WAEBRANIA 9:21 - Bibilia Kui Mdedie fo Kimochi

²¹ Na wudo kaweolya na hema lilya na shihia sha wuindi shose samu.

WAEBRANIA 9:21 ပူးပေါင်းရင်းမြစ်များ

IWUKA 24:6

Mose kaira kienga kya samu iya, kaiwika mboṟikonyi tsifoi na kienga kya samu iya kaipusuya huya rasio.

IWUKA 29:12

Numa ira samu njiangu ya mmbe, noiwike ndumbenyi ya rasionyi na kimnyo kyapfo; na iletsia samu yose shia rasionyi.

IWUKA 29:20

Kiidima noshinje isuwa lyo, noire samu yalyo, noiwike huya kudu ko Aroni ko ora lo kulyo, na huya madu ha kulyo ha wana wake, na kiidi kya shimnyo shinganyi sha mawoko hawo ha kulyo, na kiidi kya shimnyo shinganyi sha madende hawo ha kulyo, na inanatsia samuyo itengeta mbai na mbai ya rasionyi.

IWUKA 29:36

Orio mkonu nolekia mmbe ya kidaso kya wunyamaṟi kipfa kya kisanza; na iyo nochisanja rasio lyo oo handu ochiwutia kisanza kipfa kya rasio; na iyo noliletsie mafuda, kundu nolyiheṟemtse.

IWUKA 40:9

Numa noire mafuda heshia, na ishia mafudaho handuho hekaa, na orio kindo kii ipfo mba, na iihaluo iwe njiele, na shihia shayo shose; na handuho hechiwa haele.

WALEWI 8:15

Nahong'u kaishinja; Mose kaira samu yayo kashia na kimnyo kyake ndumba tsa rasio lilya njora tsose, kaheṟemtsa rasio, numa kapusiya samuyo alya wanda ya rasio kaiheṟemtsa, kundu nawike kisanza kui kipfa kya ikyo.

WALEWI 8:19

Kiidima Mose kalishinja; na kaletsia samu iya yalyo alya rasionyi njora tsose.

WALEWI 9:18

Kaweshinja na ipung'alyo, na isuwalyo daa, shiano sha shidaso sha ofoṟo shiwei kipfa kya wandu; na wana wa Aroni wakamsembeṟia samu iya, nao kaiolia rasionyi njora tsose,