WAEFESO 1:11 - Bibilia Kui Mdedie fo Kimochi

¹¹ Ipfo koke mpfo kundo naso lomewonyo-ho kyadu luwesongwo isambuṟo nyio kui mteṟie fusumhanye ichu mowika shose kui chila ya mhie foke.

WAEFESO 1:11 ပူးပေါင်းရင်းမြစ်များ

YOBU 12:13

“Indi wulaanyi na wuṟango nyi sha Ruwa amonyi, o nawode wuṟango na wuaria.

YOBU 33:29

Isho shose nyi Ruwa akewuta kawi, ee ma kaṟaṟu ko mndu.

SHIIMBO SHA DAWIDI 37:18

Mndumii naichi mfiri ya wahoṟotsu, na kyoṟa kyawo kyewa kya mlungana.

MFANANO 8:14

Chile nyi yako, na wulaanyi wuhoṟotsu; Inyi nyi wuṟango, inyi njiwode pfinya.

YESAYA 25:1

Hoi Mndumii, iyo nyi ui Ruwa oko; Njechikung'anyisha na iichika rina lyapfo; Kipfa nyi uwutie ṟiho tsing'anyi, Chila tsa mbooko, na wuhendeli wo lohi.

YESAYA 28:29

Isho shose shiwukie ko Mndumii menyi Matoṟito, awode chile tsa kiṟiha, aidie wose kui wulaanyi.

YESAYA 5:19

Wahamba, owinyi kambiṟa iṟunda lyake kundu mliwone; naende mbonyi tsake ichu ai Mwele o Israeli, kundu luliwone.

YEREMIA 23:18

Kipfa nyiu ulya alehoṟoka mengenyi ya Mndumii, mṟasa imanya idedo lyake na iliicho. Nyiu alewada idedo lyako na mrima na iliadanyia.

YEREMIA 32:19

Iyo nokesaya kwi wuṟango na nyi okewuta ṟiho; njia tsa wandu tsi kitaṟe oshangunyi lopfo, noketaa orio mndu kihianyi na mawuto hake.

ZEKARIA 6:13

Ee, nyio echiwika hekalu la Mndumii; nyio echiduo wuitoṟi wo; nechidamia loṟikehu lo wuitoṟi, kuwekaapfo na mkohani loṟikehu lo wuitoṟi, kochiwada chila ya ofoṟo kiidi kyawo.

MAWUTO HA WASU 13:48

Wandu wa mbaṟi njihenu wekiicho wado wakachihio wakaichika idedo lya Mndumii wakaidikya nawo nyiwo iwo wawemteseheṟyo moo fu fo mlungana.

MAWUTO HA WASU 2:23

Mndu chu ili awei mdambike-ho adi kui chila ya Ruwa njiwanze na kui mmanyie foke matsika kacha nyio mukambambya msalabenyi kui mawoko ha walya walaichi wuwawaso mkambaha.

MAWUTO HA WASU 20:27

Kyamba njilekushowa nde ndamwongoya kya chila ya Ruwa yosepfo.

MAWUTO HA WASU 20:32

“Kyasiang'u wulalu le ngamudambikyang'u Ruwa mukae wawanze nyi idedo lyo lya wutonga woke. Nyio Ruwa aidima imupfunga muwe mba na imwenenga kyoṟa kimu ipfo kundo wailishe wake wose walṟe.

MAWUTO HA WASU 26:18

Nowaambuṟe meso hawo, waindukye sa, wawuke wuitoṟinyi wo Satan wahalukye Ruwa, waambye mhoṟye fo manyamaṟo na iwada kyoṟa, kii kya walya wai wailishe kui mwidikye fonjiidikya inyi.’”

MAWUTO HA WASU 4:28

Ili walewika wadi wakahenda iwuta kilya owoko lopfo na chila yapfo iweteseheṟye wokia kacha shiwewaṟi shiwutike.

WAROMA 11:34

Nyi o ku alememanya mahio ha Mndumii? Ang'u nyi wu awei mnjama oke?

WAROMA 8:17

Indi kyamba so lukeri wana wa Ruwa nyi lui na waoṟi luchiambia mboṟa tsa Ruwa; lukamba waoṟi nyi lui na waoṟi weoṟa hamu na Kristo kiwe lohenda ikisokiso nao kundu lushike iwiko na wuitoṟinyi wumu nao.

WAROMA 8:28

Na luichi kya shindo shose Ruwa nekeṟunda hamu na walya, wamkundi na iwaonyisha wucha wose, nawo nyiwo wai-walahe kui kyama kilya kyake.

WAROMA 8:29

Kitewe nyi kipfa iwo alesonguo iwamanya kawesonguo na iwasambuṟa wawe wefanana na mfananye fo Mana-chu oke, kundu o nawe wawae o wana wa wee limu wafoi.

WAROMA 8:30

Na iwo alesonguo iwasambuṟa nyiwo alewalaha, na iwo o nyiwo alewatana wahoṟotsu; oshangunyi loke; indi iwo alemaa iwatana wahoṟotsu wadi nawo nyiwo alewasumba wuitoṟi.

WAROMA 9:11

Kyamba kyawo ma indi wana walawendefeo ma walawendewuta kiwe kii kicha kiwe kii kiporu kashika iwio kyewadumbuya, kundu kyama kya Ruwa kyesambuṟa kikae-ho kechitoṟya.

WAGALATIA 3:18

Cha kipfa kima wuhawi wulya wuwewa na mweke fo mawiko wuwekiwonekya-se kui kiteṟyopfo. Kya indi Ruwa alemsumba Abrahamu wo nga kisumhanye kiteṟyo kyake.

WAEFESO 1:14

Nao ai mbetesa ya kyoṟa kyadu motalaa walya wawode menyi, kundu wuitoṟi woke wuwikyo kiṟumi.

WAEFESO 1:18

Nao nawe moitsa sa ipfo ngoonyi tsanu kundu mumanye kilya kyakunda iwedyo kimcheye na ndaho yake muwemanya mfeṟa fo wusuṟi wo wuitoṟi wo kyoṟa ateseheṟye waele.

WAEFESO 1:5

Nyi ikunda ili aleluteseheṟya wuwana wo koke amonyi kui Yesu Kristo chando kiwechihianyi na mhie foke.

WAEFESO 1:8

Nawo nyiwo alewulufeṟya kui wuṟango na wutichi wose.

WAEFESO 1:9

Echilutambahaluya kyama kikoome kya mhie yake kechidumbwo ado ipfo koke amonyi.

WAEFESO 3:11

Kisumhanye chila ya mṟamna Ruwa aleiwika iwei ya ko Kristo Yesu Mndumii odu.

NGUMBUO YA MAWAWASO 4:20

Kyaindi nyo nyi wandu Mndumii-Ruwa alemuashuo kuwuka Misri kulya nungu nyi ya menya. Nalemuwutapfo kundu muwe wandu wake chandu mukeri wulalu.

WAKOLOSE 1:12

Mochiana kui sia Wande chu alelutsana lusumhanye ohawi lo kyoṟa Ruwa aleteseheṟia Wandu wake ipfo kidembonyi kya sa.

WAKOLOSE 3:24

Mochimanya ke mochiambya wueri wuwukie ko Mndumii, nawo nyi kyoṟa kilya. Ṟundienyi Kristo Mndumii!

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

TITO 3:7

Kundu luwe waoṟi wa moo fo mlungana fuiwedyo lui wasumhantse kui wutonga woke.

WAEBRANIA 6:17

Na wudo Ruwa ili alekunda iloṟa weoṟa kyasa kilya wutumuhari wo kyama kyake kui wuitiki wung'anyi kasanzia-ho ilya nyamu.

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

1PETRO 1:4

Koikyo kuiiwedia iwona mboṟa tsilya Ruwa ateseheṟie wandu wake ipfo Ruwehu tsilesia tsilai na mbaka tsilechiuma tsinjikoome ipfo ruwehu.

1PETRO 3:9

Shiwicho mowutyo nyo, ma mulataaye na shiwicho shingi. Ma mularume ili momrumo nyo. Indi kaenyi ora lungi muwe mowikya ona, kipfa kilya mui-walahie nyi Ruwa kundu muhendeduo ona luwe kyoṟa kyanu.