WAEBRANIA 6:12 - Bibilia Kui Mdedie fo Kimochi

¹² Kundu mulahombye kya indi mukuwaakishane na walya waoṟa shiteṟio shilya kui mwidikye na mkutirisie.

WAEBRANIA 6:12 ပူးပေါင်းရင်းမြစ်များ

MFANANO 12:24

Owoko lo mndu mpfuṟukanyi lochiitoṟya; Indi mndu mdoko nechitoso okamba.

MFANANO 13:4

Mbihu fo mndu mdoko fulangie elewona kindo; Indi mbihu fo mpfuṟukanyi fochinuo.

MFANANO 15:19

Njia ya mndu mdoko nyi mfiṟiha fo msha, Indi ohendo lo mndu mhoṟotsu lochiwa njia njilandari.

MFANANO 18:9

Ulya ai mdoko iṟundenyi lyake, Nyi odoe o mnyamaṟi.

MFANANO 2:20

Kundu uidime ihenda njienyi ya wandu wecha, Na iwada njayo tsa wenyi wulohi.

MFANANO 26:14

Chandu mongo fokeṟunguka kiidi kya cherinyee; Na wudo mndu mdoko ipfo kitaṟenyi kyake.

MFANANO 28:10

orio mndu modetsa wandu kiidi kya njia njiwicho iwo wecha Nechioloka mdehonyi foke amonyi; Indi wahoṟotsu wechioṟa mecha.

SHIIMBO SHA SOLOMONI 1:8

Kulamemanya iyo ui mcha kiidi kya waka Wada njia uoshe okondo lo machondi Na ilisa shidahina sha mburu tsapfo Kufui na mahema ha walisi.

YEREMIA 6:16

Mndumii nahamba adi, “Hoṟokenyi kiidi kya njia ing'anyi muwone, muwese mbonyi tsa okondo loko lo kacha, “Yeku njia iya njicha muhende kiidi kya njia-yo, nanyo mochiwona sia kiidi kya mrima yanu. Kyaindi walehamba ke loleha ihenda kiidi kya njia yo.

MATAYO 22:32

‘Inyi nyio Ruwa o Abrahamu na Ruwa o Isaki na Ruwa o Yakobo.’ Ruwa chi akeri o wapfupfo shila na o iwo wai na moo.”

MATAYO 25:26

Na mndumii oke kamhaluo kambia, “Iyo ui isinga liwicho kowewa na mdoko ili uweichi njekesambuo handu njilawaye-ho ngawesana na handu njilakumbie ho mbeu.

LUKA 16:22

Kukashika, mkiwa ulya kapfa, kahenda-dao nyi wamalaika kulya nndenyi tsa Abrahamu. Na msuṟi ulya kawepfa, kaṟiko.

LUKA 8:15

Indi tsilya tsa terinyi njicha, nyi iwo wekeicho idedo lilya, wakaliwada na ngoo njilalutsu wakakumbia ndunda na itirisia.”

WAROMA 12:11

Mulalehele ihidya siṟi, mwake-akye mrimenyi yanu mochisingya Mndumii.

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

WAROMA 4:12

Nawewa na mku o wa-wadine iwa walai wadine wadi kya indi na wekyeosha njia iya iya ya njayo tsa wuidiki ndeyadu Abrahamu awewuwode lyandi alawemdino.

1WATESALONYIKYE 1:3

Lulatsia itamuo oshangunyi lo Ruwa odu Wande kyando kya wuidiki wonu na mawina ha kikunda na ikukarishia lya owedo lyewedya Mndumii odu Yesu Kristo.

2WATESALONYIKYE 1:4

Nakyo kyaenenga so lokuṟumisha kipfa kyanu ipfo siṟinyi tsa Ruwa kya otirisi lonu na wuidiki wo ipfo shiterengyonyi shanu shose na shiwirenyi shilya mulekukarishia kyasho.

WAEBRANIA 1:14

Chi wai mumuyo yaṟunda wose iii-mme yeekyana na walya wai wateṟie okiio kyoṟa kyawo?

WAEBRANIA 10:36

Nyi muwuṟie ikaa na mrima msanze kundu muhende iduo kilya kii kiteṟye mukamaa iwuta kilya Ruwa akundi.

WAEBRANIA 11:33

Wonyiwo walelaṟa maumangi kui wuidiki wakaende wusumhanyi, wakashika ikoya shilya shileteṟyo wakapfunga madumbu ha miso.

WAEBRANIA 12:1

Nkyo kimaduma naso ili lui na ipuchi lya waṟingishi lilutengetie lidi luleṟye wanda orio wulami na wunyamaṟi wu wokiṟa iluoṟowya owinyi, lochiengeṟa ihenda ira ngapano iii njiwawasye yadu lukuhode-ho necha.

WAEBRANIA 13:7

Kaenyi mochikumbuo wasongoru wanu iwo walembia idedo lya Ruwa. Muwe mochikapya mainukyo ha ohendo lowo meso mukuwaakishye wuidiki iwu.

WAEBRANIA 5:11

Kyake o kuweipfo shifoi shededa indi shirohie idambuya cha kipfa nyo muhombie mnu maadanyionyi.

WAEBRANIA 6:15

Nao kakutirisia ado kashika ikoya kyasa kilya kyaawutsyo.

YAKOBO 1:3

Mochimanya ke kilya kiihesha wuidiki wonu kiende wukuhodi.

2PETRO 1:10

Ili nyi wudo kii, nyo wanawawama, kimwamtse kawi muitike iwanza nandaho na msambuṟye iya mulelahio nyi Ruwa iwe ya kiheri kyose. Kyamba kokoya mochiwa wewuta shilya shilya mochiho ma indi-pfo.

1YOHANE 2:25

Na kiteṟyo kilya ameluteṟya o, kyo kiiteṟyo-ho moo fo mlungana.

OTAMBAHALUO LO YOHANE 13:10

Kokoya kwipfo aidao kipfungonyi nahende itano mpfungo amonyi. Kokoya kwipfo ekewaha wandu na oshu, na kimbaṟi nahende iwoho na oshu o amonyi. Nyihondo kukeri wukutirisi na wuidiki wo wandu wa Ruwa.