WAEBRANIA 9:19 - Bibilia Kui Mdedie fo Kimochi

¹⁹ Cha kipfa mandi Mose alemaa iwia mkambo fulya mawawaso haitumananyi ipfo wuwawasonyi hose kawada samu ya mahache na oṟo sanza na mṟinga na pamba ya king'aring'ari na iṟa lyeola kaolya nasho kitapu kilya kiikyenyi na mkambo fulya fose.

WAEBRANIA 9:19 ပူးပေါင်းရင်းမြစ်များ

SHIIMBO SHA DAWIDI 51:7

Unjisanje na maṟa hesamba na inyi njechiila, unjisanje na inyi njechiila, kota makuṟeṟa ha mtsudu.

IWUKA 12:22

Nanyo muire iṟamba lya iande, mulikape kulya samunyi injiwike mboṟikonyi na ilikapa kiwangowangonyi na shiekonyi shiwi sha mongo kui samuyo ikeri ipfo mboṟikonyi; kingise mndu o kiidi kyanu oose nalaitole mongo fo mba yake itane ngamenyi.

YESAYA 52:15

nyi wudo echiṟihisha mamiingi; wamangi wechitsia sau; kipfa shindo walawawie wechishiwona; na mbonyi walalemetsiicho wechitsimanya.”

EZEKIELI 36:25

Ambuyenyi njikeri ihenda iwaletsia mṟinga sa mharami, fuhende imusanja oko lonu lose hamu na sanamu tsanu tsose.

WALEWI 1:10

“Kiinengo kyake kokoya nyi kyauka iponyi lya machondi ang'u lya mburu, kiwe kidaso kemaya modonyi; nechilekia kya kisoṟo kiheṟemtsu.

WALEWI 3:6

Na shindo shake shelekia mwano fo ofoṟo nechishinjia Mndumii, kokoya nyi sha mfiṟihenyi fo machondi; masuwa ang'u nyi ha kika, nechilekia ikyo kii kiheṟemtsu.

MAITALA 19:18

Mndu sa amheṟemtsu, naire iande, numa naliwike ipfo mṟingenyi, kiidima naolie ihema na shihia shose shii ipfo ihemenyi na wandu wakeripfo. Naweoliase mndu alepaaya mafuo ha mndu, ang'u mbihu fo mndu alewooho ang'u alepfa opfu lungi, ang'u alepaaya kipfu.

MAITALA 19:6

Numa mkohanyi naire kidi kya meresi, ande na sufu ya kimaande nashiwike kulya modonyi.

MATAYO 27:28

Wakambuta nguwo. Wakawuya wakamṟika nguwo ya mawoko ifanyi king'aring'ari.

MARIKO 15:17

Wakamṟika nguwo ya king'aring'ari wakaoka oṟo ya msha wakamhekya mdonyi.

MARIKO 15:20

Nahong'u wamemtaluo, wakambuta nguwo iya ya king'aring'ari wakamṟika nguwo tsake amonyi. Wakamduo, kundu wambambye msalabehu.

YOHANE 19:2

Nalyo wasikari walya wakaoka oṟo ya msha wakambika mdonyi, wakamṟika nguo ya king'aring'ari.

YOHANE 19:5

Nahong'u Yesu kacha na ipfo nja aṟee oṟo iya ya msha na nguo tsa king'aring'ari. Nalyo Pilato kawawia, “Ambuyenyi! Aichu mndu chu.”

WAEBRANIA 1:1

Mbaṟi tsiweipfo tsifoi na njia natso Ruwa alemdeda na waku wadu kui waikimbi walya.

WAEBRANIA 10:22

Luhendetikiria-ho luwode ngoo nlalutsu lui na welu ya mwidikye lui-waolye ngo tsa mrima tsilakikae makufaṟe lui-wasanje mbihu na mṟinga mharami.

WAEBRANIA 10:4

Kyamba samu ya chau na ya oṟo ilai na pfinya yewuta-ho manyamaṟo.

WAEBRANIA 12:24

Na Yesu moende owiko lulya luhya na samu iya ya maolya ikeri ideda kuichyo kota iya ya Abeli.

WAEBRANIA 9:12

Kakuidya-ho chi kui samu ya oṟo ang'u ya mahache, kya indi nyi kui samu yake ii njenyi kahenda hando halya haele ili limu kechiwika ndalai yekaa mlungana.

WAEBRANIA 9:13

Alewo kokoya samu ya oṟo na ya chau sanza na mtsiri fo taho nkoṟe sheolya wawode paṟi shekeilisha mndu shimbonye-se wukeha wo kii-nyama.

WAEBRANIA 9:18

Nkyo kitewe manya lulya lo kuwoka lulehoṟotso-ho chila samu iwei-hopfo.

1PETRO 1:2

Kui kyama kya Ruwa Wande kiwesongoe kilemnenga kamusambuṟa moilisho nyi Mumuyo Mwele kyemwidikishya Yesu Kristo na imwolya samu yake. Wutonga na ofoṟo shimuwelukie welu.