Mndumii njekewuta mecha, njiwode wulohi na wusumhanyi, njekewuta shindo sha lohi na wusumuhanyi wuyanenyi. Wandu wa mbaṟi yo nyi wo wekenjichihiṟa.

DANIELI 10:1

Kiidi kya maka fo kaṟaṟu fo Koreshi, mangi o Uajemi, Danieli chu awe mdumbuye rina Belteshaza, kaloṟo idedo; na idedolyo liwei lohi; kipfa nyi lya shida ing'anyi; nao kamanya idedo lilya, kamanya na mawonesio ho.

DANIELI 5:11

Kuwode mndu kiidi kya wumangi wopfo amiichuṟe mumuyo fo maruwa hose hai maele fui kiidi kyake; mandi halya ndeo awode wumangi; ngeela na wulaanyi na wuṟango shilewoneka koke; na Mangi Nebukadneza ndeo kamng'anyisha kambikaho mnene o wahanga, na walaanyi na Wakalidayo na Shisuku.

MATAYO 11:25

Kyasia mandi na halya Yesu kahaluo kahamba, “Ngakuana, hoi Wande, kui mnene o ruwehu na oruka, kipfa ili mbonyi tsi utsiṟikye iwo waṟango na iwo waamtsu kowuya idambuya shikoku.

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

MATAYO 16:17

Kyasia Yesu kahaluo kambia, “Ungusu iyo Simon Petro, kipfa manya chi nyama ma samu shakudambuya ishipfo chila na Wande o ipfo ruwehu.”

MATAYO 20:33

Wakambia, “Nyi kundu meso hadu hatambaṟuke.”

MATAYO 6:13

Ma ulaluduo kitewionyi indi ulukiṟe shindo shiwicho!

LUKA 12:12

Cha kipfa Mumuyo Mwele nyio echimlosha saa iya tichi kindo kiwaṟi ihambo.”

LUKA 2:14

“Kiṟumi nyi kya Ruwa kulya huye, na orukenyi nyi ofoṟo, ipfo ko wandu wakundikie!”

LUKA 21:15

Kipfa ipfo madumbunyi hanu nyi inyi njechimbikia-pfo madedo ha wuṟango, na iwo wemkaṟuo wose, wechidima ihakaṟuo ma ihakanapfo.

YOHANE 14:17

Nyio Mumuyo o wukilohi, ichu wuyana wu wulaidima imbada kipfa wulawode meso hembona ma wuṟango wommanya. Nyo nyi mommanya kipfa nyi aimukaya kechitsinda mrimenyi yanu.

YOHANE 14:26

Indi Mkarishi chu nio Mumuyo Mwele, ichu Wande echimuduma kiwe kui rina lyako, o echimpfunda shindo shose na imtamuṟya kya shose njilemuwia inyi.”

YOHANE 16:3

Na kyatewa wawuta wado nyi kipfa walaichi ma Wande ma inyi walanjiichi.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

YOHANE 20:17

Yesu kambia, “Ma kulawone koikuwasha na inyi. Kipfa ili ndamekudoya na kulya ko Wande. Kya indi uhende kulya ko wanawawama nowawie, Njikudoya na ipfo ko Ndeyako nao Ndeyanu na ko Ruwa oko nao Ruwa onu.”

MAWUTO HA WASU 6:10

Nawo walaidime iwingana na wuṟango woke ma na Mumuyo ulya awodo nyio echideda.

MAWUTO HA WASU 7:2

Stefano kahamba, “Wanawawama wako na wawandie wako, kenjiadanyenyi! Ruwa chu menyi wuitoṟi alewonekya mku chu odu Abrahamu lyamandi ei kulya Mesopotamia alamehenda kulya Haranyi.

WAROMA 1:28

Nawo chando wawepiṟye ikaa na Ruwa ipfo kundo akuwatambaṟuye na wudo o Ruwa nyi alewalekia wahende furunjikya mhie yawo wechiwuta shilya ishiwuta.

WAROMA 15:6

Kundu muwe mochiwikya Ruwa mng'ano, ichu ai Nde o Mndumii odu Yesu Kristo, fuwe fochiwikyo-ho kui mrima ii msanze cha ili kui-ho modeda umu mfi.

1 WAKORINTO 12:8

Kyamba ichu umu amnengo nyi Mumuyo ideda wuṟango, na ichu ungi ideda wulaanyi kui mweke fo Mumuyo ulya ulya.

1 WAKORINTO 14:6

Alewo wanawawama, kokoya ngamchea njededa mdedye shiṟuma nyi kiira kiki njembonya ngamda ndadeda nanyo otambahaluyo ang'u wulaanyi ang'u odambuyo ang'u mapfundo.

1 WAKORINTO 2:10

Natso nyio Ruwa alelutaṟa-mbuya kui Mumuyo. Kyamba mumuyo asumye shose na shiṟike sha kisenyi kya Ruwa.

1 WAKORINTO 2:8

Kyawo waitoṟi wa maindi ha ki-wulalu walawewuichi ma umu-ho. Cha kipfa nokoe wawewuichi wawechiwambya Mndumii menyi wuitori msalabenyipfo.

2 WAKORINTO 12:1

Kiwaṟi ikuṟumisha, ma lilaende mbucha, na njechihoya ihamba mawonesyo na matambahaluo na Mndumii.

WAEFESO 1:3

Nawikyo kiṟumi Ruwa ichu Nde o Mndumii odu Yesu Kristo ameluonyisha na ona lo kimumuyo lose lurie shisumbo sha ruwehu shii na Kristo.

WAEFESO 3:5

Kilya kilawemanyishyo wandu marika halya ha kacha indi wulalu Ruwa kamanyishia wasu wake waele na waikimbi kui Mumuyo.

WAEFESO 4:13

itane loshika ikoya so lose wukimu wo wuidiki na wo imanya Mana chu o Ruwa; luwe wasoṟo wasanze wechia wose msanze mochia ose watoṟikye welu ya wusuṟi wo Kristo.

WAFILIPI 3:15

Kyasia so lui waholotsi na iki luwe lochikihia. Kokoya kwipfo ma kingi muihiahia kyakyo na Ruwa echikimtambahaluya.

2TIMOTEO 2:25

Echidedya kiomboho walya walehanyi nao kulako Ruwa echiwailachia mhie nawaenenge idumbuya na imanya kii-wulohi wawuye isanjika mdo.

TITO 1:1

Inyi Paulo njii singa lya Ruwa na msu o Yesu Kristo moṟundya mwidikye fo wasambuṟe wa Ruwa na mmanyishie fo wu-kilohi wusumhanye wuindi.

YAKOBO 2:1

Wanawawama wako, na mulasanze wuidiki woidikya Mndumii odu Yesu Kristo menyi wuitoṟi na ikundya wandu.

2PETRO 1:3

Chando pfinya yake ya ki-Ruwa, Ruwa ammaa iluwonya shiende moo na wupfudi shose kui imanya ichu alelulaha na mweke fo wuitoṟi na wucha woke o amonyi.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.

OTAMBAHALUO LO YOHANE 7:12

Wechihamba, “Amenyi, Kiichiko na wuitoṟi na wuṟango na wualanyi na wuindi na wuikolonyi na wuṟamtsu wui wo Ruwa odu wochikaa nao maheri hose halunganyi. Amenyi.”