WAEBRANIA 8:11 - Bibilia Kui Mdedie fo Kimochi

¹¹ Ma kochikaa-pfo echilosha odoya ma ihenda iwia odoya manya Mndumii-pfo. Kipfa wechinjimanya wose wokia ichu ai mtutu owo shika ichu ang'nyi.

WAEBRANIA 8:11 ပူးပေါင်းရင်းမြစ်များ

1MBONYI TSA MAHERI 28:9

“Na iyo Solomoni mana oko, manya mnu Mndumii-Ruwa o ndeyo, nomṟundie ko mrima fumsalari, na mahiyo ha mwidikie; cha kipfa Mndumii-Ruwa, nekesauṟa mrima ya wandu yose, na imanya mahiyo na lango tsawo tsose, komshiha nochimbona; kyaindi kulamemshihe, nechikuda mlungana.

2MBONYI TSA MAHERI 30:22

Kyasia, Mangi Hezekia kaichika na iwanza mrima ya wakohanyi kipfa kya ili walehoṟokia iṟunda leindia Mndumii-Ruwa ko wuaria wung'anyi. Komesia mkonu mfungade wandu wechilya, na iwuta shidaso sha ofoṟo na iṟumisha Mndumii-Ruwa, Ruwa o wasahuye wawo.

EZRA 7:25

Na iyo Ezra, kyamba uwode wuṟango wo Ruwa mawokonyi hapfo, sambuṟa wachili na wedumbuo mondu wesongoya wandu wose wakeri ora lo kyukanyi lo meda fo Eufrate, walya wekeosha mawawaso ha Ruwa chu opfo, na walya walaichi mawawaso ho, muwaloshe.

YESAYA 2:3

Na wandu wa masanga wechihendaho na ihamba, “Nchonyi luhende fumvuhu ko Mndumii, kanyi ko Ruwa o Yakobo, nao nechilulosha njia tsake, naso lochiosha mawawaso hake; kipfa kiidi kya Sioni, kochiwuka iwawaso na idedo lya Mndumii liwuke Yerusalemu.”

YESAYA 54:13

Wana wapfo wose wechilosho nyi Mndumii; na ofoṟo lo wana wapfo lochifo.

YEREMIA 24:7

Njechiwainenga mrima fomanya ke inyi nyi Mndumii-Ruwa. Wechiwa wandu wako na inyi njechiwa Ruwa owo kipfa wechinjichea na mrima yawo yose.

YEREMIA 31:34

Ma kechiwa iloshana wehamba manya Mndumii-Ruwa pfo, kipfa wose watutu na wang'anyi wechinjimanya inyi Ruwa. Kipfa njechiwahoṟia madeko hawo, ma njechikumbuo se manyamaṟo hawo pfo.”

YEREMIA 42:1

Nahong'u wanene wose wa machekeṟo, Yohanani mana o Karea, na Azaria mana o Heshaia kimu na wandu wose, watutu ko wang'anyi,

YEREMIA 42:8

Kyasia Yeremia kalaha Yohanani mana o Karea, na wasongoru wose wa machekeṟo kimu na wandu wose watutu ko wang'anyi, kawawia,

YEREMIA 44:12

Njechiwuta wandu wa Yuda waletsuhaa iwo wakuṟeheṟie ihenda ikaa Misri, njiwarumatse wose, wang'anyi ko watutu; wechipfa ko oshu ang'u ndaṟe. Wechiwa mbosha, kiṟihisho, oseso na italuka.

YEREMIA 6:13

Kyamba, wokia ulya ai mtutu itane ulya ang'anyi kiidi kyawo orio umu nyi aichuo lango; na wokia mwikimbi mṟasa Mkohanyi, orio umu nekewuta mbonyi tsa wulembi.

EZEKIELI 34:30

Nyi hondo wechiwutaho imanya ke Inyi nyi Mndumii-Ruwa, Ruwa owo, ambuya njikeri hamu nawo, na mba yo ya Israeli nyi wandu wako. Nyi Inyi Mndumii-Ruwa ngahamba.

HABAKUKI 2:14

Kipfa wuyana wochiichuṟo wulaanyi wo wuitoṟi wo Mndumii chando mṟinga foichuo ipalyipalyinyi.

YOHANE 6:45

Waikimbi waleṟehya, ‘Wandu wose wechilosho nyi Ruwa.’ Nahong'u orio mndu ose aadanyia kiwuka ko Wande na ikulosha nyi aicha na koko.

MAWUTO HA WASU 8:10

Nao nyio aleadanyio nyi wose wokia mtutu itane ang'anyi wechihamba, “Simon nyi awode wuidimi wo Ruwa wulya wung'anyi.”

1YOHANE 2:27

Nanyo, mshimbuo-fu momwambya fuwukye ipfo koke mfo fookaa nanyo. Nanyo muwuṟye mndu mompfundapfo. Kya indi chando mshimbuo foke fuimlosha kya shose nafo fui lohi fulai wongo, na chando fulemlosha nyo kaenyi nafo.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.